Արցախում միրգ-բանջարեղենի գնման համար բաժանված կտրոնների վերջնաժամկետը երկարաձգվել է

Արցախ տեղեկատվական շտաբը, հղում անելով ԱՀ բնակարանային հարցերի կոմիտեին, հայտնում է․

«Տեղեկացնում ենք, որ ԱՀ պետական նախարարի հանձնարարությամբ՝ պատրաստվել և շրջանառվել է Կառավարության համապատասխան որոշման նախագիծ, ըստ որի՝ որոշակի փոփոխություններ ու լրացումներ կկատարվեն Հանրապետությունում սննդամթերքի վաճառքի կտրոնային համակարգում:

Շրջափակման պայմաններում հատկապես միրգ-բանջարեղենի մատակարարումների խնդիրներով պայմանավորված՝ նախագծով նախատեսվում է երկարաձգել միրգ-բանջարեղենի գնման համար բաժանված կտրոնների վերջնաժամկետը մինչև ապրիլի 10-ը»: