Օրվա մամուլ

ԿԱՐՃ ԼՈՒՐԵՐ

17:44 Աշխարհում
ՀՀ ԱԺ նախագահի տեղակալ Է. Շարմազանովը Սանկտ Պետերբուրգի Օրենսդիր ժողովի նախագահ Վ. Մակարովի հետ քննարկել է հայ-ռուսական դաշնակցային հարաբերությունների զարգացման հեռանկարները,

անդրադարձ կատարել ՀԱՊԿ եւ ԵԱՏՄ շրջանակներում հարաբերությունների զարգացմանն ու տարածաշրջանային համագործակցությանը: Զրուցակիցներն ընդգծել են առաջիկայում Սանկտ Պետերբուրգում հայազգի գեներալ Լոռիս-Մելիքովի հուշատախտակի բացումը, որի նախաձեռնողներն են Է. Շարմազանովը և Վ. Մակարովը:
Աղբյուր՝ ՀՀ ԱԺ

17:40 Հայաստան
ՀՀ էներգետիկ ենթակառուցվածքների և բնական պաշարների նախարարի պաշտոնակատար Գ. Բաղրամյանն աշխատանքային այց է կատարել «Բարձրավոլտ Էլեկտրացանցեր» ՓԲ ընկերություն

Այնուհետև նախարարի պաշտոնակատարի գլխավորությամբ տեղի է ունեցել աշխատանքային խորհրդակցություն՝ ընկերության ղեկավար և ինժեներական անձնակազմի մասնակցությամբ։ Գ. Բաղրամյանն ընդգծել է ընկերության նախանշած ծրագրերը սահմանված ժամկետներում և որակով իրականացնելու կարևորությունը: Այդ համատեքստում, մասնավորապես, անդրադարձ է եղել Իրան-Հայաստան էլեկտրահաղորդման գծի կառուցման, «Բարձրավոլտ Էլեկտրացանցեր»-ի ենթակայանների վերազինման ծրագրերին:
Աղբյուր՝ ՀՀ էներգետիկ ենթակառուցվածքների և բնական պաշարների նախարարություն

17:25 Հայաստան
ՀՀ արդարադատության նախարարի տեղակալ Ս. Քրմոյանy մասնակցել է «Առողջապահության և մարդու իրավունքների պաշտպանության ամրապնդումը Հայաստանի բանտերում» թեմայով քննարկմանը,

որը կազմակերպել էր ՀՀ արդարադատության նախարարությունը Եվրոպայի խորհրդի աջակցությամբ: Հանդիպման ընթացքում մասնակիցներին ներկայացվել են ՀՀ կառավարության 2006 թ. մայիսի 26-ի թիվ 825-Ն որոշման նախագիծը և սանիտարահիգենիկ ու համաճարակային ուղեցույցների նախագծերը, որոնց վերաբերյալ ընթացել են քննարկումները: Նախարարի տեղակալը ողջունել է մասնակիցներին՝ ընդգծելով, որ քննարկումների արդյունքում վերջնական ամփոփված նախագիծը կներկայացվի Կառավարության հաստատմանը:
Աղբյուր՝ ՀՀ ԱՆ

15:44 Արցախ
Արցախի Հանրապետության Արտակարգ իրավիճակների պետական ծառայության տնօրեն Կ. Սարգսյանն ընդունել է Արցախում Կարմիր Խաչի միջազգային կոմիտեի առաքելության նորանշանակ ղեկավար Պ.-Է. Դյուքրուեին

ԱԻՊԾ տնօրենը և ԿԽՄԿ առաքելության ղեկավարը քննարկել են բնակչության պաշտպանությանն ուղղված ծառայության գործունեությանը վերաբերող մի շարք հարցեր: Կ. Սարգսյանը, կարևորելով ԱԻՊԾ-ի և Արցախում ԿԽՄԿ-ի միջև առկա համագործակցությունը, վստահեցրել է, որ առաջիկայում ևս աջակցելու է Կարմիր Խաչի միջազգային կոմիտեի առաքելությանը:
Մամուլի հաղորդագրություն

14:04 Հայաստան
ՀՀ տարածքային կառավարման և զարգացման նախարարի առաջին տեղակալ Վ. Տերտերյանը մասնակցել է «Սոցիալական և համերաշխ տնտեսությունը` հօգուտ գյուղական տուրիզմի» թեմայով համաժողովին

Ողջունելով համաժողովի մասնակիցներին` Վ. Տերտերյանն ընդգծել է, որ կառավարության առաջնահերթ խնդիրներից է մարզերում համայնքների տնտեսական զարգացումը, և այս համատեքստում ընդգծել է գյուղական տուրիզմի ներուժի բացահայտման և դրա արդյունավետ կառավարման անհրաժեշտությունը: Համաժողովին բացման խոսքով հանդես են եկել նաև Հայաստանում ՄԱԿ-ի զարգացման ծրագրի Ինտեգրված գյուղական տուրիզմի ծրագրի ղեկավար Ա. Վալեսյանը, «Միասին» հիմնադրամի հիմնադիր նախագահ Ա. Մառանջյանը, Հայաստանում Շվեյցարիայի դեսպան Ս. Լազարետոն:
Աղբյուր՝ ՀՀ տարածքային կառավարման և զարգացման նախարարություն

13:53 Հայաստան
«Ավրորա» մարդասիրական նախաձեռնությունը հայտարարել է «Ավրորա» երախտագիտության կրթաթոշակների արժանացած տասնմեկ պատանիների անունները

Մերձավոր Արևելքի յոթ երկրներից ժամանած երիտասարդները 2018թ. սեպտեմբերին սկսել են իրենց ուսումը Միավորված աշխարհի քոլեջներ (UWC) կրթական ցանցի դպրոցներում՝ աշխարհով մեկ։ Կրթաթոշակներն ուսանողներին հնարավորություն են տալիս ապրելու ապահով և ստանալու աջակցություն ու լուրջ կրթություն։ Բոլոր կրթաթոշակառուները կամ փախստականներ են, որ կորցրել են մեկ կամ երկու ծնողի, կամ գալիս են մարգինալացված համայնքներից։
Աղբյուր՝ «Ավրորա» մարդասիրական նախաձեռնություն
 

13:40 Հայաստան
Տեսողության համաշխարհային օրվա կապակցությամբ Երևանի Վ. Բելինսկու անվան թիվ 38 հիմնական դպրոցում մեկնարկել է ՀՀ- ում դպրոցականների ակնային զննումների հանրապետական ծրագիրը,

որին մասնակցել են ՀՀ ԿԳ նախարարի պաշտոնակատար Ա. Հարությունյանը և «Հայկական ակնաբուժության նախագիծ» բարեգործական հիմանդրամի տնօրեն Ն.Եղիազարյանը: Ձեռնարկը մշակվել է Հայկական ակնաբուժության նախագծի շրջանակում և որպես ուսումնաօժանդակ գրականություն հաստատվել է ՀՀ ԿԳ նախարարության կողմից: Ա. Հարությունյանը գոհունակություն է հայտնել ծրագրի իրականացման առնչությամբ:
Աղբյուր՝ ՀՀ ԿԳՆ

13:25 Հայաստան
ՀՀ տրանսպորտի, կապի և տեղեկատվական տեխնոլոգիաների նախարարությունում 2018թ. հունվար-սեպտեմբեր ժամանակահատվածում մուտքագրվել է 30860 դիմում և գրություն,

որոնցից 1139-ը եղել են քաղաքացիների դիմումներ: Դիմում-գրություններից 1565-ը ստացվել են էլեկտրոնային փոստով: Զանգվածային լրատվամիջոցներից, քաղաքացիներից և իրավաբանական անձանցից առձեռն, էլեկտրոնային փոստով կամ պաշտոնական կայքի միջոցով ստացվել է տեղեկություն ստանալու 127 հարցում: Եվս 19 հարցում ստացվել է ՀՀ ԱԺ պատգամավորներից: Բոլոր հարցումներին, դիմումներին և գրություններին ընթացք է տրվել օրենսդրությամբ սահմանված կարգով և ժամկետներում:
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

13:12 Աշխարհում
Սանտորինի կղզու հինավուրց Ակրոտիրի բնակավայրի պեղումների ընթացքում հնագետները հայտնաբերել են կիկլադյան մշակույթի մոտ 5000 տարվա հնության գտածոներով կավե 13 արկղ

Գտածոները հայտնաբերվել են House of Benches անվանումով շենքում, երբ հետազոտողներն ուսումնասիրում էին հիմքն այն տեղում, որտեղ ավելի վաղ հայտնաբերվել էր բրոնզե այծեղջյուր և որտեղ, ենթադրաբար, կարող էր գտնվել զոհասեղանը։  Պեղումների հովանավորը «Կասպերսկի Լաբորատորիա»-ն է:
Աղբյուր՝ «Կասպերսկի Լաբորատորիա»

11:00 Հայաստան
Երևանում կայացել է Եվրասիական տնտեսական հանձնաժողովի խորհրդի հերթական նիստը, որին մասնակցել են ԵԱՏՄ երկրների փոխվարչապետները

Նիստի օրակարգում են եղել ԵԱՏՄ երկրների միջև տնտեսության, արդյունաբերության, առևտրի և այլ ոլորտներում համագործակցությանը վերաբերող հարցեր: Մասնակիցները, ի թիվս այլ հարցերի, քննարկել են թվայնացման օրակարգը, ինչպես նաև 2019 թվականի ԵԱՏՄ բյուջեն, որը կներկայացվի Եվրասիական տնտեսական բարձրագույն խորհրդի հաստատմանը:
Մամուլի հաղորդագրություն

10:51 Արցախ
Արցախի Հանրապետության ԱԺ նախագահ Ա. Ղուլյանը հոկտեմբերի 22-ին ընդունել է Ֆրանսիայի ԱԺ պատգամավոր, «Ֆրանսիա-Արցախ» բարեկամության շրջանակի փոխնախագահ

Ֆրանսուա Պուպոնիին և «Ֆրանսիա-Արցախ» Բարեկամության շրջանակի անդամ Ֆ. Ռոշբլուանին: Աշոտ Ղուլյանը պատրաստակամություն է հայտնել այսուհետ ևս աշխատել խորհրդարանական և ապակենտրոնացված համագործակցության զարգացման ուղղությամբ, ինչպես նաև շարունակել քննարկումները նախորդ հանդիպումներում ձեռք բերված պայմանավորվածությունների շրջանակում:
Աղբյուր՝  Արցախի Հանրապետության ԱԺ

 

10:39 Հայաստան
Հոկտեմբերի 20-ին Վ. Օսիպյանն աշխատանքային խորհրդակցություն է անցկացրել ճանապարհային ոստիկանության ղեկավար կազմի հետ

Վ. Օսիպյանն անդրադարձել է ծառայության որակն ավելի բարձրացնելու խնդիրներին՝ ընդգծելով, որ ճանապարհային ոստիկանները քաղաքացիների հետ շփումներում պետք է լինեն ավելի բարեկիրթ ու կոռեկտ, առաջնորդվեն բացառապես օրինականության սկզբունքով, գործեն օրենքով իրենց վերապահված լիազորությունների շրջանակում՝ բացառելով կոռուպցիոն ցանկացած դրսևորում։ 
Մամուլի հաղորդագրություն

10:25 Արցախ
Հոկտեմբերի 22-ին Բարեկամության հռչակագիր է ստորագրվել Արցախի Հանրապետության Մարտունու շրջանի Շեխեր և Ֆրանսիայի Առնուվիլ համայնքների միջև

Հռչակագիրը ստորագրել են Շեխեր համայնքի ղեկավար Մ. Մանգասարյանը և Առնուվիլի քաղաքապետ Պ. Դոլլը։ Ստորագրման հանդիսավոր արարողությունը տեղի է ունեցել Շեխերում, որին ներկա են եղել Արցախի Հանրապետության արտաքին գործերի նախարար Մ. Մայիլյանը, Ֆրանսիայի ԱԺ պատգամավոր, «Ֆրանսիա-Արցախ» Բարեկամության շրջանակի փոխնախագահ Ֆ. Պուպոնին և  «Ֆրանսիա-Արցախ» Բարեկամության  շրջանակի անդամ Ֆ.Ռոշբլուանը:
Աղբյուր՝  nkr.am

10:12 Հայաստան
ՀՀ գլխավոր դատախազ Ա. Դավթյանն ընդունել է ճանաչողական այցով Հայաստանում գտնվող Ավստրիայի դատախազներից և դատավորներից կազմված պատվիրակությանը,

որը գլխավորել է Ավստրիայի գլխավոր դատախազի տեղակալ Ա. Բաուերը: Հայկական կողմից հանդիպմանը մասնակցել են նաև ՀՀ գլխավոր դատախազի տեղակալներ Հ. Ասլանյանը և Դ. Մելքոնյանը: Հյուրերին ներկայացվել է Հայաստանի դատաիրավական համակարգում դատախազության դերակատարության և իրավասությունների շրջանակը, միջազգային փորձի ուսումնասիրմամբ վերջին տարիներին իրականացված բարեփոխումների հիմնական արդյունքները, քրեական դատավարության և պետական շահերի պաշտպանության ոլորտներում դատախազների գործառույթների առավել հստակեցման նպատակները:
Աղբյուր՝ prosecutor.am

17:51 Արցախ
Արցախի Հանրապետության նախագահ Բ. Սահակյանն այցելել է ԱՀ անհայտ կորած ազատամարտիկների հարազատների միության կենտրոնական գրասենյակ

Նախագահը շնորհավորել է ներկաներին միության 20-ամյակի կապակցությամբ, արժևորել նրանց կողմից իրականացվող աշխատանքը:
Աղբյուր՝ Արցախի Հանրապետության նախագահի աշխատակազմի տեղեկատվության գլխավոր վարչություն

17:49 Հայաստան
Տեղի է ունեցել «Հայաստանի վերականգնվող էներգետիկայի և էներգախնայողության հիմնադրամի» հոգաբարձուների խորհրդի նիստ,

որը վարել է ՀՀ էներգետիկ ենթակառուցվածքների և բնական պաշարների նախարարի պաշտոնակատար, hոգաբարձուների խորհրդի նախագահ Գ. Բաղրամյանը: Նիստի ընթացքում «Հայաստանի վերականգնվող էներգետիկայի և էներգախնայողության հիմնադրամի» տնօրեն է ընտրվել Կ. Ասատրյանը: Նիստի ավարտից հետո հիմնադրամի աշխատակազմին ներկայացնելով նոր տնօրենին՝ Գ. Բաղրամյանը կարևորել է համակարգված աշխատանքը, որը կնպաստի հիմնադրամի հետագա գործունեությանն ու զարգացմանը:
Մամուլի հաղորդագրություն
 

17:44 Հայաստան
«Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Վ. Պետրոսյանը և կազմակերպության ինժեներական խումբն այցելել են

Բագրատաշենի սահմանային հսկողության անցակետ, որտեղ նախատեսված է կառուցել Հայաստանը և Վրաստանը միացնող նոր կամուրջ։ ՊՈԱԿ-ի ներկայացուցիչները հանդիպել են Բագրատաշենի կամրջի նախագծման և շինարարական աշխատանքների մրցույթը շահած իրանական «Ariana Tunnel Dam Co.» ընկերության աշխատակիցների հետ։ Վերջիններս մոբիլիզացիոն աշխատանքներ են կատարում նախագծային, դաշտային հետազոտությունների փուլի համար:
Մամուլի հաղորդագրություն

16:33 Հայաստան
Հոկտեմբերի 20-ին Idram-ը հայտարարել է IDBank-ի հետ համատեղ նոր թվային հարթակի գործարկման մասին

Հայֆիլմում կայացած Idram-ի և IDBank-ի կողմից կազմակերպված Galactic City շոու- համերգի ընթացքում։ Միջոցառման հյուրերն են եղել աշխարհահռչակ վինիլային արտիստներ Գերմանիայից և Հայաստանից, և այն նվիրված էր Էրեբունի – Երևանի 2800-ամյակին։ Ֆուտուրիստիկ ձևաչափի show-room-ում ներկայացվել են հարթակի հիմնական գործառույթները:
Մամուլի հաղորդագրություն
 

15:44 Հայաստան
Հոկտեմբերի 19-ին «Հրազդան» քրեակատարողական հիմնարկի աշխատակիցները դատապարտյալ Վ. Ս-ին տեսակցության այցելած քաղաքացուհի Կ. Ն.-ի պայուսակի թաքստոցից առգրավել են

3 բջջային հեռախոս, երեք ականջակալ, 2 USB լար, 1 բաժանորդային քարտ, 30-ական «Ադապտոլ» և «Տեբանտեն» գրառմամբ դեղահաբեր:
Աղբյուր՝ ՀՀ ԱՆ քրեակատարողական ծառայություն

Տեսանյութեր

ԱԺ-ում ՍԴ անդամ են ընտրում
15:00 23/10/2018

ԱԺ-ում ՍԴ անդամ են ընտրում

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}