Ուկրաինական հայտնի երգը գլխավորել է ռուսական հիթ-շքերթը
Ուկրաինական KAZKA խումբը «Муз-ТВ» հեռուստաալիքի հիթ-շքերում զբաղեցրել է առաջին հորիզոնականը։ «Արտասվել է» երգը ուկրաինական լեզվով է։
news.ru-ի հաղորդմամբ, այն գրեթե մեկ շաբաթ հիթ-շքերթում առաջինն է եղել՝ անցնելով ռուս հայտնի կատարողների հիթերից։
Ուկրաինական հրատարակչություններից մեկը սրա հետ կապված հոդված է հրապարակել «Իմացիր մերոնց. ուկրաիներեն հիթը գլխավորում է ռուսական հիթ-շքերթը» վերնագրով։ Այն գրել է ռուս ունկնդիրների վրդովմունքի մասին, «թե ինչպես է KAZKA-ն հայտնվել ռուսական հիթ-շքերթում, եթե ռուսերեն չի երգում»։
Իրականում, ստեղծագործության հաղթանակն ապահովել են Ռուսաստանի տարածքում ապրող հարյուր հազարով ուկրաինացիների ձայները։