Արդեն չորս տարի այգին երևանցիներին հանձնել չեն կարողանում
Մաշտոցի պողոտան Սարյան փողոցին կապող այգին 2015-ից մինչև այս պահը փակ է երևանցիների համար: Չորս տարի շարունակ այստեղ ինչ-որ աշխատանքներ են իրականացնում: Իսկ այդ ընթացքում անընդհատ վերանորոգման ավարտի ժամկետներ են փոխվում:
Հիմա Գլխավոր պողոտայի այգին փողոցից առանձնացնող թիթեղների վրա աշխատանքների ավարտն ավետող նոր գրություն է հայտնվել: Այս անգամ էլ խոստանում են՝ այգին երևանցիներին կհանձնվի հուլիսի 25-ին:
Հիշեցնենք, դեռ 2015-ի հուլիսին քաղաքապետարանից հայտարարել էին՝ մինչև տարեվերջ այգին վերանորոգված կլինի ու կհանձնվի երևանցիներին:
Ոչ 2015-ին, ոչ 2016-ին, ոչ 2017-ին, ոչ էլ 2018-ի գոնե առաջին կիսամյակում այգին երևանցիներին չհանձնեցին: Իսկ այդ ընթացքում աշխատանքների ավարտի մասին տեղեկացնող մի քանի պաստառներ փոխվեցին, կանաչ ծառեր հատվեցի, այգում փայտե ու ապակե շինություններ հայտնվեցին, ակտիվիստ պայքարողներ եկան ու գնացին:
Այգու բացմանը մոտ հինգ շաբաթ է մնացել, իսկ ներսում ավազի մեծ կույտեր են:
Ի դեպ, նոր ցուցանակից տեղեկանում ենք, որ շինթույլտվությունը տրամադրվել է 2016-ի հուլիսին: Ստացվում է, որ այգին 2015-ին սկսել են քանդել, սարքել ու պետք է աշխատանքներն ավարտին հասցնեին առանց շինթույլտվության:
Կառուցապատողը «Նոր Երևան» սահմանափակ պատասխանատվությամբ ընկերությունն է, իսկ կապալառու կազմակերպությունը՝ «Դակշին» ՍՊԸ-ն:
Հարակից հրապարակումներ`
- Բողոքի ակցիա՝ Գլխավոր պողոտայի այգում
- Գլխավոր պողոտայի այգում ծառ են արմատախիլ անում
- Գլխավոր պողոտայի այգում ծառերը կտրվում են քաղաքապետարանի իմացությամբ
- Գլխավոր պողոտայի այգում կանաչ ծառեր են հատում
- Գլխավոր պողոտայի այգու շինաշխատանքների վերջնաժամկետն ավարտվել է, բայց այգին դեռ քանդում են
- Ավարտին է մոտենում Գլխավոր պողոտայի միջանկյալ հատվածի այգու 1-ին փուլի շինարարությունը
- Գլխավոր պողոտայի բարեկարգվող այգու շինհրապարակն ընդլայնվել է
- Գլխավոր պողոտայի այգին մինչև տարեվերջ պետք է հանձնվի բնակիչներին. քաղաքապետարան (լուսանկարներ)
- Գլխավոր պողոտայի այգում դեռ քանդման աշխատանքներ են իրականացվում (լուսանկարներ)
- Գլխավոր պողոտայի այգու պերճանքն ու թշվառությունը. Հատուկ քաղաքապետարանի համար (լուսանկարներ)
- Գլխավոր պողոտան քաղաքապետարանի և մեր աչքերով (լուսանկարներ)
- Մինչև հոկտեմբեր Գլխավոր պողոտայի շատրվանները կբարեկարգվեն և կտեղադրվեն նստարաններ
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ