Ամենից շատ կարդացված նյութեր
.jpg "Քաղաքական հսկողության տակ գտնվող գործերով ուղղորդումներն իշխանությանը պետք են իրենց իշխանությունը երկարաձգելու համար. Փաստաբան")
Քաղաքական հսկողության տակ գտնվող գործերով ուղղորդումներն իշխանությանը պետք են իրենց իշխանությունը երկարաձգելու համար. Փաստաբան
«2018 թվականի իշխանափոխությունից հետո մարդիկ իշխանությունը զավթեցին և առաջին հերթին այդ իշխանությունը պահելու խնդիր էր դրված»,- ասուլիսում ասաց փաստաբան Միհրան Պողոսյանը:
Նա նշեց, որ ցանկացած իշխանություն, որը ուզուրպացնում է իշխանությունը, հնարավորություն չունի այդ իշխանության երկարատևությունն ապահովել առանց դատաիրավական համակարգի ուզուրպացման, այսինքն նման իշխանությունների համար գերնպատակ պետք է լինի ուժային կառույցների հնազանդեցումն իրենց, այնուհետև դատական համակարգի:
«Հակառակ պարագայում մենք ունենում ենք այն իրավիճակը, ինչը մասամբ տեղի է ունենում Հայաստանում, երբ որ դատարանները հրաժարվում են քաղաքական պատվերի շրջանակներում իշխանության ցանկալի դատական ակտեր կայացնել»,- ասաց փաստաբանը:
Նրա խոսքով, իշխանությունն ուզուրպացիայի ընթացքում չի կարող հույսը դնել անհատապես գործող ինչ-որ մի քննիչի որոշումների վրա, այդ ամեն ինչը պետք է համակարգված ու կենտրոնացված լինի:
«Այս պարագայում Փաշինյանի օգնական Աննա Վարդապետյանը որպես վստահելի անձ է ընտրվել:
Աննա Վարդապետյանը չլիներ, այլ անձ պետք է գտնեին, քանի որ քաղաքական հսկողության տակ գտնվող գործերով տոտալ վերահսկողությունն ու ուղղորդումներն իշխանությանը պետք են իրենց իշխանությունը երկարաձգելու համար»,- ասաց Մ. Պողոսյանը:
Նա հիշեցրեց այդ անձանց՝ խմբի կազմում գործող հանցագործություն կատարող անձանց համակցություն է, որոնք իրենց պատասխանատվությունը կրելու են այս ամեն ինչի համար:
«Հայաստանում վերջին 3.5 տարվա ընթացքում ավելի բռնաբարված բան չկա, քան օրենքներն ու օրինականությունը»,- ընդգծեց փաստաբանը:
Մ. Պողոսյանը առանձնացրեց հայտնի ֆեյքով գործերը, նշեց, որ դատավորների կողմից հրահանգավորված որոշումներ կայացնելու հրաման կար:
«Անձ կար, որը հայտարարում էր՝ տեսել է Երևան քաղաքի դատարանի նախագահին հեռախոսով այլ անձին հրահանգ տալուց, կոնկրետ արտահայտություններ անելուց, որ պետք է տվյալ անձը կալանավորվի:
Փաստերը ցցուն են, այսինքն նորմալ իրավակարգի պարագայում այս մարդիկ պետք է արդեն քրեական հետապնդման տակ լինեին»,- նշեց նա՝ ավելացնելով, որ Փաշինյանի ապավեն հանդիսացող ՀՔԾ մերժում է այդ դեպքով քրեական գործ հարուցել, քանի որ եթե մի դեպքով հարուցեն, մյուս անգամ դատավորները հրահանգ ստանալուց կհիշեցնի այդ դեպքը:
«Ցանկացած մարդ, ով կհայտնվի իշխանության, հրահանգներ տալու ցանկություն ունենալու է: Խնդիրը ստրուկի տրամաբանությամբ ապրող հրահանգ կատարողներն են: Երբ որ չլինեն հրահանգ կատարող կաստան, իսկ նրանք չեն լինելու քրեական հետապնդման դեպքում, որևէ մեկի մտքով հետայսու չի անցնի հրահանգ տալ, կատարողը չի լինի»,- ասաց Միհրան Պողոսյանը:
Studio One