Կրթություն

ԿԱՐՃ ԼՈՒՐԵՐ

17:00 Հայաստան
ՀՀ տրանսպորտի, կապի և տեղեկատվական տեխնոլոգիաների նախարար Հ. Արշակյանին «DataArt» ընկերության տնօրենների խորհրդի անդամները ներկայացրել են ընկերության գործունեությունը

«DataArt»-ը գործում է արդեն 20 տարուց ավելի և առաջարկում է ՏՏ լուծումներ ֆինանսական, առողջապահական, տուրիզմի, մեդիայի և ինտերնետ իրերի (IoT) ոլորտում։ Ընկերության երկու տասնյակ կենտրոններում աշխատում են 2600-ից ավելի մասնագետներ։ Ծառայությունների աշխարհագրությունն ընդգրկում է ԱՄՆ-ն, Մեծ Բրիտանիան, Ռուսաստանը, Ուկրաինան, Արգենտինան և այլն։
Աղբյուր՝ mtcit.am

16:20 Հայաստան
Երևանում մեկնարկել է ռադիոհաճախականության տիրույթի և արբանյակային ուղեծրերի օգտագործման կարգավորման հարցերով Կապի տարածաշրջանային համագործակցության կոմիտեի 14-րդ նիստը

Ներկայացուցչական այս միջոցառմանը մասնակցելու համար Երևանում են 100-ից ավելի մասնագետներ ԱՊՀ անդամ-պետություններից, բարձրաստիճան պաշտոնյաներ, փորձագետներ, հյուրեր, միջազգային կազմակերպությունների ներկայացուցիչներ։ Նիստի հանդիսավոր բացմանը ողջույնի խոսքով հանդես է եկել ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Գ. Վարդանյանը։
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

16:06 Հայաստան
ՀՀ գյուղատնտեսության նախարարի պաշտոնակատար Գ. Գևորգյանը Գերմանիայի պարենի և գյուղատնտեսության նախարարի հրավերով Բեռլին կատարած այցի շրջանակում մասնակցել է

«Գյուղատնտեսությունը վերածվում է թվայինի. խելացի լուծումներ ապագայի գյուղատնտեսության համար» խորագրով գյուղատնտեսության նախարարների 11-րդ համաժողովին և «Բեռլինյան
կանաչ շաբաթ» ամենամյա միջազգային գյուղատնտեսական ցուցահանդեսին:
Գյուղատնտեսության նախարարների համաժողովին, որն անց էր կացվում ԳԴՀ
գյուղատնտեսության նախարար Ջուլիա Քլոքների նախագահությամբ, մասնակցել են
մոտ 70 երկրների գյուղատնտեսության նախարարներ:
Աղբյուր՝ ՀՀ գյուղատնտեսության նախարարություն

15:17 Հայաստան
Երգիչ Վահագ Ռաշը ներկայացրել է իր նոր՝ «Բաց թող ինձ» երգի տեսահոլովակը

Այն արդեն հասանելի է Youtube սոցիալական ցանցում: Տեսահոլովակի ռեժիսորը Սերժ Գաբյանն է, երգի երաժշտության հեղինակը՝ Վահագ Ռաշը, բառերն էլ հեղինակել է Տաթև Ոսկանյանը:

 

14:16 Աշխարհում
Արցախի Հանրապետության նախագահ Բ. Սահակյանն ընդունել է Ֆրանսիայի հայ բժիշկների միության անդամ, «Հայ-մեդ» բժշկական մարդասիրական ընկերության նախագահ Ժան-Միշել Էքերյանին

Քննարկվել են առողջապահության ոլորտին առնչվող տարբեր հարցեր: Նախագահը երախտագիտություն է հայտնել Ժան-Միշել Էքերյանին Արցախին մշտապես սատարելու և առողջապահության ոլորտում մի շարք բարեգործական ծրագրեր իրականացնելու համար ու նրան հանձնել «Վաչագան Բարեպաշտ« մեդալ: 
Աղբյուր՝ Արցախի Հանրապետության նախագահի աշխատակազմի տեղեկատվության գլխավոր վարչություն

14:04 Հայաստան
Հունվարի 21-ին Հարկադիր կատարումն ապահովող ծառայությունում քննարկվել և ամփոփվել են Ծառայության 2018 թվականի գործունեության արդյունքները

Հրավիրված աշխատանքային խորհրդակցությունը վարել է ՀՀ գլխավոր հարկադիր կատարող, արդարադատության գնդապետ Հակոբ Հակոբյանը:
Աղբյուր՝ harkadir.am

13:53 Հայաստան
ՀՀ տրանսպորտի, կապի և տեղեկատվական տեխնոլոգիաների նախարարությունը և «Տրանսպորտային ծրագրերի իրականացման կազմակերպություն» ՊՈԱԿ-ը

վերջին շրջանում դժգոհություններ են ստանում Վանաձոր-Ալավերդի-Վրաստանի սահման ավտոճանապարհի Ալավերդի քաղաքով անցնող հատվածի շինարարական աշխատանքների հետ կապված բնակչությանն ու երթևեկության մասնակիցներին պատճառվող անհարմարությունների վերաբերյալ։ Վանաձոր-Ալավերդի-Վրաստանի սահման (Մ-6) ավտոճանապարհի վերականգնման և բարելավման ծրագրի 2-րդ փուլի շինարարական աշխատանքների պայմանագրերը ստորագրվել են 2017թ․ նոյեմբերի 30-ին, աշխատանքների մեկնարկը տրվել է 2018թ. մայիսի 29-ին։ Շինարարական աշխատանքների ավարտը նախատեսված է շինարարության մեկնարկից հետո 900 օրվա ընթացքում։
Աղբյուր՝ mtcit.am

 

13:40 Աշխարհում
Հունվարի 21-ին Սևծովյան տնտեսական համագործակցություն կազմակերպության մշտական միջազգային քարտուղարության կենտրոնակայանում ՍԾՏՀ-ում ՀՀ մշտական ներկայացուցիչ Ս.Սարգյանն

իր լիազորությունների պաշտոնական հավաստագիրն է ներկայացրել ՍԾՏՀ-ի մշտական միջազգային քարտուղարության գլխավոր քարտուղար Մ. Քրիստիդեսին։ Զրույցի ընթացքում երկուստեք դրական գնահատվել է Հայաստանի և ՍԾՏՀ-ի քարտուղարության միջև հաստատված արդյունավետ փոխգործակցությունը, ինչպես նաև՝ ՀՀ կառուցողական ներգրավվածությունը կազմակերպության աշխատանքներին:
Աղբյուր՝ mfa.am

13:25 Հայաստան
Կրկնակիից ավելի աճել են Պաշտպանին հասցեագրվող բողոքները պետական մարմինների կողմից քաղաքացիների դիմումներին չպատասխանելու վերաբերյալ

Մարդու իրավունքների պաշտպանի գործունեության կարևոր ուղղություններից է պետական և տեղական ինքնակառավարման մարմինների կողմից քաղաքացիների դիմումներին, նրանց բարձրացրած խնդիրներին պատշաճ պատասխանելուն հետևելը: Աշխատանքի այս ուղղությունը ներառում է նաև այդ մարմինների կողմից լրագրողական հարցումների պատասխանների տրամադրման հարցերը:
Մամուլի հաղորդագրություն

 

10:51 Հայաստան
Հունվարի 21-ին փոխվարչապետ Տ. Ավինյանը ՀՀ աշխատանքի և սոցիալական հարցերի նախարարության աշխատակիցներին ներկայացրել է նորանշանակ նախարար Զ.Բաթոյանին

Նորանշանակ նախարարն ընդգծել է նախարարության դերը միջգերատեսչական համագործակցության գործընթացում և հավելել, որ միայն համատեղ ուժերի միջոցով է հնարավոր քաղաքացիներին մատուցել առավել որակյալ ծառայություններ, որոնք հիմնված կլինեն մարդու իրավունքների և հնարավորությունների հավասարության սկզբունքների վրա:
Աղբյուր՝ ՀՀ աշխատանքի և սոցիալական հարցերի նախարարություն

10:39 Հայաստան
Աշխատանքային խորհրդակցության ժամանակ քաղաքապետ Հ. Մարությանն անդրադարձել է սեփական եկամուտների հավաքագրմանը՝

հանձնարարելով խոշոր, ապա նաև մյուս առևտրային կենտրոններում չափագրել և ստուգել աղբահանության համար սահմանված քառակուսի մետրերի համապատասխանությունը գանձվող գումարների չափին: Նախորդ շաբաթ ստուգայցեր են կազմակերպվել Աջափնյակ և Ավան վարչական շրջաններում: Արդյունքում արձանագրվել է ինքնակամ շինարարության 9 դեպք: Քաղաքապետին զեկուցվել է նաև, որ տևական ժամանակ բացատրական աշխատանքներից հետո 2 հասցեներում՝ Մալաթիա-Սեբաստիա վարչական շրջանի Կուրղինյան 12/4 և Ավան Առինջ 2-րդ միկրոշրջան 2/4 շենքի հարևանությամբ գտնվող ինքնակամ շինությունները քաղաքացիների իսկ ուժերով քանդվում են:
Աղբյուր՝ Երևանի քաղաքապետարան




 

10:25 Աշխարհում
Հունվարի 21-ին Բելառուսում ՀՀ դեսպան Ա. Ղևոնդյանն իր հավատարմագրերն է հանձնել Բելառուսի նախագահ Ա. Լուկաշենկոյին

Հանձնման արարողությանը հաջորդած խոսքում Բելառուսի նախագահը համառոտ ներկայացրել է երկրի ներքին և արտաքին քաղաքականության հիմնահարցերն ու հետագա զարգացման ուղղությունները։
Աղբյուր՝ mfa.am

10:12 Հայաստան
Մայրաքաղաքի ձնամաքրման աշխատանքները պատշաճ կազմակերպելու համար Երևանի քաղաքապետարանը 9 նոր հատուկ տեխնիկա է ձեռք բերել

Մրցույթում հաղթող է ճանաչվել ռուսաստանյան «ԿամԱԶ» ընկերությունը: Նոր գույքի հնարավորություններին անձամբ է ծանոթացել Երևանի քաղաքապետ Հ. Մարությանը: Նոր տեխնիկան միաժամանակ մի քանի գործողություն է իրականացնում: Ձնամաքրումից բացի, դրանք նաև աղ ու ավազ ցանելու համար են նախատեսված: Տարվա տաք եղանակներին էլ կարող են ծառայել որպես ջրցան մեքենաներ։
Աղբյուր՝ Երևանի քաղաքապետըարան

18:06 Հայաստան
Հունվարի 22–25-ը Երևանում տեղի կունենա ռադիոհաճախականության տիրույթի և արբանյակային ուղեծրերի օգտագործման կարգավորման հարցերով Կապի տարածաշրջանային համագործակցության կոմիտեի

14-րդ նիստը, որի աշխատանքներին կմասնակցեն 100-ից ավելի ներկայացուցիչներ ԱՊՀ անդամ-պետություններից՝ Հայաստանից, Բելառուսից, Ղազախստանից, Ղրղզստանից, Ռուսաստանից, Ուզբեկստանից, Կապի տարածաշրջանային համագործակցությունից, Հեռահաղորդակցության Միջազգային Միությունից, բարձրաստիճան պաշտոնյաներ, փորձագետներ, հյուրեր միջազգային այլ կազմակերպություններից:
Աղբյուր՝ mtcit.am

 

15:44 Հայաստան
Հունվարի 14-ից 20-ը ՀՀ ԱԻՆ փրկարար ծառայության մարզային ստորաբաժանումներն իրականացրել են մի շարք փրկարարական գործողություններ

ՀՀ ավտոճանապարհների փակ և դժվարանցանելի հատվածներում՝ ապահովելով քաղաքացիների անխափան տեղաշարժը: Արագածոտնի մարզի Արագած, Բերքառատ, Ալագյազ համայնքներում նախորդ շաբաթվա մի քանի օրերի ընթացքում ահազանգեր են ստացվել այն մասին, որ գյուղի մոտակայքում ավտոմեքենաները դուրս են եկել ճանապարհի երթևեկելի հատվածից ու արգելափակվել ձյան շերտում. դուրս բերելու համար անհրաժեշտ է փրկարարների օգնությունը: Մեքենաների արգելափակման առավել շատ՝ շուրջ մեկ տասնյակ դեպքեր նախորդ շաբաթվա ընթացքում գրանցվել են մարզի Ապարան համայնքի ավտոճանապարհներին:
Աղբյուր՝ ՀՀ ԱԻՆ

Տեսանյութեր

Լապշինը ՀՀ ՊՆ-ին խնդրել է իրեն թույլ տալ այցելել սահմանային գոտի
15:08 22/01/2019

Լապշինը ՀՀ ՊՆ-ին խնդրել է իրեն թույլ տալ այցելել սահմանային գոտի

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}