Էրդողանի վարչակազմը՝ «սահմանադրական բարեփոխումների» նախաձեռնող

Քաղաքական 22:08 06/06/2023 Տարածաշրջան

Թուրքիայի նոր կառավարությունը հերթական անգամ խորհրդարանին կներկայացնի սահմանադրական բարեփոխումներ իրականացնելու նախաձեռնությունը։ ՏԱՍՍ-ը գրում է, որ այդ մասին երեքշաբթի օրը կառավարության առաջին նիստից հետո, որը ձևավորվել է երկրի նախագահական ընտրություններից հետո, ժողովրդին ուղղված հեռուստաուղերձում հայտարարել է Թուրքիայի նախագահ Ռեջեփ Թայիփ Էրդողանը։

«Մենք կրկին խորհրդարան կներկայացնենք սահմանադրության փոփոխության մեր առաջարկը»,- ասել է Էրդողանը։

Թուրքիայի նախագահը, որը մայիսի 28-ին կայացած ընտրությունների երկրորդ փուլում վերընտրվել է նոր ժամկետով, ավելի վաղ հայտարարել էր, որ իր վարչակազմի գլխավոր խնդիրներից մեկը մնում է նոր Սահմանադրության մշակումն ու ընդունումը, որը կփոխարինի 1982-ին 1980-ի ռազմական հեղաշրջումից հետո հաստատվածին։

Էրդողանը երկու անգամ հանրության հաստատման է ներկայացրել հիմնարար օրենքում փոփոխությունների հետ կապված հարցեր։ 2017-ին հանրաքվեից հետո հանրապետությունում կառավարման խորհրդարանական ձևը փոխարինվեց նախագահականով, սակայն այս փոփոխությունների լույսի ներքո նոր սահմանադրություն չընդունվեց։ Նախագահական ընտրություններում իր թեկնածուին առաջադրած ընդդիմությունը պատրաստել է սահմանադրության նախագիծ, որը նախատեսում է Թուրքիայի վերադարձը խորհրդարանական կառավարման ձևի, սակայն մայիսի 14-ին միաժամանակ տեղի ունեցած խորհրդարանական ընտրություններում կրած պարտության լույսի ներքո, նախագահական ընտրությունների առաջին փուլով չի կարողացել իրականացնել իր նախաձեռնությունը։ Էրդողանի գլխավորած իշխող դաշինքը մեծամասնություն է ստացել նոր խորհրդարանում։

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: