Ամենից շատ կարդացված նյութեր
.png "Խուդաթյանը իրանում քննարկել է Վրաստան և Ռուսաստան էլեկտրաէներգետիկ միջանցքներ ստեղծելու հարցը")
Խուդաթյանը իրանում քննարկել է Վրաստան և Ռուսաստան էլեկտրաէներգետիկ միջանցքներ ստեղծելու հարցը
«Հայաստանի Հանրապետության տարածքային կառավարման և ենթակառուցվածքների նախարար Դավիթ Խուդաթյանը հանդիպել է Իրանի Իսլամական Հանրապետության էներգետիկայի նախարար Աբբաս Ալիաբադիի հետ»,-հայտնում են ՏԿԵ նախարարությունից։
Ողջունելով նախարար Խուդաթյանին՝ Աբբաս Ալիաբադին ընդգծել է հայ-իրանական համագործակցության շարունակական զարգացման կարևորությունը՝ նշելով, որ էներգետիկ ոլորտը երկկողմ հարաբերությունների առանցքային ուղղություններից է։
Հանդիպման ընթացքում կողմերը քննարկել են Հայաստանի և Իրանի միջև էներգետիկ համագործակցության օրակարգային հարցերի լայն շրջանակ։ Մասնավորապես, անդրադարձ է կատարվել Հայաստան–Իրան 400 կՎ էլեկտրահաղորդման երրորդ գծի շինարարության ընթացքին՝ ընդգծելով ծրագրի ռազմավարական նշանակությունը երկու երկրների էներգետիկ համակարգերի փոխկապակցվածության ամրապնդման, էլեկտրաէներգիայի փոխադարձ հոսքերի ավելացման և տարածաշրջանային էներգետիկ համագործակցության ընդլայնման տեսանկյունից։
Նախարարները նաև քննարկել են վերականգնվող էներգետիկայի ոլորտում համագործակցության խորացման հնարավորությունները՝ կարևորելով փորձ համատեղ ծրագրերի իրականացումը և նոր ներդրումային նախաձեռնությունների խթանումը։
Կողմերը վերահաստատել են պատրաստակամությունը շարունակելու ակտիվ համագործակցությունը փոխադարձ հետաքրքրություն ներկայացնող բոլոր ուղղություններով՝ ի նպաստ երկու երկրների էներգետիկ անվտանգության և կայուն զարգացման
Studio One