Ամենից շատ կարդացված նյութեր

12:34 09/11/2016

Մենք համագործակցելու ենք և ոչ թե հակամարտելու. Թրամփի առաջին ելույթը նախագահի պաշտոնում

Ընտրությունների արդյունքների հրապարակումից հետո ԱՄՆ նախագահ ընտրված Դոնալդ Թրամփը Նյու Յորքում ելույթ է ունեցել ընտրողների առջև և հայտարարել, որ պատրաստ է անմիջապես անցնել աշխատանքի:

«Ես ուզում եմ ամբողջ աշխարհին հայտարարել, որ շարունակելով առաջին տեղում դնել ԱՄՆ շահերը, միաժամանակ ազնիվ ենք վարվելու բոլորի հետ, բոլոր ազգերի ու ժողովուրդների հետ: Մենք համագործակցելու ենք և ոչ թե հակամարտելու», -պաշտոնում ընտրվելուց հետո ունեցած իր առաջին ելույթում հայտարարել է Թրամփը:

ԱՄՆ 45-րդ նախագահի ելույթը ուղիղ եթերում հեռարձակել են բոլոր լրատվամիջոցները: Նա մեկ առ մեկ շնորհակալություն է հայտնել իր հարազատներին՝ ծնողներին, քրոջը, եղբորը, որդուն, կնոջը, նախընտրական շտաբի աշխատակիցներին: «Նրանք անհավանական մեծ գործ են արել իմ պատմական հաղթանակի համար», -ոգևորված նշել է Թրամփը:

Իր հաղթանակի մասին դիմելով հավաքված մարդկանց, Թրամփը նաև ասել է. «Հնարավոր է մի քանի տարի անց, դուք ասեք՝ դա իզուր չէր»:

Placeholder