Ձեր վստահելի աղբյուրը

Ահաբեկչական կազմակերպությունների կողմնակիցներն Իրանում անկարգություններ են հրահրում: ՏԱՍՍ-ի փոխանցմամբ՝ այդ մասին չորեքշաբթի հայտնել է Tasnim գործակալությունը։

Լուրում ասվում է, որ «արտասահմանյան լրատվամիջոցների դրդմամբ և ցուցարարների շարքեր ներթափանցած կազմակերպված տարրերի գործունեության արդյունքում», 22-ամյա Մահսա Ամինիի մահվան հետ կապված բողոքի ակցիաները ստացել են արմատական բնույթ։

Լրատվական գործակալության տվյալներով՝ կասկածելի անձինք Մաշհադում այրել են ոստիկանին, իսկ մյուսներն անմիջապես օգնել են նրան հանգցնել այրվող հագուստը։ Ոստիկանը լուրջ այրվածքներ է ստացել: Ռեշտում տարածվել են հրկիզված մզկիթի լուսանկարները, իսկ Համադանում կրակել են իմամի վրա: Մի քանի այլ քաղաքներում դաժան ծեծի են ենթարկվել ոստիկաններ, հիջաբով կանայք հարձակվել են շտապօգնության մեքենաների վրա։ Քուրդիստանի նահանգի նահանգապետը երեկ երեկոյան հայտարարել է երեք մարդու մահվան մասին, որոնք սպանվել են Իրանի անվտանգության ուժերի կողմից չօգտագործված զենքի կրակոցներից։

Ինչպես նշում է Tasnim-ը, Թեհրանի տարբեր շրջաններում անցած գիշեր տեղի ունեցած իրադարձությունների ականատեսները վկայում են, որ փողոցներում հավաքված մարդկանց որոշ խմբեր գործել են կազմակերպված և համակարգված՝ ձգտելով իրականացնել լայնածավալ ավերման գործողություններ։ Գործակալության տվյալներով՝ պարսկերեն BBC-ի ծառայությունը զբաղվում է անկարգությունների լուսաբանմամբ, դրանք հրահրելով ու քաոս ստեղծելով։

Թեհրանի նահանգի նահանգապետ Մոհսենա Մանսուրին նախօրեին հայտարարել է մայրաքաղաքում անկարգությունները հանդարտեցնելու միջոցառումների ժամանակ ոստիկանության կողմից երեք օտարերկրացիների ձերբակալության մասին։ Իրավապահ մարմինների տվյալներով՝ Թեհրանի իրադարձությունները ցույց են տալիս որոշ օտարերկրյա դեսպանատների միջամտության հետքեր։

Սեպտեմբերի 17-ին իրանական սոցցանցերում տեղեկություն էր տարածվել, որ ոստիկանությունը բերման է ենթարկել Մահսա Ամինին ու տարել ոստիկանական բաժանմունք՝ բացատրելու գլխաշոր կրելու կանոնները։ Ենթադրվում էր, որ նա խոշտանգումների է ենթարկվել բարքերի ոստիկանության կողմից, ընկել կոմայի մեջ և մահացել հիվանդանոցում։ Իրանի ոստիկանությունը տեսանյութ է հրապարակել, որում Ամինին հերքել է իրեն ծեծի ենթարկելու մեղադրանքները և ասել, որ ոստիկանությունն իրեն ձեռք չի տվել։ Տեսանյութում երևում է, որ Ամինին սրտի կաթված է ստացել և անմիջապես տեղափոխվել հիվանդանոց, որտեղ նա մահացել է ուրբաթ օրը: Իրանի արտաքին գործերի նախարար Հոսեյն Ամիր Աբդոլլահիանը երեքշաբթի ասել է, որ «հետաքննություն է սկսվել Մահսա Ամինիի ողբերգական մահվան կապակցությամբ»։