Տոնոյան. Բանակցությունները չափից դուրս բարեհաջող էին
«Մեր տեղեկություններով, ինչպես ես նախկինում ասել էի, մեր պատվիրած ռազմամթերքն ու սպառազինությունն արտադրության փուլում են»,-լրագրողներին հայտնեց պաշտպանության նախարար Դավիթ Տոնոյանը՝ արձագանքելով այն լուրերին, որ ռուսական կողմից Հայաստանին սպառազինության մատակարարումը հարցականի տակ է:
100 մլն դոլարի վարկի վերաբերյալ ռուսական կողմը որևէ ճնշում չի գործել, հավատացնում է Տոնոյանը:
«Ես նմա՞ն եմ մարդու, որին կարելի է ճնշել ինչ-որ ձևով: Չկա ճնշում, կա համագործակցային և գործընկերային մթոնոլորտ, որը չի փոխվել ու չի փոխվում տասնյակ տարիներ»,-ասաց նախարարը:
Նրա խոսքով, ռուս փոխնախարարի ու իր հանդիպման ժամանակ ՀԱՊԿ գլխավոր քարտուղարի նկատմամբ մեղադրանքի առաջադրման ու դրա վերաբերյալ այլ հարցեր չեն քննարկվել:
Հայաստանն ո՞ւնի Խաչատուրովին փոխարինելու թեկնածու: Հարցին ի պատասխան Տոնոյանն ասաց, որ այն դեռ իր հետ չի քննարկվել, բայց կարծում է, որ Հայաստանը պետք է պաշտոնավարի ՀԱՊԿ գլխավոր քարտուղարի պաշտոնում մինչև ժամկետի ավարտը:
«Դա կլինի կոլեգիալ որոշում: Հարցին դեռ չենք անդրադարձել»,-ասաց նա:
Նախարարը չբացառեց, որ Հայաստանը կարող է նոր ռազմական վարկի տրամադրման համար դիմել Ռուսաստանին, չափը չնշեց, ասաց՝ բանակցություններ էլ չկան:
«Վարկից բացի Հայաստանը զենքի այլ գնումներ է իրականացնում, աշխարհի բոլոր ծայրամասերից»,-ասաց Տոնոյանը:
Նրա խոսքով, ՌԴ պաշտպանության նախարարի հետ բանակցությունները «չափից դուրս բարեհաջող էին, ակնկալիքներից ավելին»:
Հարակից հրապարակումներ`
- ՌԴ պաշտպանության փոխնախարարը հերքել է Հայաստանին զենքի մատակարարումը դադարեցնելու լուրերը
- «Կոմերսանտ». Հարցականի տակ է Հայաստան զենքի մատկարարման վերաբերյալ համաձայնությունը
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը