![](https://panorama.am/news_images/790/2368083_1/f5f70412c47664_5f70412c476a9.thumb.jpg)
Թշնամու հարձակումից րոպեներ անց թուրքական ԶԼՄ-ներն ուղիղ եթերներ են տալիս առաջնագծից
Այսօր առավոտյան ժամը 07:15-ի սահմաններում, Ադրբեջանը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական ողջ շփման գծով։
Թշնամու հարձակումից կարճ ժամանակ անց արդեն թուրքական ու ադրբեջանական ԶԼՄ-ներն առաջին գծից հաղորդումներ են ներկայացնում, ինչը ևս մեկ անգամ փաստում է, հարձակումը նախապատրաստվել է Թուրքիայի հետ համատեղ՝ նաև լրատվական ուղղությամբ։
Թուրքիայի պետական հեռարձակող TRT-ն հարձակումից րոպեներ անց առաջնագծից ուղիղ եթեր էր ներկայացնում։ Այս պահին էլ թուրքերեն հաղորդում է ներկայացնում։
Ադրբեջանում, ինչպես հաղորդում են թվիթերի օգտատերերը, ինտերնետը սահմանափակված է, չեն աշխատում սոցիալական ցանցերը՝ Facebook, Youtube, TikTok, Whatsapp, Telegram։
Ադրբեջանցի օգտատերերը հայտնում են, որ առանց խնդրի աշխատում է միայն թվիթերը։
Մեդիափորձագետ Սամվել Մարտիրոսյանն էլ գրել է, որ բաց է միայն թվիթերը, որով էլ Ալիևի ռեժիմի «թրոլների ֆաբրիկան» հակահայկական պրոպագանդա է տարածում։
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)