Զելենսկին Սոֆիայում դեսպան է նշանակել դիվանագիտական փորձ չունեցող սեքսոպաթոլոգին

Վլադիմիր Զելենսկին Բուլղարիայում Ուկրաինայի դեսպան է նշանակել դիվանագիտական փորձ չունեցող սեքսապաթոլոգի: «Ուկրաինսկա պրավդան» պարբերականի տարածած լուրին անդրադարձել է «ՌԱԻ նովոստի»-ն:

«Բուլղարիայում Ուկրաինայի դեսպան է նշանակվել դիվանագիտական փորձ չունեցող սեքսապաթոլոգը»,-ասվում է պարբերականի կայքում։

Զելենսկու կայքում Օլեսյա Իլաշչուկին Բուլղարիայում արտակարգ և լիազոր դեսպան նշանակելու մասին հրամանագիր է հրապարակվել, մինչդեռ հրամանագրի տեքստում մասնագետի նախկին աշխատանքի վայրը նշված չէ։

Ըստ մի շարք ուկրաինական լրատվամիջոցների՝ Իլաշչուկն ավարտել է Չեռնովցիի համալսարանը և Ուկրաինայի Գեշտալտ ինստիտուտը և սոցիալական ցանցերում նշել, որ կլինիկական հոգեբան է, գեշտալտ թերապևտ և սեքսապաթոլոգ-խորհրդատու։ Իլաշչուկի էջը ակտիվ չէ։