Տասնյակ ընտանիքներ արդեն վերադառնում են Մարտակերտ և Մատաղիս. ՉԻ

Քառօրյա պատերազմից հետո ԼՂՀ հրետակոծության արդյունքում վնասներ կրած բնակավայրերը հաղթահարում են տեղի ունեցածը: Այս օրերին ակտիվ շինարարական աշխատանքներ են ընթանում Մարտակերտում, Ներքին Հոռաթաղ գյուղում, Մատաղիսում, Ղարաբաղի մնացած քաղաքներում և գյուղերում, որոնք հրետակոծությունից տուժել էին: Լեռնային Ղարաբաղի կառավարությունից «Չորրորդ իշխանությունը» տեղեկացրել է, որ տասնյակ ընտանիքներ արդեն վերադառնում են Մարտակերտ և Մատաղիս:

Հավելենք նաև, որ առաջնագծում ևս շինարարական աշխատանքներ են ընթանում՝ նոր ճանապարհներ են փորվում, Ջաբրայիլի ուղղությամբ դիրքերն ավելի լայնացվում ու ամրապնդվում են: