Ամենից շատ կարդացված նյութեր
.jpg "Դիլիջանի ուսումնական կենտրոնն առաջիկայում կլուծարվի")
Ֆինանսների նախարարության Դիլիջանի ուսումնական կենտրոնն առաջիկայում լուծարվելու է: Այս մասին այսօր խորհրդարանում լրագրողների հետ զրույցում ասաց ՀՀ ֆինանսների նախարար Վարդան Արամյանը:
«Ուսումնական կենտրոնը ՊՈԱԿ է, որը վաճառքի չի հանվի: Ես կարծում եմ, որ մենք գնալու ենք այն տարբերակով, որ լուծարենք»,- ասաց նախարարը:
Ըստ Վարդան Արամյանի՝ լուծարելուց հետո շենքը կհանձնվի ՀՀ կառավարությանն առընթեր Պետական գույքի կառավարման վարչությանը, որն էլ ունի հատուկ հաստատված ծրագիր:
Լրագրողների հարցին, թե այսինքն՝ անիմա՞ստ էր այդ կենտրոնի վրա բյուջեից այդքան գումարներ ծախսելը, ֆինանսների նախարարը պատասխանեց. «Իմ սկզբունքն է, որ ես երբեք նախորդների մասին գնահատական չեմ տալիս, դա ճիշտ չէ: Ես կարծում եմ, որ համենան դեպս կարելի է ավելի խելամիտ մոտենալ յուրաքանչյուր հարկատուի գումարներին և մտածել, թե ինչ անենք, որ դա ավելի արդյունավետ ծախսենք: Իմ մոտեցումն այն է, որ մենք պետք է յուրաքանչյուր գումար շատ ավելի խելամիտ ծախսենք, ծրագրերում ներառենք նաև այն հաստատությունները, որոնք ունեն կարողություն»:
Դիլիջանի ուսումնական կենտրոնի կառուցումը սկսվել է 2011 թվականից: Կենտրոնի կառուցման համար բյուջեից միլիարդավոր դրամներ էր ծախսվել:
Studio One