Ձեր վստահելի աղբյուրը

Հայտնի երգչուհի Իվետա Մուկուչյանը փոխել է մազերի գույնը՝ դառնալով շիկահեր։

«Կյանքը հետաքրքիր է։ Կյանքը մի այնպիսի բան է, որ մի օր դու կարմիր գորգի վրա դիցուհի  ես, մյուս օրը ցանկանում ես շիկահեր լինել, մյուս օրը դու դեպրեսիայի մեջ ես և ուզում ես միայն ուտելիք պատվիրել, գլխիդ կոս անել, անկողնում մնալ և դիտել ֆիլմեր, իսկ մյուս օրն առավոտյան քո ուրախ պարն ես պարում և ցանկանում փոխել աշխարհը։ Շատ հետաքրքիր է կյանքը։ Այսօր ես շեկուհի եմ, վաղը տեսնենք՝ ինչ եմ լինելու, ով եմ լինելու, որ Իվետան եմ լինելու», -ինսթագրամի սթորի բաժնում գրել է նա։

Հաջորդ նկարով նա ողջունել է նոր «կարգավիճակը». «Hello blondine»։

Հայտնի երգիչ, անժամանակ մահացած Հայկոյի նախկին կինը՝ Անահիտ Սիմոնյանը որդու հետ զարդարել է տոնածառը։

«Մի քիչ մեր ամանորյա տրամադրություն լրահոսում։ Մենք արդեն մի քանի տարի չենք փոխում տոնածառը։ Այդպես Արմանն է  ուզում, այդ պատճառով մեզ մոտ գլամուրային չստացվեց, բայց մենք սիրում ենք այդ պրոցեսն ու էմոցիաները։

Մեզ համար կարևոր չէ ամանորյա եղևնու շքեղությունը, մենք արժևորում ենք դրա յուրաքանչյուր հին խաղալիք, քանի որ դրանցից ամեն մեկում մեր անցյալն է, որն անգին է։ Շնորհավոր Ամանոր»,-ինստագրամում հրապարակած տեսանյութին կից գրել է երգչուհին։
 

Երգչուհի Սոֆի Մխեյանը ներկայացրել է «Հեռանում եմ» երգի տեսահոլովակը։

«Երգ-Էմոցիա, որը ծնվեց մեկ շաբաթ առաջ ու յուրաքանչյուրիդ  շնորհիվ այսօր այն ներկայացնում եմ ձեր դատին»,-գրել է նա ինսթագրամի իր էջում։

Տեսահոլովակը յութուբում դիտել է մոտ 5 հազար մարդ։




Հեռանում եմ...

Ներսում՝ դատարկություն, դրսում՝ traffic,
Ես՝ մեն մենակ, քաղաքը՝ պիկ,
Քայլում եմ, չեմ էլ իմանում, թե ուր
Ճամփով տխուր…

Այսօր աշուն, իսկ վաղը ցուրտ ձմեռ,
Կիսատ մնաց համբույրը մեր,
Քեզ դառը սուրճ ու ծխախոտը քո,
Ինձ թեյ՝ to go…

Հեռանում եմ էն ճամփով, որով եկա,
Կարոտից ուզում է սիրտս հեկեկա,
Հեռանում եմ, բայց օդի նման ինձ պետք ես,
Ես սիրում եմ քեզ,

Հեռանում եմ մեր սիրած հին փողոցով,
Հեռանում եմ ես էն նույն սրտխփոցով
Տարիներ առաջ որով եկա քեզ մոտ ես,
Որ դու ինձ ասես՝
«Սիրում եմ քեզ»...

Գնում եմ, ուր տանի սրտիս հասցեն
Գնում եմ, որ թաքուն լացեմ
Դեմքիս՝ հիմար ժպիտ, սրտում՝ արցունք,
Անձայն զգացմունք...

Թվում էր սերը ինձ ձրի երազ,
Բայց ոնց որ թանկ նստեց վրաս,
Ստիպված եմ ես հիշել երազը մեր
Ամեն ձմեռ:
 

Իրավապաշտպան, փաստաբան Ռուբեն Մելիքյանը, անդրադառնալով «Զանգ» նախաձեռնության՝ վերջին օրերի ակցիաներին, գրում է.

«Օրեր առաջ մեկնարկել է իշխանափոխության մի ուշագրավ նախաձեռնություն՝ «Զանգ» անվանումով. ամեն երեկո մի քանի քաղաքացիներ՝ նախկինում յառի նիկոլականներ, Մաշտոցի պուրակից մեկնարկում են վրանով ու զանգով երթ ու իրազեկում են քաղաքացիներին, որ պարտադիր պետք է փոխել իշխանությունը, որտև քպ-ենք վատ են կառավարում ու Հայաստանը վերածում են ադրբեջանի։

Դեռ քաղաքացիները չեն շտապում միանալ «Զանգ»-ին։ Դեռ։ Հուսով եմ՝ շուտով վրանն ու զանգը իրենց դերը կկատարեն ու մարդիկ ոտքի կկանգնեն ու կիրականացնեն խաղաղ իշխանափոխություն։

Սակայն եթե տեղի ունենա անհավանականը ու «Զանգ»-ին չհաջողվի հասնել իրենց նպատակին, ապա փույթ չէ - ես մտածել եմ մի հանճարեղ ծրագիր ու «Զանգ»-ի վերջին զնգոցից անմիջապես հետո սկսելու եմ «Կորիզ» նախաձեռնությունը։

Ի՞նչ է իրենից ներկայացնում «Կորիզ» նախաձեռնությունը։ Ամեն երեկո 2-3 համախոհների հետ հավաքվելու ենք անգլիական այգում (որտև անգլիացիները «դառը կորիզ» ժողովուրդ են) ու իրականացնելու ենք «անեծքի երթ» քաղաքով մեկ՝ խնդրելով քաղաքացիներին միանալ մեզ։ Վերջում «անեծքի երթի» բոլոր մասնակիցներով կանգնելու ենք մի բանուկ փողոցում ու մտքի ողջ ուժով անիծելու ենք՝ առ այն, որ գիլաս ուտելիս կորիզը մնա նիկոլի բկում։ Մեզ անմիջապես 3 ժամով ձերբակալելու են՝ ապօրինաբար անեծք տալու համար, բայց մենք չենք ընկրկելու - հաջորդ օրը նոր եռանդով իրականացնելու ենք մեր «անեծքի երթը», որը ծայրից ծայր ուղեկցվելու է Зимняя вишня երգի կատարմամբ։

Մեր այս ծրագիրն անխուսափելիորեն հանգեցնելու է իշխանափոխության, քանի որ եթե «հանրային անեծքին» միանա կրիտիկական մասսան ու մտքի ուժով ձևավորի կորիզի՝ բկում մնալու փափագ, ապա կորիզը անխուսափելիորեն կհայտնվի նշված վայրում։ Դե իսկ մնացածը տեխնիկայի հարց է. բկում հայտնաբերելով կորիզ՝ նիկոլը պարտադիր կհասկանա, որ իր բանը բուրդ է, որ եկել է հրաժարականի պահը ու կշտապի հրաժեշտ տալ իշխանությանը։
«Կորիզ» - զգա՛ մտքիդ ուժը. միացի՛ր ու անիծի՛ր»։

Երգչուհի Սիրոշոն, գրում է:

«Այս տեսահոլովակում ինձ հետ միասին աշխատել են հայեր, ովքեր Ամերիկայում կարողացել են մեծ հաջողությունների հասնել և դառնալ լավագույնն իրենց ոլորտում:

Շնորհակալ եմ, որ կողքիս են, որ միշտ գրկաբաց են ընդունում ինձ, նվիրումով են մոտենում մեր ընդհանուր գործերին, փոխում ու հարմարեցնում են իրենց ծրագրերն ու մեկ դարձած աշխատում ինձ հետ միասին: Ես էլ ձեզնով եմ ուրախանում ու հպարտանում»: