Հայաստանի իշխանությունները Եկատերինբուրգից հետ են կանչել պատվավոր հյուպատոսին Եկեղեցուն և Կարապետյանին ստարալու համար

Հայաստանի պատվավոր հյուպատոս Նարեկ Սպարտակյանը հետ է կանչվում Եկատերինբուրգից: «URA.RU»-ի փոխանցմամբ՝ պատճառը Հայ Առաքելական Եկեղեցու դեմ և ռուսաստանցի բարերար Սամվել Կարապետյանի, որը աջակցում էր Հայ Առաքելական Եկեղեցուն, ձերբակալման հարցում Հայաստանի քաղաքական ղեկավարության դիրքորոշման հետ չհամաձայնելն է։

Սպարտակյանը, լրագրողի հետ զրույցում, միայն նշել է, որ ապրել և շարունակում է ապրել Եկատերինբուրգում: Եվ խոստացել է անել ամեն ինչ, ինչ անհրաժեշտ է Սվերդլովսկի բնակիչների և հայ համայնքի համար՝ նույնիսկ առանց պատվավոր հյուպատոսի կարգավիճակի:

«Ես անընդունելի եմ համարում Հայ Առաքելական Եկեղեցու՝ որպես բոլոր հայերի հոգևոր միասնության կարևոր հիմքի դեմ ուղղված ցանկացած գործողություն»,-հավելել է Սպարտակյանը: Պատասխանելով Կարապետյանի ձերբակալության վերաբերյալ իր դիրքորոշման մասին հարցին՝ նա պատասխանել է, որ բոլոր հայերի նման, շատ է հարգում նրան, քանի որ շատերի համար նա օրինակ է, թե ինչպես կառուցել և ստեղծագործել։

Սպարտակյանը մեծացել է Եկատերինբուրգում և ավարտել է Ելցինի անվան Ուրալի դաշնային համալսարանը: Նա անցել է ինտերնատուրա Սվերդլովսկի մարզի մարդու իրավունքների հանձնակատարի գրասենյակում: Սպարտակյանը պատվավոր հյուպատոս դարձավ 2018 թվականին, երբ նա 28 տարեկան էր։ Սկզբում նրա հյուպատոսական շրջանը ներառում էր միայն Սվերդլովսկի մարզը, սակայն ավելի ուշ այն ներառեց նաև Պերմի և Չելյաբինսկի մարզը։