ՏՈՐԲՅՈՐՆ ՅԱԳԼԱՆԴՆ ԸՆՏՐՎԵԼ Է ԵՎՐՈՊԱՅԻ ԽՈՐՀՐԴԻ ԳԼԽԱՎՈՐ ՔԱՐՏՈՒՂԱՐ

Եվրոպայի Խորհրդի Խորհրդարանական վեհաժողովը (ԵԽԽՎ) Տորբյորն Յագլանդին (Նորվեգիա) ընտրել է կազմակերպության Գլխավոր քարտուղար հինգ տարի ժամկետով։

Ընտրության առաջին փուլում Տորբյորն Յագլանդը հավաքել է 165 ձայն (բացարձակ մեծամասնություն), իսկ Վլոդզիմիեժ Չիմոշևիչը (Լեհաստան)՝ 80 ձայն։ Քվեարկությանը մասնակցել է 245 հոգի։

2005թ.-ից Պարոն Յագլանդը եղել է Նորվեգիայի խորհրդարանի (Ստորտինգ) նախագահը և 1993թ.-ից Բուսկերուդ կոմսության Խորհրդարանի անդամ։
Նա ծնվել է 1950թ. նոյեմբերի 5-ին՝ Նորվեգիայի Դրամեն քաղաքում։ Ամուսնացած է Հաննե Գրոտյորդի հետ։ Նրանք ունեն երկու երեխա։

Տորբյորն Յագլանդը Գլխավոր քարտուղարի երդումը կտա 2009թ. հոկտեմբերի 1-ին։
Այս մասին հայտնում են Եվրոպայի խորհրդի մամուլի բաժնից: