Ավելի քան 150 շենք է ավերվել Սիրիայի տուժած նահանգներում

Երկրաշարժն Սիրիայի տարբեր նահանգներում ամբողջությամբ ավերել է մոտ 150 շենք, հարյուրավոր տներ են վնասվել: «ՌԻԱ նովոստի»-ին հայտնել է ՍԱՀ-ի քաղաքացիական պաշտպանության ղեկավար Սաիդ Ավադը։

«Լաթաքիայում ամբողջությամբ ավերվել է 65 շինություն, Հալեպում՝ մոտ 75, որոնցից շատերը հինգ հարկանի են։ Համայում մոտ 10 շենք ամբողջությամբ ավերվել է։ Բացի այդ, հարյուրավոր շենքեր անմխիթար վիճակում են և կարող են փլուզվել ցանկացած պահի»,-ասել է Ավադը։

Լրատվական գործակալության զրուցակցի խոսքով՝ որոնողափրկարարական աշխատանքները շարունակվում են։ Փրկարարների աշխատանքի համար հատուկ տեխնիկայի սուր պակաս կա.

Երկուշաբթի առավոտյան 7,7 մագնիտուդ ուժգնությամբ երկրաշարժ է տեղի ունեցել Թուրքիայի հարավ-արևելքում՝ դառնալով այն ամենաուժեղը 1939 թվականից ի վեր, ասել է նախագահ Ռեջեփ Թայիփ Էրդողանը: Վերջին տվյալներով՝ Թուրքիայում մահացել է 3549 մարդ, ավելի քան 20000-ը՝ վիրավորվել։ Ավերածություններ են գրանցվել նաև Սիրիայի մի քանի շրջաններում, ցնցումներ են զգացվել նաև Լիբանանի մայրաքաղաք Բեյրութում։ Սիրիայում այս պահին զոհերի թիվը կազմում է ավելի քան 800 մարդ, ավելի քան 1440-ը՝ վիրավորվել։