Առանց ԼՂՀ լիարժեք ներգրավվան, ապագա բանակցային գործընթացն արդյունավետ չի լինի. Շ.Քոչարյան

«Այն հանգամանքը, որ առ այսօր պաշտոնյաների կողմից որևէ հասցեական հայտարարություն չի եղել, Ադրբեջանը դա ընկալել է քարշ բլանշ վերջին իրադարձությունները  իրականացնելիս»,- Ազգային ժողովում լրագրողների հետ զրույցում ասաց ՀՀ արտաքին գործերի նախարարի տեղակալ Շավարշ Քոչարյանը:

Ըստ նրա, լավ կլինի, որ միջազգային հանրության արձագանքը լինի հասեցական.«Պաշտոնյաների հայտարարություններում հստակություն չկա, ինչը մտահոգիչ է, այդ ուղղությամբ պետք է աշխատել»:

Շ.Քոչարյանի խոսքով, առանց ԼՂՀ լիարժեք ներգրավվան, ապագա բանակցային գործընթացն արդյունավետ չի լինի:

«Ակնհայտ է, եթե, ընդհանարապես, խոսքը կարող է գնալ բանակցությունների մասին, նախ և առաջ պետք է կրակի դադարեցման ռեժիմը հստակ գործի: Նախորդ փորձը ցույց տվեց, որ այն միջոցները, որոնք դրա համար կիրառվում էին, բավարար չեն: Մեզ համար ցանկալի է, որ հստակ լինի»,- ասաց նա:

ԱԳ փոխնախարարը հիշեցրեց, որ դեռևս 2011 թ. համանախագահող երկրների` Ռուսաստանի, ԱՄՆ-ի, Ֆրանսիայի նախագահները, արել էին հայտարարություն, որտեղ բառացի ասված էր, որ ժամանակին ուժի կիրառումն է բերել ներկա իրավիճակի, և նոր ոժի կիրառումը կբերի նոր տառապանքների, ավերածությունների, և դա կդատապարտվեն ﬕջազգային հանրության կողﬕց:

«Այն, ինչ հիմա տեղի ունեցավ, հենց դա է, նոր ուժի կիրառում է: Այնպես որ հիմա ﬔնք` հայկական կողﬔրը, պետք է աշխատենք ու հասնենք նրան, որ լինի համապատասախան արձագանք»,-նշեց Շ.Քոչարյանը: