Ձեր վստահելի աղբյուրը

«Ուղղակի ժողովրդավարություն» ՀԿ նախագահ Գևորգ Քոթանջյանը, անդրադառնալով 2023թ․ հունիսի 1-ին Վանաձորում տեղի ունեցած դեպքին, գրել է․

«Անկեղծ, չեմ համարում ճիշտ երեխաներին վերաբերող հարցերով պայմանավորվված պատկան մարմիններին բան հասկացնելը կամ բարոյականության խրատ տալը, բայց էս դեպքը յուրօրինակ է։

Հունիսի 1-ին Վանաձորի համայնքապետարանի կողմից պատրաստված միջոցառման ժամանակ, անվտանգության կանոները չպահպանելու և անփութության պատճառով  պարային համարի մասնակիցներից 1 երեխա ոտնաթաթի 3 կոտրվածք է ստացել։Երջանիկ պատահականությամբ, պարային համարը բավականին շարժային էր և այս դեպքում հաջողվեց խուսափել մեծ աղետից, արդյունքում եղավ ընդամենը ոտքի կոտրվածք։ Ըստ տեղեկություննեի համայնքի ղեկավարի պաշտոնակատարը իր կողմից երեխայի համար նվեր տիկնիկ է ուղարկել, իսկ համայնքապետարանից ընտանիքին առաջարկել են օգնություն՝ դեղերի և սննդի տեսքով։

Հունիսի 1-ից մինչ հունիսի 5-ը Վանաձորի համայնքապետարանի աշխատակազմը վիդիոներ ու նկարներ էր կիսվում հունիսի 1-ի այսպես ասած հիասքանչ տոնակատարությունից և իհարկե 0 անդրադարձ այս դժբախտ պատահարին որը  հավանաբար 7 ամյա Նարեին կուղեկցի հոգեբանական տռավմայի տեսքով մինչև պատանեկություն և գուցե էլ ավելին, քանի որ երեխան այլևս ցանկություն չունի պարի հաճախել։
Ակնկալվում էր, որ սթափ դատողության դեպքում համայնքապետարանի պաշտոնական էջով կհրապարակվի ոչ թե լոկ մարդաշատ երևացող նկարներ, այլ ասենք համայնքպետի պաշտոնակատարի և աշխատակազմի, ինչու ոչ նաև ավագանու անդամների այցը ընտանիքին և երեխային և այդ նկարի ֆոնին կարող էր համայնքապետի պաշտոնակատարը ներողություն խնդրել փոքրիկ Նարեից, նրա ծնողներից և բոլոր այն փոքրիկներից ու նրանց հարազատներից ովքեր ականատեսն են եղել այս զարհուրելի դեպքի, բայց ոչ, կարևորվել է իմիտացիա ստեղծելը, որ ամեն ինչ լավ է։

Ի վերջո, ոստիկանությունում էլ քրեական գործ հարուցված չէ և կարվի ամեն ինչ, որ այս դեպքը  ջրվի, գնա կորչի»։