Հայտարարվել է, որ А320 ինքնաթիռի վթարից ոչ ոք ողջ չի մնացել

Եգիպտոսի ավիացիայի նախարար Շերիֆ Ֆաթհին հայտարարել է, որ EgyptAir ավիաընկերության А320 ինքնաթիռի վթարից ոչ ոք ողջ չի մնացել։ Լուրը փոխանցում է «Գազետա.ռու»-ն:

Նա այս մասին հայտարարել է ուղևորների հարազատների հետ զրույցում:

«Մենք փրկված ոչ ոքի չենք գտել: Բոլոր նրանք, ովքեր փրկվածների մասին տեղեկատվություն են տարածում, խաղում են մարդկանց զգացմունքների հետ»,-ասել է Ֆաթհին:

Հիշեցնենք, որ EgyptAir ավիաընկերության А320 ինքնաթիռը, որն իրականացնում էր Փարիզից Կահիրե չվերթը, մայիսի 19-ին առավոտյան Միջերկրական ծովի վրա անհետացել էր ռադարների տեսադաշտից: Ինքնաթիռում 66 մարդ է եղել: