Մեկնաբանություններ

ԿԱՐՃ ԼՈՒՐԵՐ

17:45 Աշխարհում
Ջեյն Քեմփիոնը պարգևատրվել է Լյումիեր եղբայրների անվան մրցանակով

Նորզելանդիացի կինոռեժիսոր Ջեյն Քեմփիոնը արժանացել է Լյումիեր եղբայրների անվան կինոփառատոնի մրցանակի: Այս մասին փառատոնի կազմակերպիչները հայտնել են Twitter-ի իրենց էջում: Ռեժիսորը պարգևատրվել է համաշխարհային կինոյի զարգացման գործում ունեցած ավանդի համար:

Աղբյուր՝ kulturomania.ru

17:40 Հայաստան
Ջրվեժ» անտառպարկում ամառային հրդեհների արդյունքում այրված 7 հեկտար տարածքում ծառատունկ է իրականացվել

«10մլն ծառ» նախաձեռնության շրջանակում մեկնարկում է աշնանային ծառատունկը։ «Արգելոցապարկային համալիր» ՊՈԱԿ-ի «Ջրվեժ» անտառպարկում տնկվել է 1000 տնկի՝ սոճի, ընկուզենի, լորենի, հացենի և թխկի։

Աղբյուր՝ ՀՀ շրջակա միջավայրի նախարարություն 

16:18 Աշխարհում
Բենզեմա. «Մբապպեն ինքն է ասել, որ խաղալու է «Ռեալում»»

Մադրիդի «Ռեալի» հարձակվող Կարիմ Բենզեման վստահություն է հայտնել, որ «ՊՍԺ»-ի հարձակվող Կիլիան Մբապպեն ապագայում կդառնա մադրիդյան թիմի խաղացող: «Պետք է հարգել «ՊՍԺ»-ին: Ես միշտ դա ասել եմ, բայց պատրաստ եմ նորից կրկնել. հուսով եմ, որ մի օր մենք միասին կխաղանք: Մբապպեն ինքն է այդպես ասել: Նա ցանկանում է իրեն փորձել նոր թիմում՝ այլ տեղում: Մի օր նա խաղալու է Մադրիդի «Ռեալում»: Դա ընդամենը ժամանակի հարց է», - մեջբերում է Բենզեմային Mundo Deportivo-ն:

Աղբյուր՝ sport-express.ru

16:12 Աշխարհում
ՆԱՍԱ-ն գործարկել է Յուպիտերի տրոյացի աստերոիդների ուսումնասիրության առաջին կայանքը

Շաբաթ օրը ՆԱՍԱ-ն սկսեց իր տեսակի մեջ առաջին առաքելությունը՝ ուսումնասիրելու Յուպիտերի տրոյացի աստերոիդները՝ տիեզերական ժայռերի երկու մեծ կլաստեր, որոնք, գիտնականների կարծիքով, արեգակնային համակարգից դուրս գտնվող մոլորակները կազմող նախնադարյան նյութի մնացորդներն են:

Աղբյուր՝ reuters.com

15:07 Աշխարհում
Մինչև 2024 թվականի վերջը Մոսկվայում կկառուցվի մետրոյի 35 կայարան

Մոսկվայի քաղաքաշինական քաղաքականության և շինարարության հարցերով փոխքաղաքապետ Անդրեյ Բոչկարևը հայտարարել է, որ մինչև 2024 թվականի վերջը կբացվեն Մոսկվայի մետրոյի 35 կայարան և 76 կիլոմետր գծեր:

Աղբյուր՝ gazeta.ru

14:56 Աշխարհում
Ինդոնեզիայի Բալի կղզում 4,8 մագնիտուդ ուժգնությամբ երկրաշարժ է տեղի ունեցել

Առնվազն երեք մարդ է զոհվել, ևս յոթը վիրավորվել են՝ շաբաթ առավոտյան Ինդոնեզիայի Բալի կղզում տեղի ունեցած երկրաշարժի և հետցնցումների հետևանքով: Երկրաշարժը տեղի է ունեցել լուսաբացից քիչ առաջ, ինչի արդյունքում մարդիկ խուճապահար դուրս են վազել:

Աղբյուր՝ aljazeera.com

14:19 Աշխարհում
Տվերում փաստաբանը 17 տարի աշխատել է կեղծ դիպլոմով

Տվերում պատիժ է կիրառվել նախկին փաստաբանի նկատմամբ, ով 17 տարի կեղծ դիպլոմ է օգտագործել: Փաստաթղթի համաձայն ՝ տղամարդը 1997 թվականին ավարտել է Աբխազիայի պետական համալսարանի իրավագիտության ֆակուլտետը: Հանցագործը բանտում կանցկացնի 8 ամիս:

Աղբյուր՝ vesti.ru

14:14 Աշխարհում
Ինդոնեզիայում գետի մաքրման ընթացքում 11 աշակերտ է խեղդվել, 10-ը՝ փրկվել

Շաբաթ օրը պաշտոնյաները ասացին, որ տասնմեկ աշակերտ խեղդվել է, ևս 10-ը փրկվել են Ինդոնեզիայի Արևմտյան Ջավա նահանգում՝ գետի մաքրմանը մասնակցելիս: Իսլամական հիմնական դպրոցի ավագ դասարանի 150 աշակերտ ուրբաթ օրը մասնակցում էին մաքրման աշխատանքներին Cileueur գետի ափին, որի ընթացքում նրանցից 21-ը ընկել էին ջուրը:

Աղբյուր՝ foxnews.com

13:55 Տարածաշրջան
Վրաստանում կառուցվում է նոր ճանապարհ դեպի Վերին Լարս. Խցանումների խնդիրը կլուծվի

Վրաստանում սկսվել է Քվեշեթի-Կոբի հատվածի նոր թունելի շինարարությունը՝ անխափան տրանսպորտային կապեր ապահովելու համար: Ծրագրով նախատեսում է 22,7 կմ երկարությամբ ճանապարհի, ինչպես նաև վեց կամուրջների և հինգ թունելների կառուցում: Խաչի լեռնանցքի տակ ինը կիլոմետրանոց նոր թունելի կառուցումը, որը կապում է Վրաստանը և Ռուսաստանը, թույլ կտա նաև հայ փոխադրողներին այլևս խցանման մեջ չընկնել Վերին Լարսի անցակետ տանող ճանապարհին:

Աղբյուր՝ sputnik-georgia.ru

13:39 Աշխարհում
Իսրայելական բանակի հետ բախման հետևանքով վիրավորվել է ավելի քան 40 պաղեստինցի

Ավելի քան 40 պաղեստինցի է վիրավորվել հոկտեմբերի 15-ին՝ Հորդանան գետի արևմտյան ափին իսրայելական ուժերի հետ բախումների արդյունքում: Այս մասին լրագրողներին հայտնել է Պաղեստինի Կարմիր մահիկը: Իսրայելի բանակի մամուլի ծառայությունը հայտնել է, որ բախում է սկսվել Նաբլուսից հարավ գտնվող Ռեհելիմ գյուղի տարածքում այն բանից հետո, երբ պաղեստինցիներն մուտք են գործել տարածք՝ առանց նախնական թույլտվության:

Աղբյուր՝ eadaily.com

13:34 Աշխարհում
«Մանչեսթեր Յունայթեդի» գլխավոր մարզիչը չի ճնշվի՝ Ռոնալդուի ընտրության հարցում

«Մանչեսթեր Յունայթեդի» գլխավոր մարզիչ Օլե Գունար Սուլշերը հայտարարել է, որ իրեն չեն ստիպի խաղի մեջ մտցնել Կրիշտիանու Ռոնալդուին, եթե կարծի, որ պորտուգալացի աստղը պետք է դուրս մնա: Սուլշերը բողոքի ալիք առաջացրեց, երբ վերջին՝ «Յունայթեդ»- «Էվերթոն», խաղը սկսեց՝ պահեստայինների նստարանին թողնելով Ռոնալդուին:  Խաղն ավարտվել էր 1-1 հաշվով:

Աղբյուր՝ france24.com

12:52 Հայաստան
Համերգ՝ նվիրված Ստեփան Շաքարյանի հիշատակին

Հոկտեմբերի 21-ին, ժամը 19:30-ին, Ճարտարապետների միության շենքում կանցկացվի  Հայաստանի պետական ջազ նվագախմբի հատուկ համերգը՝ նվիրված կոմպոզիտոր և դաշնակահար Ստեփան Շաքարյանի հիշատակին: Երեկոյի ընթացքում կհնչեն կոմպոզիտորի ջազային ստեղծագործությունները և մշակումները:

Աղբյուր՝ Հայաստանի պետական ջազ նվագախումբ 

12:39 Աշխարհում
Իդլիբում թուրք զինվորականներով մեքենա են պայթեցրել

Սիրիայի Իդլիբ նահանգւմ ռումբով պայթեցվել է թուրք զինվորականներով մեքենան,կան տուժածներ: Այս մասին հայտնել է սիրիական պետական «Ալ-Իխբարիա» հեռուստաալիքը՝ հղում անելով տեղական աղբյուրներին: Ըստ «ՌԻԱ նՈՎՈՍՏԻ»-ի աղբյուրի՝ պայթյունի հետևանքով երկու թուրք զինծառայող է զոհվել, հինգը՝ վիրավորվել:
 

12:30 Աշխարհում
Լիբերիացի դեռահասը հերոս է դարձել՝ 50 հազար դոլար գտնելու և վերադարձնելու համար

18-ամյա լիբերիացի տղան, ով ազգային հերոս է դարձել՝ 50 հազար դոլար գտնելով և այն օրինական տիրոջը վերադարձնելով, հայտնել է, որ հաջորդ շաբաթ կհանդիպի երկրի նախագահի հետ: Էմանուել Տուլոն ուրբաթ օրը The Associated Press-ին հայտնել է, որ իրեն հրավիրել են երկուշաբթի հանդիպել նախագահ Ջորջ Վեային:

 

12:22 Հայաստան
Մեկնարկեց Գյումրու Բարեկամության զբոսայգու շինարարությունը

Շառլ Ազնավուրի անվան հրապարակի մոտ գտնվող, 7,2 հա տարածք զբաղեցնող այգու վերակառուցման ծրագիրն իրականացնում է «Զբոսաշրջության և քաղաքաշինության» (TUF) բարեգործական հիմնադրամը՝ որպես հանրային-մասնավոր համագործակցության և սոցիալ-տնտեսական զարգացման անդրանիկ մոդել Գյումրիում։ Ծրագրի ընդհանուր բյուջեն կազմում է 11,8 մլն դոլար, որից 3,2 մլն դոլարն արդեն ներդրվել է hիմնադրամի գործընկեր կազմակերպությունների և մի շարք անհատ բարերարների կողմից։

Աղբյուր՝ «Զբոսաշրջության եւ քաղաքաշինության» (TUF) բարեգործական հիմնադրամի Հանրային կապերի բաժին

11:45 Աշխարհում
Coldplay-ը ներկայացրել է «Music of the Spheres» ալբոմը

Բրիտանական Coldplay ռոք խումբը թողարկել է «Music of the Spheres» իններորդ ստուդիական ալբոմը: Խմբի մենակատար Քրիս Մարտինի խոսքով՝ ալբոմը ոգեշնչված է «Աստղային պատերազմներից»: Ձայնասկավառակի վրա կա 12 ստեղծագործություն: Դրանցից մի քանիսը ստեղծվել են այլ աստղերի հետ միասին. «My Universe» երգը ձայնագրվել է հարավկորեական BTS խմբի հետ միասին, իսկ Սելենա Գոմեսը մասնակցել է «Let Somebody Go» երգի ձայնագրությանը:

Աղբյուր՝ kulturomania.ru

11:34 Աշխարհում
Աֆղանստանի Քանդահար քաղաքում շիական մզկիթի պայթյունի զոհերի թիվը հասել է 62-ի

Առնվազն 62 մարդ է զոհվել, ևս 70-ը՝ վիրավորվել՝ Աֆղանստանի հարավում շիական մզկիթի վրա մահապարտի իրականացրած պայթյունի հետևանքով: Քանդահարում գտնվող Իմամ Բարգա մզկիթը լի եղել հավատացյալներով, ովքեր մասնակցում էին ուրբաթօրյա աղոթքներին:

Աղբյուր՝ dailysabah.com

11:15 Աշխարհում
Ուկրաինայում շնորհակալություն են հայտնել Վրաստանին՝ Սաակաշվիլիից ազատելու համար

Ուկրաինայի Գերագույն ռադայի պատգամավոր Իլյա Կիվան հայտարարել է, որ ինքը երախտապարտ է Վրաստանին՝ երկիրը Բարեփոխումների ազգային խորհրդի գործադիր կոմիտեի ղեկավար, Վրաստանի նախկին նախագահ Միխայիլ Սահակաշվիլիից ազատելու համար: Այս մասին խորհրդարանականը գրել է Facebook-ի իր էջում:

Աղբյուր՝ gazeta.ru

10:40 Աշխարհում
Ռահիմ Ստերլինգը կարող է հեռանալ, եթե ցանկանում է. Գվարդիոլան

Պեպ Գվարդիոլան զարմացած է Ռահիմ Ստերլինգի խոստովանությունից, որ նա պատրաստ է հեռանալ «Մանչեսթեր Սիթիից»՝ ավելի շատ խաղաժամանակ փնտրելու համար: Իսպանացի մազիչն ասել է,  որ հարձակվողը կարող է տեղափոխվել, եթե նա ցանկանում է:

Աղբյուր՝ theguardian.com

10:22 Աշխարհում
LinkedIn-ը փակվում է Չինաստանում ցենզուրայի պատճառով

LinkedIn մասնագիտական տվյալների սոցիալական ցանցը Չինաստանում կփոխարինվի աշխատանքի որոնման InJobs կայքով՝ երկրում ինտերնետի գրաքննության ավելացման պատճառով: Ինչպես պարզաբանվում է Microsoft-ում, LinkedIn-ը Չինաստանում կփակվի «շատ ավելի բարդ աշխատանքային միջավայրի և ավելի բարձր պահանջների պատճառով»:

Աղբյուր՝ korrespondent.net

22:06 Աշխարհում
Հնագետները հայտնաբերել են արտեֆակտներ, որոնք ապացուցում են, որ Օրյոլ քաղաքը 5 դարով ավելի հին է

Քաղաքի կենտրոնում մեկ ամիս պեղումներ էին կատարվում: Հայտնաբերված արտեֆակտները վկայում են, որ բնակեցում այստեղ հաստատ է XI-XII դարերում: Ամենահին գտածոն քարե կացին է, որը, ըստ փորձագետների, պատկանում է նեոլիթին: Բացի դրանից, հետաքրքրական 11-րդ դարի կեսերից Հյուսիսային Գերմանիայից բերված մետաղադրամ, կախովի կնիքը, 11-րդ դարի կշեռքի կշռաքարը և 12-14-րդ դարերի կրծքի խաչը:

Աղբյուր՝ vesti.ru

21:17 Աշխարհում
ՖԻՖԱ-ն աֆղանցի ֆուտբոլիստներին տարհանել է Դոհա

Քաթարի կառավարության աջակցությամբ մոտ 100 աֆղանցի մարզիկներ անվտանգ վայր են տեղափոխվել Դոհայում: Նախատեսվում է կազմակերպել տարհանման հետագա թռիչքներ:

Աղբյուր՝ dw.com

21:10 Աշխարհում
Բրիտանացի պահպանողական պատգամավորը մահացել է դանակահարման հետևանքով

Բրիտանացի պատգամավոր սըր Դեյվիդ Էմեսը մահացել է ուրբաթ օրը ստացած վերքերից, երբ հարձակման էր ենթարկվել՝ ընտրողների հետ հանդիպման ժամանակ: Ոստիկանությունը հայտնել է, որ 25-ամյա երիտասարդը ձերբակալվել է սպանության կասկածանքով՝ Լի-օն-Սիի եկեղեցում տեղի ունեցած հարձակումից հետո: 69-ամյա Սեյր Դեյվիդը պատգամավոր էր 1983 թվականից, ամուսնացած էր, ուներ հինգ երեխա:

Աղբյուր՝ bbc.com

20:58 Աշխարհում
Բեռլինում ավելի քան 20 մարդ է ձերբակալվել՝ ապօրինի բնակեցվածներին տեղափոխելիս

Գերմանիայի իրավապահ մարմինները 21 մարդու են ձերբակալել՝ Բեռլինի կենտրոնում ձախակողմյան ակտիվիստներին «անօրինական կերպով գրավված լքված բազմաբնակարան շենքից» վտարելու գործողության ընթացքում: Այդ մասին ուրբաթ օրը հաղորդել է DPA գործակալությունը՝ վկայակոչելով տեղի ոստիկանության ներկայացուցչին: Իրավապահ մարմինները առնվազն 37 բնակչի վтարել են «Կեպի» կոչվող շենքից:

Աղբյուր՝ tass.ru

18:05 Հայաստան
ՍԱՏՄ-ն ստուգայցեր է անցկացրել Երևանի Էրեբունի վարչական շրջանի իրացման ցանցում

Ստուգված խանութներում խախտումներ չեն արձանագրվել։
Հիշեցում․ Խախտումների արձանագրման դեպքում տնտեսավարողը նախազգուշացվում է կամ ենթարկվում վարչական պատասխանատվության՝ տուգանքի, 100-ից 300 հազար, խախտման կրկնվելու դեպքում՝ 150-ից 500 հազար դրամի չափով:

Աղբյուր՝ ՀՀ սննդամթերքի անվտանգության տեսչական մարմին 

18:00 Տարածաշրջան
Իրանը պատրաստ չէ վերսկսել Վիեննայի բանակցությունները

Իրանը դեռ պատրաստ չէ վերադառնալ միջուկային ծրագրի շուրջ համաշխարհային տերությունների հետ բանակցություններին. իր նոր բանակցային խումբը ցանկանում է քննարկել տեքստերը, որոնք առաջիկա մի քանի շաբաթվա ընթացքում կներկայացվեն՝ ԵՄ-ի հետ Բրյուսելում կայանալիք հանդիպմանը: Այս մասին ուրբաթ հայտնել է ԵՄ բարձրաստիճան պաշտոնյաներից մեկը:

Աղբյուր՝ reuters.com

17:30 Հայաստան
«Նյարդային վնասվածքների էլեկտրանեյրոմիոգրաֆիկ (ENMG) գնահատումը». աշխատաժողով ֆրանսիացի գործընկերների հետ

ԵՊԲՀ «Հերացի» թիվ 1 հիվանդանոցային համալիրում, Հայ-ֆրանսիական առաջին գիտաբժշկական համաժողովի շրջանակում, երկու երկրի մասնագետներն անցկացրին ինտերակտիվ հանդիպում: Բժիշկ, նյարդաբան Բելլա Գրիգորյանն արտերկրի գործընկերների, բժշկական համալսարանի կլինիկական օրդինատորների մասնակցությամբ իրականացրեց հետազոտություններ, ներկայացրեց իր կողմից իրականացված բազմաթիվ նյարդային վնասվածքներ ունեցող վիրավոր զինվորների հետազոտման ուսումնասիրությունները:

Աղբյուր՝ ԵՊԲՀ 

17:18 Հայաստան
Մեկ միլիոն ԱՄՆ դոլար՝ լիբանանահայության հրատապ կարիքներին

«Հայաստան» համահայկական հիմնադրամի ԱՄՆ տեղական մարմնի ջանքերով ս․թ․ սեպտեմբեր ամսվա ընթացքում 1,000,000 ԱՄՆ դոլար է հավաքագրվել և փոխանցվել Մեծի Տանն Կիլիկիո կաթողիկոսությանը՝ Լիբանանի հայ համայնքի սոցիալական, ինչպես նաև հայ կրթական հաստատությունների կարիքները հոգալու նպատակով: Սույն դրամահավաքն արձագանքն էր Մեծի Տանն Կիլիկիո Կաթողիկոս Արամ Ա-ի համայն հայությանն ուղղված կոչին։

Աղբյուր՝ Հայաստան համահայկական հիմնադրամ 

17:03 Աշխարհում
Ամենաարդյունավետ հակադեպրեսանտ մթերքները

Միսը, յուղոտ ձուկը, ծովակաղամբը, բանանը, կծու պղպեղը և ընկուզեղենը ամենաարդյունավետ հակադեպրեսանտներն են, ասել է սննդաբան Վյաչեսլավ Սիրաժանովը: Նրա խոսքով՝ հավի, տավարի և խոզի միսը պարունակում են թիրոզին ամինաթթու, որը բարձրացնում է դոպամինի և նորեֆինեֆրինի մակարդակը, ինչը բարելավում է տրամադրությունը, կենտրոնացումը և հիշողությունը: «Բացի այդ, միսը B12 վիտամինի աղբյուր է, որն օգնում է հաղթահարել անքնությունն ու դեպրեսիան»,- հավելել է սննդաբանը:

Աղբյուր՝ gazeta.ru

16:41 Աշխարհում
Իտալիայի նավահանգստի աշխատակիցները գործադուլ են անում՝ Covid անցաթղթի օրենքի դեմ

Իտալական Տրիեստ նավահանգստում դոկերները գործադուլ են հայտարարել՝ ի նշան բողոքի բոլոր աշխատողների կողմից Covid անցաթուղթ (Green Pass) ցույց տալու պահանջի դեմ: Green Pass-ը իրենից ներկայացնում է Covid-ի դեմ պատվաստման, դրանից ապաքինված լինելու, կամ թեստի բացասական արդյունք ցույց տվող փաստաթուղթ: Մոտ 2000 աշխատող է հավաքվել Տրիեստ նավահանգստի մուտքի մոտ, որը հյուսիսային Իտալիայի, Գերմանիայի, Ավստրիայի և կենտրոնական Եվրոպայի ծովային դարպաս է:

Աղբյուր՝ bbc.com

16:23 Աշխարհում
Pink Floyd-ի մենակատար Ռոջեր Ուոթերսը ամուսնացել է 5-րդ անգամ 78 տարեկանում

Երաժիշտի ընտրյալը տրանսպորտի ոլորտի աշխատակից, սևամորթ Կամիլա Չևիսն է: Ըստ մամուլի հրապարակումների, Ուոթերսը երկար տարիներ հարաբերություններ է ունեցել նրա հետ: Հարսանիքը տեղի է ունեցել Նյու Յորքում՝ Ուոթերսին պատկանող հողատարածքում:

Աղբյուր՝ kulturomania.ru

16:13 Հայաստան
«Տիեզերքի էվոլյուցիա». Նարեկ և Կարեն Պետրոսյանների ցուցահանդեսը

Հոկտեմբերի 18-ին՝ ժամը 18:30-ին, «Նարեկացի» արվեստի միությունում տեղի կունենա հայր և որդի Պետրոսյանների՝ «Տիեզերքի էվոլյուցիա» խորագիրը կրող ցուցահանդեսը: Ցուցահանդեսին կներկայացվեն հեղինակների հետաքրքիր և ինքնատիպ լուծումներով ձեռքի աշխատանքները (քանդակներ, արձաններ և այլն): Ցուցահանդեսը բաց է մինչև հոկտեմբերի 22-ը: Մուտքն ազատ է:

Աղբյուր՝ Նարեկացի Արվեստի Միություն 

15:41 Աշխարհում
Մյանմայում շինհրապարակի վթարից կան վիրավրոներ և առնվազն մեկ զոհ

Մյանմայի հրշեջ-փրկարարները ուրբաթ օրը Յանգոն քաղաքի ավերված շինհրապարակից դուրս են բերել մեկ շինաշխատողի դի: Նրանցից երեքին փրկելել են, ևս յոթ աշխատակիցներ որոնվում են: Տեղական հրշեջ ծառայության ղեկավար Թեին Թուն Օուն հայտնել է, որ փրկարարական առաքելությունը գտնվում է կրիտիկական փուլում, իսկ մնացած աշխատողներին ողջ գտնելու հավանականությունը ժամ առ ժամ նվազում է:

Աղբյուր՝ reuters.com

15:20 Աշխարհում
«Յուվենտուսը» ցանկանում է վաճառել Ռաբիոյին

«Յուվենտուսի» կիսապաշտպան Ադրիեն Ռաբյոտը կարող է հեռանալ ակումբից, հաղորդում է Fichajes-ը: Ըստ աղբյուրի, ակումբի ղեկավարությունը չի ցանկանում 26-ամյա ֆրանսիացուն վճարել տարեկան 7 միլիոն եվրո և պատրաստ է բաժանվել ֆուտբոլիստից: Թուրինցիները պատրաստ են կիսապաշտպանին առաջարկել «Նյուքասլին»: Միևնույն ժամանակ, «Յուվենտուսը» կարող է Ռաբիոյի փոխարեն գնել Դոնի վան դե Բեկին կամ Օրելիեն Չուամենիին:

Աղբյուր՝ sport-express.ru

14:12 Հայաստան
Կպարզեցվի մաքսային ձևակերպումների և թույլատվական փաստաթղթերի գործընթացը

Հոկտեմբերի 14-ից «Մեկ պատուհան» էլեկտրոնային համակարգին է միացվել ՀՀ տարածքային կառավարման և ենթակառուցվածքների նախարարությունը: Նվազագույնի կհասցվեն պետական մարմինների հետ շփումները: Համակարգի ներդրման գործընթացը կավարտվի մինչև տարեվերջ:

Աղբյուր՝ ՊԵԿ տեղեկատվության և հասարակայնության հետ կապերի բաժին  

14:06 Աշխարհում
Նավթի գինը ռեկորդային աճ է գրանցել

Լոնդոնի ICE բորսայի տվյալների համաձայն՝ հոկտեմբերի 15-ին Brent տեսակի նավթի գինը հասել է ռեկորդային ցուցանիշի: Գնանշումները գերազանցել են երեք տարի առաջվա արժեքները: Հրապարակման պահին դեկտեմբեր ամսվա ֆյուչերսային պայմանագրի գինը մատակարարման հետ կազմել է մեկ բարելի դիմաց 85,1 դոլար: Վերջին անգամ գինը այս նշագծում է եղել 2018 թվականի հոկտեմբերին:

Աղբյուր՝ lenta.ru

13:51 Աշխարհում
Շերը դատի է տալիս Սոնի Բոնոյի ժառանգներին երգերի և ձայնագրման հասույթի համար

Շերը դատի է տվել իր նախկին երաժշտական գործընկերոջ և նախկին ամուսնու՝ Սոնի Բոնոյի այրուն՝ Սոնիի և Շերի երգերի հոնորարի համար, այդ թվում՝ «I Got You Babe»-ի և «The Beat Goes On»-ի: Չորեքշաբթի Լոս Անջելեսի դաշնային դատարանում ներկայացված հայցում Շերը պնդում է, որ Մերի Բոնոն և մյուս մեղադրյալները փորձել են չեղարկել գործարար համաձայնագրերի դրույթները, որոնք ձեռք էին բերել Շերը և Սոնի Բոնոն, երբ նրանք ամուսնալուծվել էին 1975 թվականին, որով յուրաքանչյուրը ստանում էր երգերի հոնորարների 50%-ը:

Աղբյուր՝ apnews.com

13:00 Աշխարհում
Թոքերի քաղցկեղի ոչ ակնհայտ ախտանիշը

Բժիշկները գրանցել են դեպքեր, երբ կրունկի մշտական ցավը վկայել է թոքերի քաղցկեղի առաջացման մասին: Կրունկի շրջանում ցավից բողոքող հիվանդներին հետազոտելիս հայտնաբերվել է արյան թրոմբ, որը հիվանդի մոտ թոքի քաղցկեղի առկայության միակ ախտանիշն է: Նման դեպքերում բժիշկները խորհուրդ են տալիս տրամադրել մինչև երկու շաբաթ. եթե անհանգստությունը չի դադարում, ապա պետք է դիմել բժշկի:

Աղբյուր՝ gazeta.ru

12:52 Հայաստան
Չորս Ավետարանիչների տոնը. բացօթյա համերգ Արտաշատի եկեղեցու բակում

Ս. Մատթեոս, Մարկոս, Ղուկաս և Հովհաննես Ավետարանիչների հիշատակի տոնի օրը՝ հոկտեմբերի 16-ին, Մասյացոտնի թեմի, Արտաշատ քաղաքի Սուրբ Հովհաննես Ավետարանիչ եկեղեցու բակում հավարտ Սուրբ Պատարագի ժամը 13։00-ին տեղի կունենա բացօթյա համերգ` Հայաստանի պետական ֆիլհարմոնիայի «Ակունք» ազգագրական համույթի մասնակցությամբ։

Աղբյուր՝ Պաշտոնական հաղորդագրություն

12:23 Աշխարհում
Մոնիկա Բելուչին և Թոնի Քոլլեթը կնկարահանվեն մաֆիայի մասին կատակերգությունում

Դերասանուհիներ Մոնիկա Բելուչին և Քոլլեթը կնկարահանվեն «Mafia Mamma» քրեական կատակերգությունում: Ֆիլմի ռեժիսորը կլինի Քեթրին Հարդվիկը: Սցենարը գրել են Դեբի Ջունը և Մայքլ Ֆելդմանը:

Աղբյուր՝ kulturomania.ru

12:12 Հայաստան
Արմավիր մարզի Երվանդաշատ համայնքում տեղի է ունեցել

«Առավել արդյունավետ ոլորտային ծառայությունների մատուցում ՏԻՄ-երում. թափոնների կառավարումը Հայաստանի համայնքներում» ծրագրի բացման արարողությունը: Ծրագիրն իրականացվում է «Այ Էս Էս Դի» Համայնքների կայուն զարգացման նորարարական լուծումներ» ՀԿ-ի կողմից՝ Երևանում Նիդերլանդների թագավորության դեսպանության ֆինանսական աջակցության շնորհիվ։ Ծրագրի նպատակն է հաղթահարել Արմավիրի մարզի 8 համայնքներում՝ Արմավիր, Երվանդաշատ, Բագարան, Վանանդ, Կողբավան, Հուշակերտ, Սարդարապատ և Արաքս, թափոնների ոչ ճիշտ կառավարման հետևանքով առաջացած խնդիրները և բարձրացնել ոլորտային ծառայությունների տեղական մակարդակը։

Աղբյուր՝ «Այ Էս Էս Դի» ՀԿ

12:08 Հայաստան
Ֆինանսավորում գիտական և գիտատեխնիկական գործունեությանը

Ֆինանսավորման է երաշխավորվել 2-5 կատարող ունեցող 224 գիտական թեմա, այդ թվում՝ 84-ը՝ «Բնական գիտություններ», 41-ը՝ «Ճարտարագիտություն և տեխնոլոգիաներ», 11-ը՝ «Բժշկական գիտություններ», 22-ը՝ «Գյուղատնտեսական գիտություններ», 27-ը՝ «Հասարակական գիտություններ» և 39-ը՝ «Հայագիտություն ու հումանիտար գիտություններ» բնագավառներից: Խումբը պետք է ունենա օտարերկրյա գործընկեր, որը թեմայի իրականացման ժամանակահատվածում պետք է առնվազն 30 օր գտնվի ՀՀ-ում և նույնքան ժամանակ էլ իր ներկայացրած գիտական կազմակերպությունում ընդունի խմբի ներկայացուցիչներին:

Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն 

11:40 Աշխարհում
Բժիշկը հայտնել է, թե որ ջերմաստիճանում է պետք գլխարկ դնել

«Պետք է նայեք դրսի ջերմաստիճանին: Եթե մինուս երեք աստիճան է, ապա քամու մեջ այն սովորաբար զգացվում է մինուս տասը: Չարժե այդքան ուժեղ սառեցնել գլխամաշկը: Դրա հետևանքով կարող է առաջանալ անթոների ջղակծկում»,- բացատրել է բժիշկ-տեխնոլոգ Օլգա Կոխասը: «Երբ օդի ջերմաստիճանը մինուս յոթ աստիճանից ցածր է, գլխարկն անհրաժեշտություն է»,- եզրափակել է Կոխասը:

Աղբյուր՝ ria.ru

11:14 Աշխարհում
Բենքսիի «Սերը՝ աղբամանում»-ը վաճառվել է ռեկորդային գնով

«Սերը՝ աղբամանում»-ը այն է, ինչ մնացել էր 2018-ին «Փուչիկով աղջիկը» նկարի ինքնավնասվելուց և 1 մլն ֆունտ ստերլինգով վաճառվելուց հետո: Այն հինգշաբթի օրը մուրճի տակ հայտնվեց Լոնդոնի Sotheby's-ում՝ վաճառվելով 16 մլն ֆունտ ստերլինգով, ինչը զգալիորեն գերազանցում է գնահատված 4-6 մլն ֆունտ ստերլինգը: Վաճառքը, որի ընթացքում ինը հայտատուներ պայքարել են շուրջ 10 րոպե, գերազանցում է մարտին Բենքսիի աշխատանքի համար գրանցված նախորդ ռեկորդը՝ 16,8 մլն ֆունտ ստերլինգ:

Աղբյուր՝ bbc.com

10:47 Աշխարհում
«Բարսելոնան» հետաքրքրված է Ասպիլիկուետայով

«Չելսիի» պաշտպան Սեսար Ասպիլիկուետան կարող է վերադառնալ Իսպանիա, հաղորդում է Fichajes-ը: Աղբյուրի համաձայն, «Բարսելոնան» հավակնություններ ունի է 32-ամյա իսպանացու նկատմամբ: Կատալոնական ակումբը ակնկալում է պայմանագիր կնքել ֆուտբոլիստի հետ հաջորդ ամառ, երբ նա կկարողանա դառնալ ազատ գործակալ: «Բարսան» հետաքրքրված է նաև լոնդոնցիների մեկ այլ պաշտպանով` Անդրեաս Քրիստենսենով:

Աղբյուր՝ sport-express.ru

10:36 Աշխարհում
Անդրեա Բոչելլին պայմանագիր է կնքում Universal Music-ի հետ

Դասական երաժշտության գերաստղը գլոբալ պայմանագիր է կնքել Universal Music-ի հե, որը կտարածվի` իր եռեսնամյա երաժշտական հարստության, նոր ալբոմների և հետագա այլ գործունեության, այդ թվում` կենդանի համերգների վրա: Իտալացի տենորը վաճառել է ավելի քան 90 միլիոն ալբոմ և հավաքել է ավելի քան 5 միլիարդ հոսքային դիտում և ունկնդրում:

Աղբյուր՝ theguardian.com

10:14 Աշխարհում
Բիլ Քլինթոնը հոսպիտալացվել է արյան վարակով

CNN-ի փոխանցմամբ՝ ԱՄՆ նախկին նախագահի մոտ առաջացել է միզուղիների վարակ, որն այնուհետև փոխանցվել է արյունատար համակարգ:

Աղբյուր՝ tass.ru

19:29 Աշխարհում
ՖԻՖԱ-ի ղեկավարն առաջարկել է 2030 թվականի աշխարհի առաջնությունն անցկացնել Իսրայելում և Պաղեստինում

Ֆուտբոլի միջազգային ֆեդերացիայի (ՖԻՖԱ) ղեկավար Ջանի Ինֆանտինոն առաջարկել է 2030 թվականի աշխարհի առաջնությունն անցկացնել Իսրայելում և հարևան արաբական երկրներում: 2030 թվականի աշխարհի առաջնության անցկացման վայրի ընտրությունը տեղի կունենա 2024 թվականին ՖԻՖԱ-ի 74-րդ համագումարում:

Աղբյուր՝ gazeta.ru

19:25 Տարածաշրջան
Աֆղան փախստականները Թուրքիային մեղադրում են դաժան, անօրինական գործողությունների մեջ

Ներգաղթյալները, որոնցից շատերը փախել են Թալիբանի ռեժիմից, պնդում են, որ իրենց ծեծում, հետապնդում և բռնի հտ են ուղարկում թուրքական սահմանապահ ուժերը:

Աղբյուր՝ theguardian.com

18:53 Աշխարհում
«Բարսելոնան» պատրաստ է «Լիվերպուլին» վերադարձնել Ֆիլիպե Կոուտինյոյին

«Բարսելոնայի» կիսապաշտպան Ֆիլիպե Կոուտինյոն այս ձմռանը կարող է վերադառնալ «Լիվերպուլ», հաղորդում է El Chiringuito-ն: Աղբյուրի փոխանցմամբ՝ Կատալոնիայի նախագահ Ժոան Լապորտան ցանկանում է ազատվել ֆուտբոլիստից և պատրաստ է հաջորդ տրանսֆերային պատուհանի ժամանակ նրան վերադարձնել «Լիվերպուլ»: Հաղորդվում է, որ 29-ամյա բրազիլացին կարող է տեղափոխվել «Նյուքասլ»:

Աղբյուր՝ sport-express.ru

18:49 Աշխարհում
Coldplay. Խումբը պատրաստվում է էկոլոգիապես մաքուր համաշխարհային շրջագայությանը

Coldplay-ի հաջորդ շրջագայության ընթացքում էլեկտրաէներգիան մասամբ կստեղծվի պարահրապարակում, որը էներգիա կկուտակի, երբ երկրպագուները վեր ու վար ցատկեն: Դա 12 կետից բաղկացած ծրագրի մի մասն է` կրճատել իրենց գործունեության էկոլոգիական հետևանքները, երկու տարի անց այն բանից հետո, երբ խումբը խոստացավ չշրջագայել, քանի դեռ չեն կարող դա անել ավելի կայուն եղանակով:

Աղբյուր՝ bbc.com

17:42 Տարածաշրջան
Թբիլիսիում երթևեկությունն արգելափակված է`

Սաակաշվիլիին ազատ արձակելու համարանցկացվող ցույցի պատճառով: Քաղաքապետարանը հորդորեց քաղաքի բնակիչներին օգտվել շրջանցիկ ճանապարհներից:

Աղբյուր՝ tass.ru

17:35 Աշխարհում
Թայվանի Գաոսյուն քաղաքում բռնկված հրդեհի զոհերի թիվը հասել է 46-ի

Յանչեն շրջանի 13-հարկանի շենքում «կատաղի» հրդեհ էր բռնկվել վաղ առավոտյան, ականատեսները հայտնել են, որ պայթյուն են լսել: 40 մարդ վիրավորվել է:

Աղբյուր՝ aljazeera.com

17:28 Աշխարհում
Չինաստանը շաբաթ առավոտյան կիրականացնի ամենաերկարատև տիեզերական թռիչքը

Այս շաբաթ օրը Չինաստանը երեք տիեզերագնաց կուղարկի իր նոր տիեզերակայան. հինգշաբթի հաստատել են պաշտոնյաները: Դա կլինի Պեկինի անձնակազմի մինչ օրս կատարած ամենաերկարատև առաքելությունը: Նրանք վեց ամիս կանցկացնեն Տյանգոնգ տիեզերակայանի հիմնական մոդուլում՝ Տիանհեում:

Աղբյուր՝ france24.com

17:16 Աշխարհում
Բժիշկը հայտնել է, թե որ մթերքներ են վտանգավոր լյարդի համար

Խոզի, գառան, կարմիր խավիարի և կոշտ պանրի հաճախակի օգտագործումը վտանգավոր է լյարդի համար, ասել է բժիշկ և հեռուստահաղորդավար Սերգեյ Ագապկինը «Ռոսսիա 1» հեռուստաալիքի «Ամենակարևորի մասին»  («О самом главном») հաղորդաշարի եթերում: Կարող են զարգանալ այնպիսի լուրջ հիվանդություններ, ինչպիսիք են լյարդի ոչ ալկոհոլային ճարպային հիվանդությունը կամ ճարպային հեպատոզը»,- հայտնել է նա:

Աղբյուր՝ gazeta.ru

16:55 Աշխարհում
Երազանքներն իրականանում են. Ջարեդ Լետոն զանգահարեց ծանր հիվանդությամ աղջկան

Այդ երազանքն անիրականանալի էր թվում, սակայն իրականություն դարձավ: Ծանր հիվանդությամբ տառապող, խնամքի կենտրոնների աջակցության «Վերա» հիմնադրամի շահառու Նաստյան զանգ է ստացել իր կուռքից՝ դերասան և «30 Seconds To Mars» խմբի մենակատար Ջարեդ Լետոյից: Նաստյան իր 27-ամյակը նշել է Ցարիցինոյի հոսպիսում:

Աղբյուր՝ vesti.ru

16:34 Աշխարհում
Բրեդ Փիթի առանձնատունը տարհանվում է անտառային հրդեհների պատճառով

Դերասան Բրեդ Փիթի ծովափնյա առանձնատունը հայտնվել է տարհանման գոտում՝ «Ալիսալ»  անտառային հրդեհի պատճառով: Գոլետայում (Կալիֆորնիա, ԱՄՆ) գտնվող 5,5 միլիոն դոլար արժողությամբ տունը կարող է այրվել:

Աղբյուր՝ the-sun.com

15:49 Տարածաշրջան
Իրանի դատարանը տղամարդուն դատապարտել է կուրության՝ կռվի մասնակցելու համար

Իրանի դատարանը 45-ամյա տղամարդուն կռվի համար կուրության է դատապարտել, գրում է IranWire-ը: Մեղադրյալի համար նման պատիժ է սահմանվել, քանի որ ծեծկռտուքի արդյունքում նա կուրացրել է հակառակորդի մեկ աչքը: Չի նշվում՝ կկորացնեն մեղադրյալի մեկ աչքը, ինչպես տուժածինն է, թե՞ երկու աչքերն էլ: Իրանցին, որի անունը չի հրապարակվում, պատժվել է երկրի հատուցման մասին օրենքով, որը կոչվում է «քիսաս»:

Աղբյուր՝ gazeta.ru

15:29 Աշխարհում
Թուրքիան ընդլայնում է զինված անօդաչու թռչող սարքերի վաճառքը Եթովպիա և Մարոկկո

Ըստ համաձայնագրերին ծանոթ չորս աղբյուրների՝ Թուրքիան ընդլայնել է զինված անօդաչու թռչող սարքերի արտահանումը՝ առևտրային գործարքներ կնքելով Մարոկկոյի և Եթովպիայի հետ: Անօդաչու թռչող սարքերի ցանկացած փոխադրում Եթովպիա վտանգում է արդեն իսկ լարված շփումները Անկարայի և Կահիրեի միջև, որը հակասության մեջ է Ադիս Աբեբայի հետ՝ Կապույտ Նեղոսի հիդրոէլեկտրակայանի շուրջ:

Աղբյուր՝ reuters.com

15:10 Աշխարհում
Կապույտ համազգեստով հյուսիսկորեացի զինվորականը բուռն քննարկումներ է առաջացրել սոցցանցերում

Երկրի պետական լրատվամիջոցների տարածած լուսանկարում հյուսիսկորեացի զինվորի շատ կիպ կապույտ հանդերձանքը մեծ իրարանցում է առաջացրել սոցիալական ցանցերում, ոմանք նրան անվանում են «սուպերհերոս», «կապիտան ԿԺԴՀ» կամ «հրթիռակիր»: Նա մոտ 30 զինվորների թվում էր, ովքեր երկուշաբթի օրը զինված համակարգերի ցուցահանդեսի ժամանակ լուսանկարվել էին առաջնորդ Կիմ Չեն Ընի հետ:

Աղբյուր՝ apnews.com

Տեսանյութեր

Տափերականում ոստիկաններն ուժով բացում են գյուղացիների փակած ճանապարհը
17:28 09/09/2021

Տափերականում ոստիկաններն ուժով բացում են գյուղացիների փակած ճանապարհը

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}