Քարիմովի մահից հետո էլ Ուզբեկստանը թույլ չի տա իր տարածքում ռազմաբազա տեղակայել

Ուզբեկստանի նախագահ Իսլամ Քարիմովի մահից հետո երկրի արտաքին քաղաքականության առաջնեհերթությունը ԱՊՀ երկրների հետ հարաբերություններն են: Այս մասին հայտարարել է նախագահի պարտականությունները ժամանակավորապես կատարող վարչապետը:

Ռուսական լրատվամիջոցների փոխանցմամբ, նա ընդգծել է, որ Ուզբեկստանը շարունակելու է չանդամակցել ռազմաքաղաքական դաշինքներին, չի թույլատրելու իր տարածքում որևէ այլ երկրի կողմից ռազմաբազայի կամ այլ օբյեկտի տեղակայումը:

Վարչապետը հայտարարել է, որ Ուզբեկստանը նախատեսում է ամրապնդել Ռուսաստանի հետ հարաբերությունները, զարգացնել ԱՄՆ-ի և Չինաստանի հետ համագործակցությունը: