Նորիկյան. ԲԱՑԱՌՈՒՄ ԵՄ, որ ընտրվելու դեպքում «Արդար Հայաստան» կուսակցությունը կոալիցիա կազմի ՔՊ-ի հետ
Իրավապաշտան, Արցախի նախկին ՄԻՊ Ռուբեն Մելիքյանը ֆեյսբուքյան գրառման միջոցով հրապարակային հարց է ուղղել փաստաբան Նորայր Նորիկյանին, որն իր հիմնադրած «Արդար Հայաստան» կուսակցության միջոցով արտահերթ ընտրություններին մասնակցելու մտադրություն է հայտնել։
«Հարգելի՛ պարոն Նորիկյան, օրական մի քանի անգամ առիթ եմ ունենում ողջունել Ձեզ Երևանի տարբեր փողոցներում, և ամեն անգամ մեն-մի հարց է ինձ մոտ առաջանում։ Հաշվի առնելով մեր գործընկերային հարաբերությունները և տարբեր առիթներով համագործակցության փորձը՝ ինձ իրավունք վերապահեմ հարցս հնչեցնել հրապարակավ ու ակնկալել նույնքան հրապարակային ու հստակ պատասխան.
Ընտրվելու դեպքում Ձեր գլխավորած քաղաքական ուժը հնարավոր համարու՞մ է «Քաղաքացիական պայմանագրի» հետ կոալիցիան, թե՞ բացառում է այդ հնարավորությունը։ Շնորհակալություն»,-հարցրել է Ռուբեն Մելիքյանը։
Հարցին հրապարակային պատասխանել է Նորայր Նորիկյանը՝ մասնավորապես նշելով.
«Դատելով գրառմանը հավանող անձանց շրջանակից, համոզվեցի, որ հետաքրքրություն կա մեր վարքագծի և առաջիկա անելիքների վերաբերյալ:
Ցավոք սրտի, վերջին տարիների քաղաքական բանավեճի մակարդակն այն աստիճան իջեցվեց, որ եթե քո հրապարակային խոսքում բացակայում է հայհոյանքը, վիրավորանքն ու ոչ ֆորմալ այլ բառերը, ուրեմն ինչ-որ բան այն չէ:
Ես համարում եմ, որ քաղաքականության մեջ էլ բարոյականություն ու ազնվություն կա:
Վերջին ժամանակահատվածում մեր անունը շահարկվում է տարբեր ձևաչափերում: Ինձ համար հասկանալի է շահարկման ենթատեքստը, բայց վստահեցնում եմ, որ դրանք ստահոդ տեղեկություններ են:
Ու քանի որ Ձեր կողմից հարցն ուղիղ է տրվել, պատասխանեմ ուղիղ. ԲԱՑԱՌՈՒՄ ԵՄ, որ ընտրվելու դեպքում «Արդար Հայաստան» կուսակցությունը կոալիցիա կազմի «Քաղաքացիական պայմանագիր» կուսակցության հետ:
Հուսով եմ, որ այս գրառումները հնարավորություն կունենանք ընթերցել հունիսի 21-ից հետո:
Օգտվելով պատեհ առիթից՝ հարկ եմ համարում ընդգծել, որ որևէ մեկի կողմից դեմ ենք որևէ ստվերային խաղերի:
Մենք իսկապես ցանկանում ենք ստեղծել որակապես նոր քաղաքական միջավայր ու մեր նպաստը բերելու ենք այդ միջավայրի ստեղծմանը»։
Լրահոս
Տեսանյութեր
Եթե Տավուշի գյուղերի հանձնման պրոցեսը տեղի ունենա, այդտեղից կսկսվի պետականության վերջնական ավարտը