Կանադայի վարչապետ. Բրիտանիայի համար նախընտրելի է մնալ ԵՄ կազմում

«Մեծ Բրիտանիայի համար նախընտրելի է մնալ Եվրամիության կազմում»,-ինչպես հաղորդում է «Ռիա նովոստի»-ն` հղում անելով «Րոյթերս» լրատվական գործակալությանը` նման հայտարարությամբ հանդես է եկել Կանադայի վարչապետ Ջասթին Թրյուդոն:

«Մեծ Բրիտանիան միշտ էլ ազդեցություն կունենա, ակնհայտ է, որ այն պարզապես ամրապնդվում է ԵՄ անդամակցությամբ»,- հայտարարել է Ջասթին Թրյուդոն:

Կանադայի կառավարության ղեկավարը շեշտել է, որ երկու երկրների միջև առևտրային համաձայնագրի մասին բանակցությունները չեն լինի «պարզ և ավտոմատ»:

Նրա խոսքով՝ ԵՄ-ի հետ նման համաձայնագրի շուրջ բանակցությունները ընդհանուր առմամբ տևել է մոտ 10 տարի, սակայն նույնիսկ այդ դեպքում փաստաթուղթը մինչև հիմա չի ստորագրվել: