Ձեր վստահելի աղբյուրը

«Հանուն սոցիալական արդարության» կուսակցության նախագահ, «Ժողովրդի ձայն» փորձագիտական ակումբի փորձագետ Արման Ղուկասյանն այսօր լրագրողների հետ հանդիպմանը կասկածի տակ դրեց վարչապետ Նիկոլ Փաշինյանի՝ հայ-ռուսական հարաբերությունները փայլուն լինելու վերաբերյալ հայտարարությունը։

Նա նշեց, հաշվի առնելով կառավարության ղեկավարի հայտարարությունների ու երկու կողմերից եկող ազդակների միջև հակասությունները, անցկացրել են ուսումնասիրություն։

Ղուկասյանը հիշեցրեց, որ Հայաստանում Հանրային հեռուստաընկերությունը հեռարձակում է ռեպորտաժ Ռուսաստանի սահմանադրական հանրաքվեի մասին, որտեղ ներկայացնում է ռուս ընդդիմադիր գորխիչ Նավալնիի խոսքը, սա այն դեպքում, երբ Ռուսաստանում սահմանդրական փոփոխություններին կողմ քվեարկեցին ընտրողների 78 տոկոսը։

«Մեր գնահատմամբ, դաշնակից երկրների միջև նման բաներ չպետք է լինեն, դա ամեն դեպքում մատնանշում է այն մասին, որ հայ-ռուսական հարաբերություններում ամեն ինչ այնքան էլ հարթ չէ»,-ասաց նա։

Որպես երկրորդ ազդակ, բանախոսը հիշեցնում է, Ռուսաստանը կորոնավիրուսի դեմ պայքարի շրջանակում դեռ ապրիլին Հայաստանին ցուցաբերել է օգնություն՝ թեստեր, շարժական լաբորատորիաներ , մինչդեռ իշխանական մամուլն ու իշխանական խմբերն այն նշում են որպես հերթական, ընդգծում Լիտվայի, Լեհաստանի օգնությունը։

«Ես չեմ տալիս գնահատական, դրակա՞ն, թե՞ բացասական, դրա պատասխանատուն իշխանություններն են, քանի որ նրանք են երկրի արտաքին քաղաքականության կուրսն ապահովողները, սրանք ընդամենը փաստեր են, որոնք վկայում են, որ հայ-ռուսական հարաբերությունները այնքան էլ փայլուն վիճակում չեն գտնվում»,-ասաց նա։

Նման ազդակների թվում բանախոսը հիշեցնում է ԱԷԿ-ի երկրորդ էներգաբլոկի վերանորոգման վարկի մի մասից՝ 70 մլնից հրաժարվելը, երբ Հայաստանը հայտարարեց, որ կարող է իր ուժերով ավելի մատչելի կերպով ապահովել վերանորոգումը։

«Բայց կա հստակ տեղեկատվություն, որ հայկական կողմը դիմել է Արժույթի միջազգային հիմնադրամին ու Համաշխարհային բանկին, այդ գումարը վերցրել է այնտեղից։ Հանուն արդարության պետք է նշել, որ այս կառույցները վարկը տրամադրել են 1.3 տոկոսով, ռուսականը կողմը՝ 3 տոկոսով էր տրամադրում։ Բայց պետք է հիշել, որ ռուսական կողմն այս պայամանագրի շրջանակում 30 մլօն դոլար  անվերադարձ դրամաշնորհ էր տրամադրել, ստացվում է, որ 200 մլն վարկը վերցրել ենք, 30 մլն դոլար դրամաշնորը վերցրել ենք, 70 մլն-ից հրաժարվել ենք»,-նշեց նա։

Ղուկասյանի խոսքով, ռուսա փորձագետների հետ կարծիքների փոխանակամնա, զրույցների, քննարկումների արդյունքում եկել է համոզման, որ Մոսկվային հատկապես երկու խնդիր է մտահոգում՝ «Գազպրոմ» և ՀԿԵ ընկերությունների շուրջ եղած քրեական գործերն են։

«Ոչ ոք չի ասում, որ որևէ մեկը մեր երկրում պետք է զբաղվի կոռուպցիայով։ Ոչ։ Եթե կան մեղավորներ, նրանք պետք է պատժվեն։ Բայց արդեն երկու տարի է՝ քրգործերն օդում կախված են, պատժվածներ չկան։ Այսինքն, պետք է հասկանալի լինի, այդ հայտարարություններն արվե՞լ են այդ ընկերությունների իմիջին վնասելու համար, թե կա՞ն մեղավորներ»,-հիշեցրեց նա։

Հաջորդ խնդիրը, որ մտահոգում է Մոսկվային, ըստ Ղուկասյանի, Հայաստանում առկա մոտ տասը կենսաբանական լաբորատորիաներն են։

«Նման լաբորատորիաներ կան նաև Ղազախստանում, Բելառուսում։ Այս խնդիրը կար դեռ նախորդ իշխանության ժամանակ։ Քանի որ լաբորատորիաները կառուցվել են Պենտագոնի գումարներով, այն մտահոգություններ է առաջացրել դաշնակից պետության մոտ, այդ լաբորատորիաներ Ռուսաստանի ներկայացուցիչների մուտքը ձգձգվում է»,-նշեց նա՝ կասկած հայտնելով, որ դա կարող է վտանգ ներկայացնել նաև Հայաստանի համար։

Ամփոփելով խոսքը, «Հանուն սոցիալական արդարության» կուսակցության նախագահ, «Ժողովրդի ձայն» փորձագիտական ակումբի փորձագետն ասաց, հայ-ռուսական հարաբերություններում կան խնդիրներ, դրանք փայլուն չեն, դրա մասին վկայում են թե Ռուսաստանից եկած ազդակները, թե Հայաստանում կատարվող տարբեր իրադարձություններ։

«Քայլերը միշտ չէ, որ համընկնում են այն հայտարարությունների հետ, որոնք անում են Հայաստանի իշխանությունները։ Ուզում եմ անպայման նշել, որ հայ-ռուսական հարաբերություններում պետք է հաշվի առնվեն երկու երկրների շահերը, դրանք պետք է լինեն հավասարաչափ։ Բայց մեր երկրի պետական շահերը կարող են վտանգվել, քանի որ իշխանությունների խոսքն ու գործը չեն համընկնում իրար»,-նշեց նա։