Սպորտ

ՀԱՄԱՑԱՆՑ

17:52 Հայաստան
Անիտա Ավետիսյանի ու Դավիթ Հակոբյանի գեղեցիկ պարը

«Մոխրոտի երազներ» սերիաալում թոռնուհի կերպարը մարմնավորող Անիտա Ավետսիյանն ինսթագրամի իր էջում գեղեցիկ պարի տեսանյութ է հրապարակել, որտեղ վալս է պարում նույն սերիալում պապի կերպարը մարմնավորող հայտնի դերասան Դավիթ Հակոբյանի հետ։

«Քանի որ անցած մեր հոլովակը հավաքել էր միլիոնավոր դիտումներ , որոշեցինք նկարել երկրորդ հոլովակը ձեզ համար: Պապ ու թոռ շատ ենք սիրում պարել»,-տեսանյութին կից գրել է Անիտան։



 

17:32 Հայաստան
Ավելի երջանիկ լինել չեմ կարող. Վաչե Թովմասյան

Հումորիստ, դերասան Վաչե Թովմասյանը, որի մասնակցությամբ Anora ֆիլմն ընդգրկվել է Կաննի կինոփառատոնի հիմնական մրցութային ծրագրում, պատմել է իր էմոցիաների մասին։

««Անորա» ֆիլմը Կաննի կինոփառատոնի համաշխարհային պրեմիերայի ժամանակ արժանացել է 10 րոպեանոց ծափահարությունների:

Ավելի երջանիկ լինել չեմ կարող: Շնորհավորում եմ Շոն Բեյքերին: Շնորհակալ եմ ինձ վստահելու համար։

Շնորհակալ եմ երբևէ եղած ամենահիասքանչ դերասանական կազմին և անձնակազմին: Շնորհակալ եմ իմ ընկերներին, ընտանիքին և բոլոր այն մարդկանց, ովքեր օգնում և աջակցում են ինձ: Սիրում եմ բոլորիդ»,-գրել է նա ինսթագրամի իր էջում ու կարճ տեսանյութ հրապարակել ֆիլմի շնորհանդեսից։

11:02 Հայաստան
Լիլիթ Բլեյան. Արդեն մտքում ունե՞ք վաղվա ձեր ալիբին

Երգչուհի, երգահան, լրագրող Լիլիթ Բլեյանը գրում է.

«Հիշո՞ւմ եք, ձեր վարչապետը ՄԱԿ ի ԱԽ նիստի օրը հատուկ եթեր ունեցավ, որտեղ երկու անգամ շեշտեց, որ ԼՂ քաղաքացիական խաղաղ բնակչության համար որևէ սպառնալիք չկա։

Հիշո՞ւմ եք, որ Ադրբեջանը դրանից հետո մեզ բոլոր հարթակներից մեզ Նիկոլի այդ տեքստով էր պատասխանում։
Հիշո՞ւմ եք, որ դուք էդ ժամանակ էլ կանգնած էիք ձեր վարչապետի ու նրա "քաղաքականության" կողքին։ «Քաղաքականություն», որի միակ, բութ սցենարը միշտ նույնն է. ամեն ինչ ձախողել ու նույն պահին գտնել ուրիշ մեղավորի։ Մնացածը կանի բութ քարոզչությունը։ Դուք էլ կտաք էլիտար փաթեթավորումը։ Արդեն վարժ եք։

Դուք հասկանո՞ւմ եք, որ այդ օրվա և մյուս օրերի ձեր չընդվզելը և ձեր ընտրած քաղաքական թիմին վերաբերմունք չհայտնելը լեգիտիմացրեց Արցախի հետ կատարվածը։
Ի՞նչ ընդվզել, դուք ծաղրում էիք բոլոր ընդվզողներին ու տագնապի զանգ հնչեցնողներին։
Իսկ եթե գնանք մի տարի էլ հետ` բրյուսելյան արձանագրություններ։ Բայց ի՞նչ տարբերություն, թե ո'ր դրվագը. սցենարը միշտ նույնն է։

Հիմա նույնն եք անում։ Միշտ նույնն եք անում։

Խաղ է, հա՞, հավեսով խաղում եք։ Ստատուս է, հա՞, հումորով գրում եք։ Հասկանալո՞վ եք անում։ Մինչև վերջ հասկանո՞ւմ եք։

Ձեր վարչապետն արել է ու անում է ամեն ինչ, որ ձեր միջոցո'վ անի բոլոր ամենավտանգավոր քայլերը` բեմադրելով ձեր համաձայնությունը, ապագա արյունն ու ցավը հավասար լղոզելով բոլորիդ վրա։ Փորձված սցենար է։

Դուք էսօր ֆեյսբուքյան էլիտար ցինիզմ եք բեմադրում (գրիչը դե բնությունից տրված է), որ վաղը էդ նույն ցինիզմով ասեք` դե էսպես էլ պիտի լիներ։ Տեսել ենք, գիտենք։ Հիշում ենք։
Ու հա, հենց քեզ եմ ասում։ Տաղանդավորիդ ու հասկացողիդ եմ ասում։ «Պատերազմի կուսակցությանը» ծաղրելով` կանգնել եք վերջին տարիներին մեր երկիր չվերջացող պատերազմ բերողի մեջքին` հրեշտակի թևեր հյուսելով ձեր փետուրներից։

Արդեն մտքում ունե՞ք վաղվա ձեր ալիբին։ Էդտեղի՞ց է գոյության` ձեր էդ անհավատալի թեթևությունը»։

12:42 Հայաստան
«Ստացվում է, որ հիմա էլ՝ 615 միլիոն դրամ ծախսելուց հետո էլ, մեկա, էլի Կիրանցը դպրոցի շենք չի ունենալու»

«Բլոգնյուզ» կայքի խմբագիր Արամ Գևորգյանը գրում է.

«Եթե որևէ զոմբիի հետ շփման ժամանակ միամիտ օդից վարակ բռնեք ու սկսեք մտածել, որ «դե նիկոլը ֆսյո ժը գործ անում ա էլի, չի թալանում, սարքում ա մարդը», պարզապես հիշեք, որ Կիրանցում 1,5 միլիոն դոլարանոց դպրոց են սարքել, որը սահմանազատումից հետո 50 մետր հեռավորության վրայա լինելու սահմանից, ու էտ դպրոց ոչ մի երեխա չի գնալու։

Երկիր «կառուցելու» փայլուն օրինակ։ Ի դեպ, հենց էս դպրոցի համար էր ասում՝ ծառեր տնկեք, որ չտենաք թշնամուն։

2023 թվականի երեսպաշտ ժաննա Անդրեասյանը ստատուս էր գրում ու նշում, որ գյուղում դպրոց է կառուցվում, որ գյուղը երբեք դպրոցի շենք չի ունեցել։ Ստացվում է, որ հիմա էլ՝ 615 միլիոն դրամ ծախսելուց հետո էլ, մեկա, էլի գյուղը դպրոցի շենք չի ունենալու»։

11:42
44-օրյայի ժամանակ անհայտ կորած Հայր Մկրտիչը կոնտրբաս էր նվագում. Հովհաննես Իշխանյան

Հրապարակախոս Հովհաննես Իշխանյանը գրում է. «Երեկ հրապարակում հնչեց 44-օրյայի ժամանակ անհայտ կորած Հայր Մկրտչի անունը՝ որպես Բագրատ Սրբազանի հոգևոր զավակ։

Հայր Մկրտիչը՝ աշխարհիկ անունը՝ Հովհաննես Կարապետյանը կոնտրբաս էր նվագում։


Անի Եղիազարյանը այս մեկ րոպեանոց ֆիլմում միակցել է Հայր Մկրտչի աշխարհիկ ու հոգևոր կյանքերը՝ Նարեկացու տեքստով, որը կարդում է Հայր Մկրտիչը։


Ֆիլմը ներկայացված է Ակն ընդ ականի «Անարդարության շրջան» մրցույթին»։
 

17:20
Լավ էլի, թարգեք, այնքան զզվելի է. Լուսինե Թովմասյանը՝ Բագրատ Սրբազանի առաջնորդած շարժման մասին

Հայտնի մոդել, հաղորդավարուհի Լուսինե Թովմասյանին դուր չի եկել լրագրողի հարցը Տավուշի թեմի առաջնորդ Բագրատ արքեպիսկոպոս Գալստանյանի առաջնորդած «Տավուշը հանուն հայրենիքի» շարժման պայքարի մասին։

Հարցին՝ ինչո՞ւ չի մասնակցում սրբազան պայքարին, ի՞նչ դիրքորոշում ունի, նա պատասխանում է. «Լավ էլի, թարգեք, այնքան զզվելի է»։ 

20:02
Ծնվել է Անդրեի որդին

Ամերիկայի Միացիալ Նահանգներում ծնվել է երգիչ Անդրեի որդին։ Այս մասին գրում է Armlur-ը։

«Անդրեն այս մասին լռում է, քանի որ հղի կնոջ՝ երգչուհի Անի Օհանյանի և իր ֆոտոշարքից հետո թիրախավորվեց։ Անդրեի և իր նորաստեղծ ընտանիքի հասցեին հնչեցին լուտանքներ, վիրավորանքներ և հենց այս պատճառով էլ Անդրեն սոցիալական ցանցերում այս պահին ակտիվ կյանք չի վարում։ Հավելենք նաև, որ իր սոցիալական էջերում Անդրեն սատարում է Բագրատ սրբազանի առաջնորդած երթին։

Հիշեցնենք, որ 2023 թվականին Անդրեն բարդ վիրահատության էր ենթարկվել ԱՄՆ-ում, որից հետո վերադարձել էր Հայաստան ու մի քանի ամիս բնակվում էր հայրենիքում»,-գրում է աղբյուրը։

13:23 Հայաստան
«Գուգլի» տնօրենը և հայազգի աշխատակիցները մերժել են Վահագն Խաչատուրյանին. Yerkir.am

ՀՀ նախագահ Վահագն Խաչատուրյանը մայիսի 6-11-ն աշխատանքային այցով գտնվում է ԱՄՆ Կալիֆորնիա նահանգում:

Yerkir.am-ին հասած բացառիկ տեղեկությունների համաձայն՝ Վահագն Խաչատուրյանը նախօրեին Սան Ֆրանցիսկոյում ցանկացել է հանդիպել ամերիկյան խոշորագույն տեխնոլոգիական ընկերություններից մեկի՝ «Գուգլի» տնօրենի հետ:

«Ընկերությունից, սակայն, կտրականապես մերժել են Վահագն Խաչատուրյանի առաջարկը՝ բացատրելով, որ նման հանդիպումների համար կա հատուկ նախատեսված կարգ, ըստ որի՝ պետք է առնվազն 30 օր առաջ դիմել և ստանալ հաստատում: Ընկերությունում հավանաբար նաև զարմացել են, երբ իմացել են, որ դիմողը չնայած երկրի նախագահ է, սակայն վերջինիս աշխատակազմը չի տիրապետում արարողակարգի տարրական կանոններին:

Իրականում՝ ՀՀ նախագահի աշխատակազմում հազիվ թե չիմանան, որ ցանկացած տիպի ու տեսակի հանդիպում, այն էլ երկրի նախագահի հետ, պլանավորվում է վաղօրոք: Սակայն ՀՀ միջազգային հեղինակությունը, Փաշինյանի ձեռամբ, հասցվել է շրիշակի մակարդակի, ինչի արդյունքում, դժվար է ճարել մի երկիր կամ խոշոր հաստատություն, ում մոտ որևէ հետաքրքրություն կառաջացնի Վահագն Խաչատուրյան անուն ազգանունը։ Ելնելով դրանից՝  վերջինիս աշխատակազմը, հավանաբար, փորձում է «ձեռքի հետ՝ ոտքի վրա» տարբերակով հանդիպումներ «կպցնել», նկարվել ու ցույց տալ դրանով, թե իբր Վահագն Խաչատուրյանը որքան է կարևորված այստեղ կամ այնտեղ:

Բայց Վահագն Խաչատուրյանի խայտառակվելը Սան Ֆրանցիսկոյում դրանով չի սահմանափակվել. չկարողանալով հանդիպել «Գուգլի» տնօրենի հետ՝ վերջինս դիմել է ընկերությանը՝ խնդրելով, որ իրեն թույլ տան հանդիպել ընկերության՝ Սան Ֆրանցիսկոյում բնակվող շուրջ 30 հայազգի աշխատակիցների հետ: «Գուգլի» գրասենյակից կրկին մերժել են՝ հայտնելով, որ չեն կարող դրա համար տրամադրել արարողակարգերի համար նախատեսված որևէ սենյակ: Արդյունքում՝ Վահագն Խաչատուրյանը ցանկացել է հայազգի աշխատակիցների հետ հանդիպել ընկերության ինչ-որ մի սենյակում: Բայց դա էլ է ձախողվել. Սան Ֆրանցիսկոյում «Գուգլի» շուրջ 3 տասնյակ աշխատակիցների ծանրակշիռ մասը ուղղակի մերժել է հանդիպել, իրենց իսկ բնորոշմամբ, «հող հանձնող» նախագահի հետ: Արդյունքում՝ արհամարհված Վահագն Խաչատուրյանն ու նրա 20 հոգանոց պատվիրակությունը դադարեցրել են նշված ուղղությամբ «բանակցությունները»»,-գրում է աղբյուրը։

Նշենք, որ նախագահի պաշտոնական էջում այս պահին որևէ տեղեկություն այցի կամ դրա ընթացքում հանդիպումների վերաբերյալ չկա։

14:22 Հայաստան
Երբ կարելի է խոսել քաշի մասին. Էթիկետի մասնագետի պարզաբանումը

Էթիկետի և պրոտոկոլի մասնագետ Հասմիկ Խաչատրյանը ներկայացնում է, թե որ շրջապատում կարելի է խոսել քաշի մասին։

«Քաշի մասին մտածելը շատերի համար դարձել է առօրյա մտահոգության հարց, և ծանոթին, մտերիմին, անգամ բարեկամին ասել` «նիհարել/գիրացե՞լ ես, թե՞ ինձ է թվում», կամ ասել` «նիհարել ես, հո բան չի՞ պատահել», կամ «գիրացել ես, գործերդ լավ են երևի», «լցվել ես մի քիչ, ես շատ լավ դիետոլոգ(կամ մարզիչ, սննդաբան) գիտեմ» ու նմանատիպ արտահայտություններ ոչ միայն շատ տգեղ է, այլև` անթույլատրելի։

Դա կարելի է քննարկել միայն շատ մտերիմ մարդկանց հետ, այն էլ, միայն այն դեպքում, եթե մարդն ինքն է խոսում այդ մասին»,-գրում է  նա ինսթագրամի իր էջում։

17:45 Հայաստան
Նազենի Հովհաննիսյան. Սիրտս էնքան նեղ է

Դերասան, հաղորդավարուհի Նազենի Հովհաննիսյանը ֆեյսբուքյան իր էջում հրապարակել է Բագրատ Սրբազանի լուսանկարն ու գրել.

«Տավուշի գյուղերը ՀՀ- ի վերջին պաշտպանական գիծն էին...
Սրբազանը՝ Հայոց Սրբազան հողը պաշտպանելիս(...
Այսօր ուղիղ եթեր չի լինի. հասկանալի պատճառով:
Սիրտս էնքան նեղ է(
Հայաստանի պես կծկվում ենք անվերադարձ(»։

Տեսանյութեր

Մենք կսատարենք վարչապետի այն թեկնածուին, որին կառաջարկի Բագրատ Սրբազանը. Սերժ Սարգսյան
22:01 22/05/2024

Մենք կսատարենք վարչապետի այն թեկնածուին, որին կառաջարկի Բագրատ Սրբազանը. Սերժ Սարգսյան

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}