Աշխարհում

ՀԱՄԱՑԱՆՑ

21:46 Հայաստան
«Ո՞նց կարա մարդը ժողովրդին ծառայի առանց Stefano Ricci 1650$ արժողությամբ շապիկի». Ղազարյան

Հասարակական, քաղազքական գործիչ Էդգար Ղազարյանը հրապարակել է ՔՊ-ակա պատգամավոր, տավուշեցի Վահե Ղալումյանի նկարը, ով այսօր գնացել էր հանդիպման բողոքող տավուշցիների հետ, ու գրել

«Տղերքը ո'չ ձրի քավորություն են անում, ո'չ էլ հայրենիքն են ձրի հանձնում։ Ո՞նց կարա մարդը ժողովրդին ծառայի առանց Stefano Ricci 1650$ արժողությամբ շապիկի։ Իրենց արդեն Գռզո են երևակայում մարդիկ»։

14:56 Հայաստան
Մարդ չի կարող էդ աստիճանի անգրագետ լինել. Ադիբեկյանը՝ Անդրանիկ Քոչարյանի հայտարարության մասին

Ադրբեջանագետ Արմինե Ադիբեկյանը գրադմամբ արձագանքել է ՔՊ-ական Անդրանիկ Քոչարյանի հայտարարությանը, թե պետք է առարկայական դարձնել Հայոց ցեղասանության զոհերի անունները։

Ա. Ադիբեկյանը գրել է. «Անդոնին ասեք, որ նման ցուցակներ կան, եթե նա կարդալու հետ սեր ունենար ու ցեղասպանության հարցով հետաքրքրվեր, ապա կիմանար, Մուշ հրատարակչությունը դեռ 15 տարի առաջ թողարկել էր "Գործ թիվ 1 500 000" գիրքը, որտեղ անուն առ անուն, գույք առ գույք, հասցե առ հասցե նշված են Ցեղասպանության նահատակների մասին տեղեկատվությունը։

Մարդ չի կարող լինել էդ աստիճանի անգրագետ ու անտեղյակ եթիմ, որ եզություններ դուրս տա»։

Հիշեցնենք, որ ԱԺ «Քաղաքացիական պայմանագիր» խմբակցության պատգամավոր, ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը «Ազատության» եթերում ասել էր.

«Ես գիտեմ, որ վարչապետը նպատակ ունի նաև ցեղասպանության հետ կապված իրական հիմքեր  կառուցել՝ ավելի առարկայական դարձնել ցեղասպանության ենթարկված մեր հայրենակիցների ամբողջ ցանկը: Որովհետևը մինչև հիմա մենք անվանական այդ ցանկն էլ չենք կարողացել հավաքել և պետք է կենտրոնանանք այդ ցանկը փաստարկված հավաքագրելու համար: Ունենք ցեղասապանության թանգարան, ամեն ինչ ունենք ցեղասպանության հետ կապված՝ գիտաժողովներ, գրքեր, դոկտորական աշխատանքներ, բայց ամենակարևորը պետք է ունենալ այդ միլիոն ու կեսի ազգանունները՝ որտե՞ղ, ո՞նց, ի՞նչ պայմաններում, որպեսզի դա լինի շատ թիրախային: Մենք այդ խնդիրը տասնյակ տարիներով չենք լուծել: Հիմա պետք է կենտրոնանք, նաև իրական Հայաստանը տալիս է այդ հնարավորությունը, նաև ցեղաասպանության էդ բացթողումը դարձնել իրականություն: 

Պա՞րզ ա չէ, երբ որ ասում ենք միլիոն ու կես հայ է կոտորվել, պետք է  միլիոն ու կես ազգանուն ինչ-որ արխիվներում մենք կարողանանք հանել, գտնել և Ցեղասպանության թանգարանի պատը պետք է լրացված լինի այդ ազգանուններով»:

 

14:22 Հայաստան
«Տարա՜ն, տարա՜ն». Դերասաններ Տոման ու Տարոնն ամուսնացել են

Արցախցի դերասանուհի Թամարա Պետրոսյանը, որ խաղում է «Բոհեմ» թատրոնում, ամուսնացել է դերասան Տարոն Պողոսյանի հետ։ Վերջինն առավել շատ հեռուսատդիտողին հայտնի է հումորային հաղորդումներից։

Դերասանուհին իրենց ամուսնության մասին պատմել է հարազատ թատրոնի բեմից՝  «Տարա՜ն, տարա՜ն» ներկայացման ժամանակ։ 

 Ներկայացման սցենարի հեղինակը Թամարան է։

 

 

 

09:10 Հայաստան
«Ավտո չունեն զինվորին պոստերից իջացնեն, թող դրա մասին մտածեն, ոչ թե տրանսպորտի վարձն ավելացնեն»

Քաղաքագետ Գագիկ Համբարյանը տեսանյութ է հրապարակել ու գրել. «Հիշեք ամիսներ առաջ այս տղայի ասածները... 

Երեկ գերբեռնված զինվորական «Ուրալ»-ը վթարվել է, որի հետևանքով 4 զինվոր զոհվել է, 20 վիրավորվել...»։

Տեսանյութում քաղաքացին ասում է. «Ավտո չունեն զինվորին պոստերից իջացնեն, թող դրա մասին մտածեն, ոչ թե տրանսպորտի վարձն ավելացնեն։ Վարդենիս մարդ է զոհվում, որովհետև ոտքով է պոստերից իջնում։ Թող տրանսպորտ հատկացնեն, Վարդենիսի պոստերից զինվորին իջացնեն»։ 

Հիշեցնենք, որ ապրիլի 12-ին՝ ժամը 15:25-ի սահմաններում, ՀՀ ՊՆ N զորամասի զինծառայողներին տեղափոխող «Ուրալ» մակնիշի ավտոմեքենան դեռևս չպարզված հանգամանքներում դուրս է եկել ճանապարհի երթևեկելի հատվածից և հայտնվել հարակից ձորակի տարածքում: 

Վթարի հետևանքով զոհվել է 4 զինծառայող, վիրավորում է ստացել 20 զինծառայող։ 

22:36 Աշխարհում
Մահացել է Ռոբերտո Կավալլին

Մահացել է իտալացի մոդելավորող Ռոբերտո Կավալլին։ Նա 83 տարեկան էր։ Ինչպես հաղորդում է Corriere della Sera թերթը, նա երկար ժամանակ հիվանդ էր։

ՏԱՍՍ-ը գրում է, որ նորաձևության աշխարհում Կավալլին հայտնի դարձավ իր ոչ տրիվիալ, վառ ոճով։
 

18:56 Հայաստան
էս չե՞ս եղել, Արո․ Արթուր Համբարձումյան

Շիրակի պետական համալսարանի դասախոս Արթուր Համբարձումյանը ֆեյսբուքյան իր էջում գրում է․

«Քիչ առաջ ԱԺ-ում Հայաստանի արտաքին գործոց նախարարն իր չվախեցած լինելու, բակի ու փողոցային ճշտի մասին էր խոսում:

2017 թվի մարտին Արարատ Միրզոյանն ու Ռոբեն Ռուբինյանը՝ Փաշինյան Նիկոլից, Սասուն Միքայելյանից ու Ալեն Սիմոնյանից նեղսրտած եկել էին Գյումրի: Իր որոշումով էր եկել, ոչ ոք չէր կանչել, իսկ մինչ այդ որոշել էր նաև, որ պետք է ինքնաբացարկի դիմում ներկայացնի։

Մոտ երկու ժամ ամենավերջին բառերն էին ասում  Ալեն Սիմոնյանի ու Սասուն Միքայելյանի հասցեներին: Ես խոստացա, որ Գյումրի տարածքային կազմակերպությունը հոգ կտանի, որ ստեղծված իրավիճակը կարգավորվի:

Նույն օրը երեկոյան զանգում է Նիկոլը, ով սկսում է իրեն հատուկ  հիստերիկ տոնով ինձ մեղադրել, որ ես քանդում էմ կուսակցությունը: Ես իրեն բացատրում էմ, որ ես կուսակցությունը քանդելու նպատակ չունեմ, որ սա առաջին դեպքը չէ, որ Գյումրի են գալիս կուսակցականներն իրենց հարցերով, որ դա իրենց նախաձեռնությունն է: Հեռախոսն անջատում է, զանգում է Արարատին, հետո ինձ է զանգում, ու հայտարարում, որ Արարատն իրեն ասել է, որ ես եմ իրենց Գյումրի կանչել:
-Լավ ասում եմ, պարզ է:

Զանգում եմ Արարատին:

-Արարատ, դու ինչու՞ էիր Գյումրի եկել:
-Արթուր ուրիշ տարբերակ չունեի, պիտի ասեի, որ դու ես կանչել:

հ.գ. էս չե՞ս եղել, Արո»:

10:01 Աշխարհում
Ովքե՞ր են հայերեն երգող ռուանդացի փոքրիկները

Երեխաների տաղանդների բացահայտմամբ չքավոր ընտանիքներին օգնելու նպատակով Ռուանդայի մայրաքաղաք Կիգալիում հիմնադրված Morioxkids հիմնադրամի փոքրիկ պարողների խումբն արդեն մի քանի շաբաթ է՝ գրավել է տարբեր սոցցանցերի հայկական տիրույթը: Երեխաները պարում են հայերեն երգերի տակ, երբեմն անգամ ձայնակցում կրկներգերը: Տեսանյութերը վիրուսային տարածում են ստանում և «գերված սրտերի» մասին հազարավոր մեկնաբանություններ հեղեղում համացանցը:

«Առայժմ մենք պարում և երգում ենք որպես մեր հիմնական գործունեություն: Մեր առաքելությունն է օգնել չքավոր ընտանիքների երեխաներին իրենց տաղանդի միջոցով հասնելու ավելի լավ կյանքի»,-«Արմենպրես»-ի հետ բացառիկ զրույցում պատմել են խմբի հիմնադիրներ Կայիտարե Ստեվենը և Շեմա Բլեյզը:

Նրանք պարզաբանում են՝ հիմնադրամի նպատակներն են օգնել աղքատ ընտանիքների երեխաներին կապ հաստատել աշխարհի հետ:

«Մեր հիմնական նշանակետը կրթությունն է. մենք ցանկանում ենք տեսնել այս երեխաներին լավ դպրոցներում, ունենալով հովանավորներ, ովքեր հոգ են տանում նրանց մասին, որպեսզի պարը, երգը և այլ զբաղմունքները ոչ միայն հաճույք պատճառեն, այլ նաև դարձնեն նրանց կյանքը ավելի լավը: Ցանկանում ենք, որ մի օր մենք ունենանք մեր դպրոցը (Moriox դպրոց), որը օգնի ավելի շատ տաղանդավոր երեխաների»,-ընդգծում են հիմբի հիմնադիրները։

Մանրամասները՝ սկզբնաղբյուր կայքում։

 

 

16:14 Հայաստան
Սոֆի Մխեյանը ծննդյան տարեդարձը նշում է ԱՄՆ-ում

Երգչուհի Սոֆի Մխեյանն այս տարի ծննդյան տարեդարձը նշում է ԱՄՆ-ում։ Ինչպես երևում է սոցցանցի իր էջերում հրապարակած տեսանյութից, երգչուհին ԱՄՆ-ում է հաղորդավարուհի, դերասանուհի Նազենի Հովհաննիսյանի հետ։ Նրանց հետ է նաև երգչուհի Արմինկան, որը բնակություն է հաստատել ԱՄՆ-ում։

«Իսկ Միացյալ Նահանգներում ապրիլի 8-ը քիչ առաջ եկավ, ու ծնունդս սկսեցինք այ ,այ ,սենց …  տաքուկ,  ջերմ ու շատ հարազատ ... Այս հոլովակը թող մնա  իմ էջում։ Շարունակելի ...

Կարդում եմ, տեսնում եմ բոլորիդ շնորհավորանքներն ու բարեմաղթանքները... Անսահման շնորհակալ եմ»,-տեսանյութին կից գրել է նա։

12:50 Հայաստան
ՊՆ-ի բարվոք վիճակում գտնվող գույքը դուրս է գրվել և թափվել Նուբարաշենի աղբավայրում.Արթուր Չախոյան

Շինարրա Արթուր Չախոյանը տեսանյութ է հրապարակել Նուբարաշենի աղբավայրից։
Վերջինս հայտնում է, որ այնտեղ թափված է գերթե ամբողջությամբ նոր ռազմական հանդերձանք և քնապարկեր։

«Ներկայացնում եմ հերթական խայտառակությունը, որ Պաշտպանության նախարարության զինուժի բարվոք վիճակում  գտնվող գույքը դուրս է գրվել և թափվել աղբավայրում»-ասաց Չախոյանը։

Նա թափված գույքի երեք կտոր իր հետ տուն էր տարել և լվանալուց հետո ներկայացրել ամբողջովին նոր ռազմական հանդերձանքը։

10:21 Հայաստան
Սպիտակցի Հայկոն, Սյուզան Մարգարյանը, Լիլիթ Կարապետյանն ու այլ աստղեր՝ Սամվել Գրիգորյանի որդու հարսանիքին

Ինսթագրամի  շատ էջեր երեկվանից ողողված են հայտնի հաղորդավար Սամվել Գրիգորյանի որդու հարսանեկան լուսանկարներով, տեսանյութերով։ Նարեկի հարսանցուն Օլյա  Օխանյանը, ըստ տեղեկությունների, Ջավախքից է։

Հարսին հանել են «Դվին» հյուրանոցից։ Հարսանիքի ընթացքում պահպանվել են ավանդական բոլոր  արարողակարգերը՝ հարսին կոշիկ հագցնել, թրով դուռը փակել և այլն։ Հարսանեկան արարողությունն էլ անցկացվել է Դվինում։

Զույգի քավորը «Արմենիա պրոդակշն» պրոդյուսերական կենտրոնի հիմնադիր և գլխավոր տնօրեն, պրոդյուսեր Վալերի Սահարյանն է։ Նա, ի դեպ,  «ANELIK», «TASHIR», «ARMENIA MUSIC AWARDS» ամենամյա ազգային երաժշտական մրցանակաբաշխությունների հիմնադիրն է։

Հարսանեկան արարողությանը ելույթ են ունեցել, ներկա են եղել բազմաթիվ հայտնիներ՝ Ավետ Բարսեղյանը, Նարեկ ու Սևակ եղբայրները, Գայա Արզումանյանը, Հայկ Ղևոնդյանը, Սյուզան Մարգարյանը, Ալլա Լևոնյանը, Ռազմիկ Ամյանը, Սարոն և այլք։ Հարսանիքի ընթացքում հնչել է նաև փեսայի հորաքրոջ՝ երգիչ Արմինե Գրիգորյանի հայտնի երգը։

Ականատեսներից մեկի խոսքով,  հարսանիքի հյուրերի թվում շատ են եղել նախկին պաշտոնյաներ, զինվորականներ, իրավապահ համակարգի աշխատակիցներ, հյուրերի թվում որևէ նիկոլական պաշտոնյայի չեն տեսել։
















Տեսանյութեր

Ադրբեջանի ձեռքը բացի միակողմանի զիջումներից տվեցին նաև պատերազմի բարաթ. Սուրենյանց
17:48 20/04/2024

Ադրբեջանի ձեռքը բացի միակողմանի զիջումներից տվեցին նաև պատերազմի բարաթ. Սուրենյանց

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}