Երբ խոսքը հայտնի քաղաքական, հասարակական գործիչների մասին է, պատկան մարմինները պետք է լինեն կոռեկտ. Ալավերդյան
«Հայաստանում մարդու իրավունքների ոտնահարումների դաշտում կան չլուծված այնպիսի հարցեր, որոնք 30-25 տարի է մեր ուշադրության ներքո են»,- «Մարդու իրավունքները 2018-ին. տարվա ամփոփում» թեմայով ասուլիսում ասաց «Ընդդեմ իրավական կամայականության» ՀԿ-ի տնօրեն, ՀՀ առաջին օմբուդսմեն Լարիսա Ալավերդյանը։
Նրա խոսքով, այսօր ունեն այն, ինչ ունեն՝ դաժան վերաբերմունք, ուժային կառույցների կողմից ավելի քան դատապարտելի վերաբերմունք։
«Ընդդեմ իրավական կամայականության» ՀԿ-ի փաստաբան Արա Ղարագյոզյանը խոսեց հավաքների ազատության ժամանակ բռնության դեպքերի մասին։ Նրա խոսքով, այդ դեպքերով հատուկ քննչական ծառայությունում հարուցված են քրեական գործեր, սակայն որևէ ընթացք, որևէ անձ քրեական պատասխանատվության չի ենթարկվել։
«Ընդդեմ իրավական կամայականության» ՀԿ-ի Երևանյան գրասենյակի տնօրեն Շողինե Սողոմոնյանն ասաց, որ ընտրական պրոցեսի դիտարկում են իրականացնել՝ շրջիկ դիտորդների և տեղամասերում տեղադրված տեսախցիկների միջոցով։ Նրա խոսքով, նախորդ տարիների ընտրությունների և այս տարվա ընտրությունների միջև տարբերություն ակնհայտ էր. այս անգամ բացակայում էր մասսայական ուղղորդումը, տաքսիներով մարդկանց չէին տանում, բերում։ Շ. Սողոմոնյանն ասաց, որ այս ընտրություններին նկատել են ընտրատեղամասերում կուտակումները, հիմնական խնդիրը հանձնաժողովի անդամների երևի ոչ լավ պատրաստվածությանն էր, լավ չէին տիրապետում, չին կարողանում հասկանալ՝ ինչ անել, երբ քաղաքացիների հոսքը շատանում էր։
Հարցին՝ մտավախություններ կան, որ դատարաններն արդար չեն, մարդու իրավունքները խախտվում եմ, ի՞նչ եք արձանագրել, Լ. Ալավերդյանն ասաց. «Ավելի քան անհանգստանցնող հանգամանք է դատական համակարգի ոչ միայն դրական միտում չունենալը, այլ այնպիսի երևույթները, որոնք մեզ թվում են առնվազն ակնհայտորեն կամ բոլորիս համար եթե չբացահայտված, ապա կասկածելի պարագաներում այն, ինչ որ տեղի է ունենում։
Ունենք աղմկահարույց մի քանի գործեր՝ Մայրապետյանի, Քոչարյանի, Մանվել Գրիգորյանի։ Այն ժամանակացույցը կամ հերթականությունը, որով տեղի են ունեցել այդ իրավական ճշգրիտ քայլեր պահանջող գործողությունները, դրանք մեծ կասկած են առաջացնում այն առումով, որ արդյոք դրանք զուտ իրավական են, թե քաղաքականացված են։ Մասնավորապես, պետք է հստակեցնենք, որ սկզբից տարածվում է ոչ իրավական բանաձևերով, բարձրաստիճան պաշտոնյաների կողմից այնպիսի բառապաշարով, որն ավելի պետք է հարիր լինի լրագրողներին։ Այն, ինչ որ տեղի է ունենում պատկան մարմինների բարձրաստիճան պաշտոնյաների կողմից, ես համարում եմ կոշտ, կոպիտ ուղղորդում ոչ միայն դատարանների, այլ նաև դատախազության և նախաքննական մարմինների։
Անկախ անձի որակից, նրա մասին կարծիքից, ժողովրդի ակտիվ մասի արտահայտվող, արժանապատվությունը նսեմացնող արտահայտությունները բոլորը պետք է կանխվեին իշխանությունների կողմից, պետք է ստանային համապատասխան գնահատական։ Եթե անդրադառնանք հետևանքներին, համոզված եմ՝ սոցիալական ցանցերեն են։ Ոչ թե սոցիալական ցանցերն են ազդել իշխանությունների վրա, այլ հակառակը, իշխանությունների այդ հռետորաբանությունն ամբողջովին կարելի է համարել ոչ միայն խորշելի, այլ նաև դատապարտելի»։
Նա նշեց, որ երբ խոսքը գնում է հայտնի քաղաքական, հասարակական, պետական գործիչների մասին, պատկան մարմինները պետք է լինեն վերին աստիճանի կոռեկտ, ճշգրիտ, օրենքի տառից պետք է չհեռանան, կատերեն ոսկերչական աշխատանքը։
Խոսելով հեռախոսազրույցների գաղտնալսման մասին, Լ.Ալավերդյանն ասաց. «Հեռախոսազրույցների արդյունքները ինձ համար զարմանալի է, չէ որ խոսքը գնում է իրոք գործադիր իշխանության մարմինները գլխավորող ներկայացուցիչների մասին՝ պայմանավորվածություններ, ուղղորդում դատավորներին։ Եթե մնա առանց պատշաճ գնահատականի, մեծ ահազանգ է, մեզ խոստանում է բավականին վատ իրավիճակ իրավապաշտպան, իրավապահ մարմինների և հասարակության հարաբերությունների միջև»,- ասաց Լարիսա Ալավերդյանը։
Հարակից հրապարակումներ`
- Մանվել Գրիգորյանը դատական նիստի ընթացքում վատացել է
- Ռոբերտ Քոչարյանի խափանման միջոցի վերաբերյալ Վերաքննիչ դատարանի որոշումը դեռևս չի տրամադրվել պաշտպանական թիմին
- Ռոբերտ Քոչարյան. Վերաքննիչ դատարանի որոշումը կայացվել է իշխանությունների բիրտ ճնշումների պայմաններում
- Գաղտնալսումը մոնտաժված է, կան դրվագներ, որոնք կտրատված ու հանված են. Փաշինյան
- Մանվել Գրիգորյանի փաստաբան. Բժիշկները հայտարարում են, որ վերջույթները հեռացնելու վտանգ կա
- Մայրապետյանի փաստաբան. Դատարանի որոշումը բողոքարկելու ենք
- Դատարանը քննում է Մայրապետյանի կալանքը երկարաձգելու վերաբերյալ միջնորդությունը
- Գլխավոր դատախազ. Այս փուլում անհրաժեշտ է, որ Ռոբերտ Քոչարյանը կալանքի տակ գտնվի
- Սամվել Մայրապետյանը ձերբակալվել է
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին