Ընտրական նոր օրենսգրքի շուրջ էական համաձայնություն ձեռք չի բերվել. ՀԺ

Երեկ երեկոյան  Ազգային ժողովում  տեղի է ունեցել  Ընտրական նոր  օրենսգրքում  փոփոխություններ կատարելու  շուրջ  վերջերս սկսվածն  ընդդիմություն-իշխանություն  նեղ շրջանակով  ընթացքող  բանակցությունների 2-րդ փուլի հերթական հանդիպումը։

 «Հայկական Ժամանակ»-ին հայտնի է դարձել, որ  երեկվա փակ հանդիպմանը  ևս էական  համաձայնություններ ձեռք չեն բերվել։ 

Թերթը գրել էր, որ  բանակցություններն ընթանում են  Սերժ Սարգսյանի աշխատակազմի ղեկավար  Վիգեն Սարգսյանի,  կառավարության աշխատակազմի  ղեկավար-նախարար  Դավիթ Հարությունյանի և ՀԱԿ խմբակցության ղեկավար Լևոն Զուրաբյանի միջև։