Ձեր վստահելի աղբյուրը

ԱԺ-ում Նիկոլ Փաշինյանի ելույթից հետո բազմաթիվ փորձագետներ, նախկին պաշտոնյաներ, քաղաքագետներ  արձագանքել են ֆեյսբուքյան իրենց էջերում՝ ընդգծելով Փաշինյանի ուղերձները։

Քաղաքական վերլուծաբան Վարդան Բալյանը գրում է. 

«Ողբում եմ քեզ, հայոց աշխարհ, ողբում եմ քեզ, բոլոր հյուսիսային ազգերի մեջ վեհագույնդ, որ սրանք են տերերդ։ Ու դեռ էլի պետք է ողբանք, քանի դեռ այսպիսին են տերերդ։ Ախր սրանցից ի՞նչ տեր, մեկը լինի դրանց տերություն անի։ Ռադ անել է պետք բոլորին անխտիր»։

Ռազմական փորձագետ Կարեն Վրթանեսյանը գրում է. 

«Գրառումներս կարդացողների մեջ դեռ մնացե՞լ են մարդիկ, որոնք չեն գիտակցում, որ նիկոլական խմբակը Բաքվից, Անկարայից ու է՛լ չգիտեմ թե որ ջահանդամից կառավարվող օկուպացիոն վարչակարգ է։
Որ կապիկություններ անելով, ապուշ ձևանալով ու պարբերաբար փողոցային լաչառությունը կապելով բացեիբաց թշնամու գործն են առաջ տանում»։

Իրավաբան Ռոբերտ Հայրապետյանը գրում է.

«Նիկոլը 40 րոպե բառաչեց:
Ասածի մեխը էն էր, որ 2-րդ կապիտուլացիայիա գնում:
Նախ ասեց, որ Արցախի կարգավիճակը մեզ համար էլ առաջնային չի, ինչն ըստ տրամաբանության, նշանակումա, որ դեմ չեն Ադրբեջանի կազմում լինելուն, հետո ասեց, որ միջազգային հանրությունը մեզ ասելա Արցախի հարցում պլանկան իջացրեք, այսինքն՝ նոր զիջումներ:
Ու ես բովանդակությամբ ելույթին կայքերը վերնագիր են դրել՝ ուշադիր՝ «Մեղավոր եմ Աստծո առաջ»:

«Հայաստան» համահայկական հիմնադրամի նախկին նախագահ, «Հայաստան» դաշինքի անդամ Արա Վարդանյանը գրում է.

«Ահա թե ինչ ես հասկացա ՀՀ վարչապետի պաշտոնը զբաղեցնողի ելույթից.

1. Արցախը երբեք անկախ չի լինելու։ Այս պահին քննարկվում է ադրբեջանի կազմում ավտոնոմիայի հարցը,
2. ՀԱՊԿ-ից բողոքում է պաշտոնյա, ով հենց այս պահին ղեկավարում է այդ կազմակերպությունը,
3. Մենք անելու ենք ամեն ինչ որպեսզի ռուս խաղաղապահները դուրս գան այս տարածաշրջանից,
4. Մենք համաձայնվելու ենք ամեն ինչին, բոլոր նվաստացումներին` հանուն թուրքերի և ադրբեջանցիների հետ եղբայրության,
5. Մենք կանենք ամեն հնարավորը Հայաստանը ամբողջությամբ քանդելու համար։
Այ սա է այն ինչը մեզ ստիպում են ընդունել։
Ես սրան դեմ եմ և սպասում եմ փողոցային պայքարի շարունակմանը...»։

ՀՀԿ փոխնախագահ Արմեն Աշոտյանը գրում է.

«Հիմա գոնե հասկանու՞մ եք, որ մեր այսօրվա աղետի հիմնական պատճառը 2018-ն էր։
Հիմա գոնե հասկանու՞մ եք, որ մեր այսօրվա ճգնաժամի հիմնական պատճառը 2021թ հունիսի 20-նն էր։
Հիմա գոնե հասկանու՞մ եք, որ մեր վաղվա օրվա միակ շանսը Նիկոլի քաղաքական չգոյությունն է»։

ԱԺ «Հայաստան» խմբակցության պատգամավոր Էլինար Վարդանյանը գրում է.

«ԱԺ այսօրվա հանգավորված, պոետիկ երանգով «հանձնելով գուցե կփրկեի հազարավոր կյանքեր, իսկ չհանձնելով, փաստորեն, հազարավոր զոհերի հանգեցրած որոշումների հեղինակ դարձա» ինքնախոստովանությունից հետո, երկրի ցանկացած բանական ղեկավար կասեր` կներեք, ես հեռանում եմ: Բայց Նիկոլը դա չարեց:

Դա նրան կպարտադրեր ցանկացած բանական թիմ, բայց իր թիմը դա չի անի։
Այս փաստի համար նրանից պետք է պատասխան պահանջեն հազարավոր զոհերի ծնողները, հանրությունը, մենք:
Կամ մենք սա կգիտակցենք, կամ նրա հետ միասին կկիսենք մեղավորությունը. և դա ազնիվ կլինի»։

Panorama.am-ի գլխավոր խմբագիր Անահիտ Ոսկանյանը գրում է.

«ԹՈՒՐՔ ՆԻԿՈԼ

թրքի ստրուկ, ծախու անհայրենիք
միայն մի ձև կա Արցախի Հանրապետության կարգավիճակի «իջեցման»՝ Արցախի Հանրապետությունը միանա Հայաստանի Հանրապետությանը. Արցախի և Հայաստանի Հանրապետություններ»։