Արմենը միայն խնդրեց փոխանցել՝ շնորհակալ է բոլորին` իր կողքին կանգնելու և սատարելու համար. Աբրահամյան

ԱԺ «Պատիվ ունեմ» խմբակցության քարտուղար Տիգրան Աբրահամյանը նույն խմբակցության ղեկավար Հայկ Մամիջանյանի, պատգամավորներ Տարոն Մարգարյանի ու Աննա Մկրտչյանի հետ  այցելել են  ձերբակալվածների պահման վայր` հանդիպելու ՀՀԿ փոխնախագահ Արմեն Աշոտյանին։ 

«Արմենի ուժեղ կամքի ու համառ բնավորության մասին բոլորը գիտեն, այս մասին նույնիսկ ավելորդ է լրացուցիչ խոսել:

Արմենը միայն խնդրեց փոխանցել, որ շնորհակալ է բոլորին` իր կողքին կանգնելու և սատարելու համար»,- գրել է Տիգրան Աբրահամյանը:

Հիշեցնենք, որ ՀՀ հակակոռուպցիոն դատարանում, դատավոր Սարգիս Դադոյանի նախագահությամբ, երեկ քննարկել է  ՀՀԿ փոխնախագահ  Արմեն Աշոտյանի  կալանքի միջնորդությունը։ Որոշումը կհրապարակվի  այսօր ժամը 12։00-ին։  Արմեն Աշոտյանը ձերբակալվել  է հունիսի  15-ին, ՔԿ հաղորդմամբ՝ խափանման միջոցի պայմանները խախտելու համար։