Ամենից շատ կարդացված նյութեր
.jpg "Մոնիտորինգի դադարեցման պայմաններում ԵԱՀԿ Մինսկի խմբի համանախագահները կողմերին կոչ են անում առավելագույն զսպվածության")
Մոնիտորինգի դադարեցման պայմաններում ԵԱՀԿ Մինսկի խմբի համանախագահները կողմերին կոչ են անում առավելագույն զսպվածության
Հաշվի առնելով ԵԱՀԿ գործող նախագահի անձնական ներկայացուցչի կողմից մոնիտորինգային առաքելության կասեցումը COVID-19- ի տարածման արդյունքում ստեղծված բացառիկ իրավիճակի պատճառով՝ ԵԱՀԿ Մինսկի խմբի համանախագահները (Ռուսաստանի Դաշնություն՝ Իգոր Պոպով, Ստեֆան Վիսկոնտի՝ Ֆրանսիա և Ամերիկայի Միացյալ Նահանգներ՝ Էնդրյու Շոֆեր) կոչ են անում կողմերին վերահաստատել հրադադարը խստորեն պահպանելու իրենց հանձնառությունը և զերծ մնալ ցանկացած սադրիչ գործողությունից, որը կարող է ավելի մեծացնել լարվածությունն այս ժամանակահատվածում: Այս մասին ասվում է ԵԱՀԿ կայքում։
Հաշվի առնելով, որ տարածաշրջանի բժշկական ռեսուրսները պետք է նվիրված լինեն բացառապես վիրուսի տարածման դեմ պայքարին և տուժածներին բուժելուն, համանախագահները կողմերին կոչ են անում դրսևորել առավելագույն զսպվածություն՝ էսկալացիայի ռիսկը նվազեցնելու համար, ներառյալ` օգտագործելով առկա ուղիղ կապի միջոցները:
Չնայած միջազգային ճանապարհորդության խիստ սահմանափակումներին՝ համանախագահները կշարունակեն իրենց միջնորդական ջանքերն առանց ընդհատումների ՝ մնալով սերտ շփումների մեջ։
Studio One