Ողբերգական դեպք Սիրիայում. Երկու ավտոբուսների բախման հետևանքով մի քանի տասնյակ մարդ զոհվել է

Ողբերգական դեպք է տեղի ունեցել այսօր Սիրիայում։ Դեր Զորից դեպի Դամասկոս տանող արագընթաց ճանապարհին բախվել են երկու ավտոբուսներ։ «Ալ Ջազիրա»-ի փոխանցմամբ, վթարի հետևանքով այս պահին 35 մարդ զոհվել է, 30 մարդ ստացել տարբեր աստիճանի վնասվածքներ։

 Դեր Զոր-Դամասկոս ճանապարհը կարևորագույն մայրուղի է, որը ձգվում է ավելի քան 400 կմ (249 մղոն) և կապում է Սիրիայի արևելքը մայրաքաղաքի հետ։

Ներքին գործերի նախարարությունը հայտնել է, որ ավտոբուսներից մեկը տեղափոխում էր Ներքին անվտանգության ուժերի անդամների, իսկ մյուսը՝ քաղաքացիական անձանց։ Նախարարությունը հավելել է, որ դեպքի վայր են ուղարկվել շտապօգնության մեքենաներ։ Սիրիական արաբական լրատվական գործակալության (SANA) տվյալներով՝ վթարի վայր են ուղարկվել նաև մի քանի ուղղաթիռներ՝ վիրավորներին Հոմսի ռազմական հոսպիտալ տեղափոխելու համար։ Հայտնի է, որ մայրուղին ունի անվտանգության ցածր չափանիշներ, ինչը արտացոլում է Սիրիայի քաղաքացիական ենթակառուցվածքների ծանր վիճակը գրեթե 14 տարի տևած քաղաքացիական պատերազմից հետո։