Ձեր վստահելի աղբյուրը

«Առողջության իրավունք» իրավապաշտպան ՀԿ համանախագահ Ծաղիկ Վարդանյանը գրում է․

«ԱՌՈՂՋԱՊԱՀՈՒԹՅԱՆ ԱՊԱՀՈՎԱԳՐՈՒԹՅՈՒՆ՝ ՀԱՆՈՒՆ ԲԱՐՁՐ ԵԿԱՄՈՒՏ ՈՒՆԵՑՈՂՆԵՐԻ 

Առողջության Համապարփակ Ապահովագրության՝ ԱՀԱ-ի ,  օրենքի նախագիծը ներկայում շրջանառվում է, լրատվամիջոցներով  խոսվում է դրա մասին և եթե անտեղյակ լինես իրականությունից  տպավորություն է, որ այն գալիս է « փրկելու» մեզ  առողջապահության ոլորտում գրպանից կատարվող աղետալի ծախսերից: Դե էլ չեմ խոսում բժշկական ծառայությունների «որակի բարձրացման» տեսկլականից

Հիմա ավելի իրական.
Մի քանի հարց ապահովագրավճարների վճարման ապագա խրոնիկայից, այսպես, արդյունքում բոլորս վճարելու ենք ամսական 13,700 ՀՀ դրամ, սակայն հետևյալ ձևաչափով, 300,000 դրամ աշխատավարձի բազա ունեցողները ամսական աշխատավարձից կվճարեն որպես պարտադիր ապահովագրական վճար 4,5%, 500,000  դրամ աշխատավարձի բազա ունեցողները՝ 2,74%, դե 1մլն. աշխատավարձի դեպքում՝ 1.37%, մնացածը հաշվեք ինքներդ:

Ու՞ր մնաց սոցիալական արդարությունը, հավասարությունը և հանրության մեջ սոցիալական համերաշխությունը, չէ՞ որ պարտադիր պետական, սոցիալական ապահովագրության հիմնաքարը սոցիալական հավասարությունն ու արդարությունն է:

Հ.Գ մինչև 300.000 դրամ աշխատավարձ ստացողների մասին կխոսեմ հաջորդիվ:
Հ.Գ. Հիմա հասկանում եք ինչու՞ են ընտրել ապահովագրավճարի վճարման  բացարձակ թվով տարբերակը, ոչ թե տոկոսայիը, չեն ցանկցել «նեղացնել» բարձր եկամուտ ունեցող անձանց»: