Հունաստանի արտգործնախարարը կայցելի Թուրքիա

Թուրքիայի արտգործնախարար Մևլութ Չավուշօղլուն հայտնել է, որ ապրիլի 14-ին սպասվում է Հունաստանի արտգործնախարար Նիկոս Դենդիասի այցը Թուրքիա: Այս մասին Չավուշօղլուն ասել է Ղազախստանի փոխվարչապետի և արտգործնախարարի հետ Թուրքիայի նախագահականում կազմակերպված համատեղ մամուլի ասուլիսին, փոխանցում է ermenihaber-ը։

Չավուշօղլուն անդրադառնալով Արևելյան Միջրեկրականի հարցի վերաբերյալ թուրք-հունական հարաբերություններում առկա լարվածության թեմային, նշել է, որ նախօրեին Աթենքում խորհրդատվական բանակցությունները կայացել են դրական մթնոլորտում:

«Շարունակելու ենք Հունաստանի հետ մեր երկկողմ բանակցությունները: Իմ հույն գործընկեր Դենդիասն ապրիլի 14-ին այցելելու է Թուրքիա: Հանդիպելու ենք Անկարայում»,-ասել է նա: