Կրթություն

ԿԱՐՃ ԼՈՒՐԵՐ

14:04 Հայաստան
Մարտի 1- ին 20:00- ին տեղի կունենա Նարինե Վարդանյանի «NarNur» կոլլաժային արտ-նախագծի առաջին ցուցադրությունը

«Խեր, Շառ Աստվածուհի» խորագրով ցուցահանդեսը երկակի ստանդարտների ու դրանցով ապրելու անհարմարության մասին է: Հասցե՝ Լուսավորիչ 12: Ցուցահանդեսը գործելու է ընդամենը մեկ օր:
Աղբյուր՝ Facebook

12:28 Հայաստան
«Նարեկացի» արվեստի միությունում կցուցադրվեն Արարատ Մինասյանի և Զաքար Դեմիրճյանի աշխատանքները`

ստեղծված «Զանգակ» հրատարակչության «Երևան.ճեպանկարների գիրք» նախագծի շրջանակներում: Ցուցահանդեսը կրում է «Երևան» խորագիրը: Բացումը՝ փետրվարի 26- ին 18:30- ին:

11:14 Հայաստան
Ստեփանծմինդա - Լարս ավտոճանապարհը բաց է տրանսպորտային բոլոր միջոցների համար

Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

10:39 Հայաստան
ՀՀ ՔԿ ԵՔՔՎ Աջափնյակ և Դավթաշեն վարչական շրջանի քննչական բաժնում քննություն է տարվում՝ պարզելու 26-ամյա երիտասարդի մահվան հանգամանքները

Փետրվարի 23-ին 10:50-ին, ահազանգ է ստացվել, որ Երևան քաղաքի Կիևյան կամրջի տակ՝ Հրազդան գետում, դի կա: Երիտասարդի գտնվելու վայրն անհայտ էր համարվում հունվարի 30-ից։ Երիտասարդի մահվան հանգամանքները պարզելու համար նշանակվել է դատաբժշկական փորձաքննություն։
Աղբյուր՝ ՀՀ քննչական կոմիտե

10:25 Հայաստան
Միջոցներ են ձեռնարկվում՝ պարզելու կայանված ավտոմեքենայի սրահից գողություն կատարած անձի ինքնությունը

Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 2-րդ մասի 3-րդ կետի հատկանիշներով, որով նախաքննությունն իրականացվում է Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում: Տեսանյութը՝ այստեղ:
Աղբյուր՝ ՀՀ քննչական կոմիտե

10:12 Հայաստան
ՀՀ ԳՆ ՍԱՊԾ-ում փետրվարի 23-ին տեղի է ունեցել Սննդամթերքի անվտանգության և որակի հսկողության տեսչության գլխավոր մասնագետ, գինեգործ Լիլիա Սամվելյանի հեղինակած՝

«Գինեգործական ձեռնարկությունների սարքավորումներ» դասագրքի շնորհանդեսը:
Հեղինակի խոսքով՝  գրքի հրատարակումն անհրաժեշտություն էր դարձել, քանի որ գինեգործությունը շատ մեծ հեռանկարներ ունի մեր երկրում, և պետք է մեծ ուշադրություն դարձնել մասնագետների պատրաստման խնդրին:
Աղբյուր՝ ՀՀ ԳՆ սննդամթերքի անվտանգության պետական ծառայություն

19:00 Աշխարհում
Վրաստանի ՆԳՆ պատվիրակությունն այցելել է Հայոց ցեղասպանության զոհերի հուշահամալիր

Վրաստանի փոխվարչապետ, ՆԳ նախարար Գիորգի Գախարիան ծաղկեպսակ է դրել Անմար կրակի մոտ, ծանոթացել Ցեղասպանության ինստիտուտ- թանգարանի նյութերին, եղևնի տնկել ծառուղում:
Աղբյուր՝ police.am

18:33 Հայաստան
ՀՀ տնտեսական զարգացման և ներդրումների նախարար Ս. Կարայանը և ՀՀ- ում Բելառուսի դեսպան Ի. Նազարուկը քննարկել են երկու երկրների տնտեսական համագործակցության զարգացմանն առնչվող հարցեր,

ինչպես նաև հայ-բելառուսական միջկառավարական համատեղ հանձնաժողովի նիստին ձեռք բերված պայմանավորվածությունների ընթացքը։ Մասնավորապես Ս. Կարայանն Ի.Նազարուկի հետ քննարկել է տրանսպորտային միջոցների հավաքման արտադրամասերի շուրջ համագործակցությունը։ Նշվել է, որ տրանսպորտային և լոգիստիկ ոլորտում փոխգործակցությունն ամրապնդելու նպատակով շուտով Հայաստան կայցելի բելառուսական կողմի աշխատանքային խումբը։
Աղբյուր՝ ՀՀ տնտեսական զարգացման և ներդրումների նախարարություն

18:20 Հայաստան
Հանրապետության միջպետական և հանրապետական նշանակության ավտոճանապարհներին առանց տեղումների եղանակ է

ՀՀ միջպետական և հանրապետական նշանակության բոլոր ավտոճանապարհները բաց են:
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

18:19 Հայաստան
Վարչապետ Կարեն Կարապետյանն ընդունել է Հայաստանում Ամերիկայի առևտրի պալատի և պալատի անդամ- կազմակերպությունների ներկայացուցիչներին, ովքեր գործում են մտավոր սեփականության ոլորտում

կամ իրենց բիզնեսում առնչվում են մտավոր սեփականության խնդիրների հետ: Բարձրացվել են մտավոր սեփականության իրավունքի ոլորտում իրավակիրառ պրակտիկային, դատական համակարգի աշխատանքին և մասնագիտացած դատավորներ ունենալու խնդրին, մաքսային ընթացակարգերին վերաբերող հարցեր, անդրադարձ է եղել հեղինակային իրավունքի ոլորտում առկա և այլ հարցերի:
Մամուլի հաղորդագրություն

18:06 Հայաստան
Տեղի է ունեցել ՀՀ էներգետիկ ենթակառուցվածքների և բնական պաշարների նախարարության համակարգին օտարերկրյա պետությունների և միջազգային վարկատու կազմակերպությունների կողմից տրամադրված

վարկային ու դրամաշնորհային միջոցների հաշվին իրականացվող ծրագրերի կառավարման խորհրդի հերթական նիստը, որը վարել է նախարար, խորհրդի նախագահ Ա. Մանուկյանը: Օրակարգի առաջին հարցով ի գիտություն է ընդունվել նախորդ նիստում տրված հանձնարարականների կատարման ընթացքի մասին տեղեկատվությունը: Ներկայացվել ու հաստատվել են վարկային և դրամաշնորհային ծրագրերի 2017թ. տարեկան բյուջեների կատարման մասին հաշվետվությունները, ինչպես նաև վարկային և դրամաշնորհային ծրագրերի 2018թ. ծախսերի նախահաշիվները:
Աղբյուր՝ ՀՀ էներգետիկ ենթակառուցվածքների և բնական պաշարների նախարարություն

16:20 Աշխարհում
Փետրվարի 22-ին Վրաստանում ՀՀ դեսպան Ռ. Սադոյանը և Վրաստանի մշակույթի և սպորտի նախարար Մ. Գիորգաձեն քննարկել են երկկողմ մշակութային համագործակցությանն առնչվող հարցերի լայն շրջանակ

Խոսելով հայ-վրացական մշակութային համագործակցության մասին՝ կողմերն ընդգծել են, որ այդ ուղղությամբ գործուն քայլեր են կատարվում, և մատնանշել են երկու երկրների համապատասխան գերատեսչությունների ներկայացուցիչներից ձևավորված աշխատանքային խմբի ակտիվ գործունեությունը։
Աղբյուր՝ ՀՀ ԱԳՆ

15:30 Հայաստան
Մայրաքաղաքում ընթանում են անձրևընդունիչ համակարգերի մաքրման աշխատանքներ

Դիտահորերից դուրս են բերվում տեղումների հետևանքով գոյացած հողի զանգվածն ու տերևները: Անձրևընդունիչ համակարգերի մաքրման աշխատանքների գարնանային փուլը նախատեսվում է ավարտել մինչև ապրիլի 1-ը:
Աղբյուր՝ Երևանի  քաղաքապետարան

14:37 Հայաստան
Փետրվարի 20-23-ը Մայր Աթոռ Սուրբ Էջմիածնում տեղի են ունեցել Գերագույն հոգևոր խորհրդի հերթական ժողովի նիստերը

Հայոց Կաթողիկոսի ողջույնի և օրհնության խոսքից հետո որպես ատենապետեր ժողովը վարելու են հրավիրվել ԱՄՆ Հայոց Արևելյան թեմի առաջնորդ Տ. Խաժակ արքեպիսկոպոս Պարսամյանը և Արցախի թեմի առաջնորդ Տ. Պարգև արքեպիսկոպոս Մարտիրոսյանը: Օրակարգի հաստատումից հետո ընթերցվել և հաստատվել է նախորդ` 2017 թ. նոյեմբերի 1-3-ին գումարված ԳՀԽ ժողովի արձանագրությունը:
Աղբյուր՝ Մայր Աթոռ Ս. Էջմիածին

12:14 Հայաստան
Փետրվարի 22-ին 16:00-ի սահմաններում, ՀՀ ԱՆ «Արթիկ» քրեակատարողական հիմնարկի աշխատակիցները հիմնարկի վարչական շենքում անձնական խուզարկության են ենթարկել

Գյումրի քաղաքի բնակիչ Վ. Ն.-ին, ինչի արդյունքում հայտնաբերել և առգրավել են ծխախոտի 2 տուփ և մեկ բջջային հեռախոս: Առաջին ծխախոտատուփի մեջ առկա են եղել 9 հատ սպիտակ գույնի «Pfizer PGN 150» գրառմամբ և 26 հատ «Pfizer PGN 75» գրառմամբ դեղապարկուճներ, իսկ երկրորդում՝ մի քանի գլանակների մեջ լցված կանեփանման զանգված: Հայտնաբերված թմրամիջոցներն ուղարկվել են դատաքիմիական փորձաքննության: Փաստի առթիվ նախապատրաստվում են նյութեր:
Աղբյուր՝ ՀՀ ԱՆ ՔԿՎ հանրային կապերի բաժին

11:28 Աշխարհում
Իսպանիայում թոշակառուներն արգելափակել են խորհրդարանը

Կենսաթոշակառուների հիմնական պահանջը կենսաթոշակները բարձր մակարդակի բարձրացնելն է, որը գոնե կծածկի գնաճը:

Տեսանյութեր

Սաֆարյան. Հայաստանը ԵԱՏՄ երկրների շարքքում ամենաբարձր տնտեսական ցուցանիշներն է գրանցել
14:40 24/02/2018

Սաֆարյան. Հայաստանը ԵԱՏՄ երկրների շարքքում ամենաբարձր տնտեսական ցուցանիշներն է գրանցել

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}