Հիմա այդ ընկերության համար մեր տարածքը պահեստ չի կարող լինել.Հրաչյա Սարգսյան

«Երևան տրանսում գովազգային վահանակներ ունեինք, այնտեղ դատական գործ կար, ասել էին, կգան կտանեն դրանք, այդ մասով ինչ-որ բան կա՞»,-Երևանի քաղաքապետարանի Արտաքին ձևավորման և գովազդի վարչության պետ Արմեն Առաքելյանին դիմեց քաղաքապետ Հրաչյա Սարգսյանը:

Վարչության պետը հայտնեց, որ գրության են գրել է «Էլիա» ՍՊԸ-ին, որի վահանակների մասին է խոսքը:

«Փաստաթուղթ էինք ուզել, որ այդ գովազդային վահանակներն իրենցն  է: Իրենք իրենց հիմնավոր փաստաթղթերը կներկայացնեն և իրենց վահանակները կտանք իրենց»,-պատասխանեց Արմեն Առաքելյանը:

Հրաչյա Սարգսյանը հայնեց, որ այդ  խոսակցությունը  մեկ ամիս առաջ է տեղի ունեցել և ոչ մի բան տեղից առաջ չի շարժվել:

«Իրավաբանական վարչությո՛ւն, այսքան չենք կարող սպասել, դիտարկե՛ք հարցը, եթե անհրաժեշտ է դատարանով գովազադային վահանակները տիրազուրկ ճանաչենք:

Չենք կարող սպասել, թե երբ են փաստաթղթերը բերում, չենք կարող սպասել, թե երբ են բերում, եթե իրենցն է կարող են շատ արագ բերել: Հիմա իրենց համար մեր տարածքը պահեստ չի կարող լինի: Եթե իրենց ապարնքն է թող տանեն, եթե ոչ՝ տիրազուրկ ճանաչենք համապատասխան գործողութուններ անենք»,-հանձնարարեց քաղաքապետը: