Ամենից շատ կարդացված նյութեր
.jpg "Էրդողանը՝ Ավստրիայի վարչապետին. Դեռ շատ երիտասարդ ես, գլխիդ փորձանք կբերես")
Էրդողանը՝ Ավստրիայի վարչապետին. Դեռ շատ երիտասարդ ես, գլխիդ փորձանք կբերես
Թուրքիայի նախագահ Ռեջեփ Թայիփ Էրդողանը քննադատել է Ավստրիայի վարչապետ Սեբաստիան Կուրցին, ով աջակցություն էր հայտնել Ավստրիայի տարածքում այլ երկրներից ֆինանսավորվող 7 մզկիթների փակմանը և մուսուլման հոգևորականների (իմամ) արտաքսմանը:
Մզկիթների որոշ մասը ֆինանսավորվում էր Թուրքիայի կողմից։
«Մահմեդականների և մզկիթների հանդեպ նման վերաբերմունք դրսևորելը ցույց է տալիս Եվրոպայի` իսլամի դեմ ունեցած թշնամությունը և ռասիստական քաղաքականությունը։ Դիմում եմ Ավստրիայի վարչապետին. դու դեռ շատ երիտասարդ ես և դեռ շատ փորձ գլխիդ կբերես: Քո գործողությունները կարող են մեծ խնդիրներ առաջացնել հենց քեզ համար։ Իմացիր, որ Ավստրիայում մզկիթների փակումը, այնտեղից մահմեդականների, կրոնական գործիչների վտարումը կառաջացնի նոր կռիվ խաչի և կիսալուսնի միջև, և դրա պատասխանատուն կլինես դու»,-ասել է Թուրքիայի նախագահը։
«Էրմենիհաբեր»-ը հիշեցնում է, որ Ավստրիայի իրականացրած քայլերն աջակցություն են ստացել Իտալիայի իշխանությունների կողմից։
Studio One