Ովքե՞ր են աշխարհի ամենաբարձր վարձատրվող մոդելները
Ամերիկյան «Forbes» ամսագիրը հրապարակել է 2016թ-ի աշխարհի ամենաբարձր վարձատրվող մոդելների ցանկը: Ցանկում հայտնվել են 20 աղջիկներ, որոնք 2015 թվականի հունիսից մինչև 2016թ-ի հունիսը վաստակել են 154 մլն դոլար: Մասնակիցների 30%-ը ԱՄՆ-ից են: Այս տարի Forbes-ի ցանկում հայտնվել են երեք մոդելներ Բրազիլիայից և Մեծ Բրիտանիայից, երկուսն էլ՝ Նիդերլանդներից:
Ըստ Forbes-ի՝ բրազիլացի մոդել Ժիզել Բունդհենը գլխավորում է ամենաբարձր վարձատրվող մոդելների ցանկը: 2015 թ-ի հունիսի 1-ից մինչև 2016 թ-ի հունիսի 6-ը նրա եկամուտը կազմել է 30.5 միլիոն դոլար:
Երկրորդ տեղում է կրկին բրազիլացի մոդել Ադրիանա Լիման, ում տարեկան եկամուտը կազմում է մոտ 10.5 միլիոն դոլար: Լիման «Victoria's Secret»-ի ամենաբարձր վարձատրվող «հրեշտակներից» մեկն է:
Երրորդ հորիզոնականում հայտնվել է ամերիկացի մոդել Կարլի Կլոսը, ում եկամուտը կազմել է 10 մլն դոլար:
Հաջորդ՝ չորրորդ տեղում հայտնվել է մեկ այլ ամերիկացի մոդել, 20-ամյա Քենդալ Ջեները, ում եկամուտը ևս կազմում է 10 մլն դոլար:
Հինգերորդ հորիզոնականում հայտնվել է Ռոզի Հանթինգթոն-Ուայթլը (9 մլն դոլար): Նա Մեծ Բրիտանիայից է:
Վեցերորդ տեղը զբաղեցրել է 21-ամյա Ջիջի Հադիդը, ում եկամուտը նույնպես կազմում է 9 մլն դոլար:
Յոթերորդ հորիզոնականում բրիտանացի 24-ամյա մոդել Կարա Դելևին է: Նրա եկամուտը կազմում է 8,5 մլն դոլար:
Ութերորդ տեղում Քենդիս Սուեյնփոուլն է (7 մլն դոլար):
Իններորդ հորիզոնականում այս անգամ հայտնվել է չինուհի Լիու Վենը 7 մլն դոլար եկամուտով:
Տասնյակը եզրափակում է ավստրալիացի Միրանդա Քերը, որի եկամուտը կազմում է 6 մլն դոլար: