Նավալնիի թունավորումը ոտնձգություն է ընդդիմադիր գործչի կյանքի նկատմամբ. ԵՄ

ԵՄ արտաքին քաղաքականության և անվտանգության  գերագույն ներկայացուցիչ Ժոզեպ Բորելը մեկնաբանել է քաղաքական գործիչ Ալեքսեյ Նավալնիի թունավորումը: Ըստ նրա, դեպքը կարծես ոտնձգություն է ընդդիմադիր գործչի կյանքի նկատմամբ, գրում է news.ru-ն։

Ըստ նրա, դեպքի առնչությամբ Ռուսաստանի իշխանությունները պետք է անհապաղ կազմակերպեն թափանցիկ և անկախ հետաքննություն։

«Եվրամիությունը կտրականապես դատապարտում է, թե ինչպես է Նավալնու կյանքը փորձության ենթարկվում»,- շեշտել է նա:

Բորելը նշել է, որ միջազգային հանրությունը և Ռուսաստանի ժողովուրդը պահանջում են փաստեր՝ տեղի ունեցածի վերաբերյալ:

«Թունավորման համար բոլոր պատասխանատուները պետք է պատժվեն»,- ասել է նա։