Ա. Եղոյան. ՏՏ ոլորտը հաղթում է
«Հայաստանում ՏՏ ոլորտը հաղթում է: Վերջին տասը տարիների ընթացքում մենք ամեն օր տեսնում ենք դրական փոփոխություններ»,-այսօր լրագրողների հետ հանդիպմանը նման կարծիք հայտնեց Տրանսպորտի, կապի և տեղեկատվական տեխնոլոգիաների փոխնախարար Ամալյա Եղոյանը:
Գնահատելով անցած տարին, Եղոյանը հիշեցրեց, ոլորտում արձանագրվել է 29.6 տոկոս աճ, ստեղծվել են 281 նոր ընկերություններ, որոնք օգտվում են հարկային արտոնություններից: Խոշոր քաղաքներում՝ Գյումրիում ու Վանաձորում ստեղծվել են տեխնոլոգիական կենտրոններ: Ոլորտի զարգացումը կարևոր է աշխատատեղերի ստեղծման առումով:
«Շատ բուռն էր 2017-ը ոլորտի համար, ստեղծվել է 15 հազար աշխատատեղ»,-ասաց նա:
Ինչ վերաբերում է 2018-ին, ապա նախագծերը շատ են, ուշադրության կենտրոնում լինելու են մասնավորի ու պետության համագործակցության սերտացումը, Երևանից դուրս նոր ծրագրերի իրականացումը, պաշտոնական Ստեփանակերտի հետ համագործակցությունը:
«Նշեմ, որ Գյումրիում ունենք մոտ 25 ընկերություն: Սա լավ պոտենցիալ է մարզերի զարգացման համար, այդ նպատակով տեղական ու միջազգային մասնավոր ընկերություններին ուղորդել մարզեր»,-ասաց փոխնախարարը:
Նախատեսում են ստեղծել 10 տոկոսով ավելի շատ աշխատատեղեր, քան նախորդ տարի:
«Սա այն ոլորտն է, որտեղ թափուր աշխատատեղերն ավելի շատ են, քան առաջարկվող մասնագետների թիվն է: Այս առումով շատ կարևոր է տեխնոլոգիական կրթությունը, որը հիմնված կլինի բիզնեսի կարիքի վրա: Խնդիրն առկա է»,-նշեց Ա. Եղոյանը:
Մանրամասները՝ քիչ անց տեսանյութում:
Հարակից հրապարակումներ`
- «Նախարարության կողմից կա նախաձեռնություն՝ հզորացնել, զարգացնել ՏՏ ոլորտը և Հայասատանի փորձը բերել դեպի Արցախ»
- ՏՏ ոլորտում 29 տոկոս աճ է գրանցվել
- Ֆեյսբուք սոցիալական ցանցում ծագած տեխնիկական խնդիրերն աստիճանաբար շտկվում են. ՏՏ փորձագետ
- Հայաստանին կփոխանցվի 2019 թ-ի ՏՏ համաշխարհային համաժողովի էստաֆետան
- Հայաստանը հետաքրքրված է ՏՏ ոլորտում Էստոնիայի փորձով. Կարեն Կարապետյան
- Վստահ եմ, որ Գյումրին իր տեխնոլոգիական նորարարություններով աշխարհին դեռ զարմացնելու է. Ամալյա Եղոյան
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ