Կլոպ. «Ռայոլայի խոսքերն ինձ չեն հետաքրքրում»
«Լիվերպուլի» գլխավոր մարզիչ Յուրգեն Կլոպը խոսել է ֆուտբոլային հայտնի գործակալ Մինո Ռայոլայի` իր հասցեին ուղղված քննադատությունների մասին: Ռայոլան հայտարարել էր, որ գերմանացի մասնագետը Մարիո Բալոտելլին ոչ մի շանս չտվեց` «Էնֆիլդում» իր հնարավորությունները ցուցադրելու համար և որ ինքը կասկածում է Կլոպի մասնագիտական որակների վրա: Այս մասին տեղեկացնում է Goal.com-ը:
«Ռայոլայի խոսքե՞րը: Գիտեմ այդ մարդուն, բայց նրա ասածներն ինձ չեն հետաքրքրում: Ամեն ինչ նորմալ է, մենք ապրում ենք ազատ երկրում»,- ասել է Կլոպը:
Հավելենք, որ Մինո Ռայոլան, ով նաև հանդիսանում է Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանի գործակալը, առաջին անգամը չէ, որ աչքի է ընկնում նմանատիպ սկանդալային հայտարարություններով:
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ