Կինն ընտանիքի ողջ խնայողությունը ծախսել է պլաստիկ վիրահատությունների վրա և մшհացել է վիրահատության ժամանակ

Կոլումբիացի կինը իր ընտանիքի ողջ գումարը ծախսել է պլաստիկ վիրահատության վրա և մահացել է վիրահատության ընթացքում։ Դեպքի մասին հաղորդում է Need to Know-ը։

Կոլումբիայում 31-ամյա Սառա Միլենա Էչևերիա Ալսենդրան մահացել է պլաստիկ վիրահատության ժամանակ վիրահատարան մտնելուց ընդամենը մի քանի ժամ անց։ Նրա ամուսինը՝ Կառլոսը, պնդում է, որ նա լիովին առողջ էր, անցել էր բոլոր անհրաժեշտ հետազոտությունները և տարիներ շարունակ պատրաստվել էր վիրահատությանը։

Ըստ ամուսնու՝ նրանք երկար ժամանակ խնայում էին Սառայի լիպոսակցիայի և կրծքերի մեծացման համար։ Ընդհանուր առմամբ, վիրահատությունը և դրան ուղեկցող բուժումները արժեցել են ավելի քան 20,000 դոլար՝ դա ընտանիքի ամբողջ գումարն էր։

Վիրահատությունից առաջ վիրաբույժները պահանջել են, որ հիվանդը նիհարի։ Հինգ ամսվա ընթացքում Սառան կորցրել է ավելի քան 30 կիլոգրամ՝ սննդաբանի հետ համագործակցելով և հետևելով խիստ դիետայի և վարժությունների ծրագրի։ Դրանից հետո նա անցել է մի շարք բժշկական հետազոտություններ, այդ թվում՝ հեմոգլոբինի մակարդակը բարձրացնելու բուժում, և ստացել է վիրահատության թույլտվություն։

Վիրահատության օրը զույգը վաղ առավոտյան ժամանել է Բարանկիլյայի կլինիկա։ Վիրահատությունը պետք է տևեր մոտավորապես յոթ ժամ, սակայն վիրահատությունը սկսվելուց մի փոքր ավելի քան երկու ժամ անց ամուսնուն տեղեկացրել են, որ կինը մահացել է։

Կարլոսի խոսքով՝ բժիշկները չեն կարողացել նրան հստակ բացատրություն տալ տեղի ունեցածի վերաբերյալ։ Ընտանիքը նաև պնդում է, որ սկզբում իրենց ասել են, որ վիրահատությունը դեռ չէր սկսվել, երբ կինը սրտի կանգ է ունեցել։ Սակայն, մարմինը տեսնելուց հետո, հարազատները եզրակացրել են, որ վիրահատությունն իսկապես կատարվել է։