Ճապոնիան նախատեսում է ամառային ժամանակի անցնել` հանուն օլիմպիական խաղերի

Ճապոնիան 2019 և 2020 թվականներին ծրագրում է անցնել ամառային ժամանակի, որպեսզի  Տոկիոյում կայանալիք ամառային Օլիմպիական խաղերի մրցույթները կարողանան անցկացվել ցերեկային ավելի հով ժամերին։

«Իզվեստիա»-ն գրում է, որ 2019-ի հունիս-օգոստոս ամիսներին ժամացույցի սլաքները երկու ժամ առաջ կտան։

Ներկայումս Ճապոնիայում ժամերը չեն փոփոխվում։ Ամառային ժամանակի անցումը Ճապոնիայում ուժի մեջ է մտել 1948 թվականին, բայց դադարեցվել է այդ անցումը 1952-ին։