«Ինտերֆաքս». Ռուսաստանն իր տարածքում չեղարկել է Միքայել Հարությունյանի նկատմամբ հայտարարված հետախուզումը

Ռուսաստանն  իր տարածքում չեղարկել է է Հայաստանի պաշտպանության նախկին նախարար Միքայել Հարությունյանի նկատմամբ հայտարարված ԱՊՀ միջպետական հետախուզումը: Այս  մասին գրում է «Ինտերֆաքս»-ը՝ վկայակոչելով լավատեղյակ իր աղբյուրին։

«2008թ. Մարտի 1-ի իրադարձությունների գործով մեղադրվող Հարությունյանի գործի նյութերն ուսումնասիրելուց հետո որոշում է ընդունվել նրա նկատմամբ հայտարարված հետախուզումը ՌԴ տարածքում չեղարկելու մասին»,-ասել է գործակալության աղբյուրը։

Հիշեցնենք, որ ավելի վաղ ՀՔԾ-ն հայտարարել էր. «Մեղադրյալ Մ.Հարությունյանի նկատմամբ հայտարարվել է հետախուզում, նրա նկատմամբ որպես խափանման միջոց կալանավորումը կիրառելու վերաբերյալ միջնորդություն է ներկայացվել դատարան»։

Նա մանրամասնել է, որ այսպիսով՝ ՌԴ տարածքում գեներալ Հարությունյանին ոչինչ չի սպառնում: Սակայն ինչպես նշել է  աղբյուրը,  եթե նա հայտնվի ԱՊՀ երկրներից որևէ մեկում, նրան կարող են ձերբակալել ու հանձնել  Հայաստանին:

Աղբյուրը նաև հստակեցրել է, որ  պաշտպանության նախկին նախարարի ձերբակալման ու արտահանձնման վերաբերյալ դիմումը Մոսկվան վերջերս է ստացել և ոչ թե ՀՀ գլխավոր դատախազությունից, այլ միջպետական հետախուզման գծով, որտեղ նույնիսկ նշված է մեղադրյալի Ռուսաստանի մայրաքաղաքում բնակության հասցեն։