Հայ գործարարին պատկանող զբոսանավերը՝ թուրքական նավահանգստում

Ռուսաստանաբնակ հայ գործարար Սամվել Կարապետյանին պատկանող գերլյուքս զբոսանավերը վառելիքի լիցքավորման համար կանգառ են կատարել թուրքական Բոդրումի նավահանգստում: «Էրմենիհաբեր»-ի փոխանցմամբ, այս մասին տեղեկացնում է թուրքական «Ensonhaber.com» լրատվակայքը:

Գերլյուքս զբոսանավին ուղեկցել են արագընթաց մոտորանավակներ, իր տախտակամածին ուղղաթիռ կրող 67 մետր երկարությամբ «Garçon» («Գարսոն») զբոսանավը:

Զբոսանավերի լիցքավորման համար 9 լցանավով վառելիք է մատակարարվել: Լիցքավորման գործընթացը տևել է մի քանի ժամ: Թուրքական թերթի հավաստմամբ՝ յուրաքանչյուր զբոսանավին շուրջ 235.000 լիտր վառելիք է տրամադրվել: