Հայ-թուրքական սահմանը հատելիս ձերբակալվել է Բանգլադեշի քաղաքացի

Հայաստանում ՌԴ ԱԴԾ Սահմանապահ վարչության Արտաշատի սահմանապահ ուժերը ձերբակալել են հայ-թուրքական սահմանն անօրինական հատած տղամարդու:

ՌԴ ԱԴԾ Սահմանապահ վարչության լրատվական ծառայության փոխանցմամբ, նախնական ստուգման արդյունքով պարզվել է, որ սահմանախախտը Բանգլադեշի Ազգային Հանրապետության քաղաքացի է:

Նա սահմանված կարգով փոխանցվել է ՀՀ իրավապահ ուժերին: Ներկայումս իրականացվում են անհրաժեշտ միջոցառումները՝ դեպքի բոլոր մանրամասները պարզելու համար: 

Հիշեցնենք, որ վերջին երկու շաբաթվա ընթացքում սա հայ-թուրքական սահմանն ապօրինի հատելու երրորդ դեպքն է: Առաջին անգամ Աֆղանստանի քաղաքացիներ էին, երկրորդ անգամ՝ Թուրքիայի: