Բողոքի ցույց Լոնդոնում՝ ընդդեմ ադրբեջանական ագրեսիայի

Մեծ Բրիտանիայի մայրաքաղաք Լոնդոնում` վարչապետի նստավայրի մոտ, ՀՅԴ-ականները բողոքի ցույց են անում ընդդեմ ադրբեջանական ագրեսիայի:

Նրանք կատարում են հայրենասիրական երգեր, պարբերաբար վանկարում՝ «Հաղթելու ենք», «Կեցցե մեր բանակը, կեցցե հայ ժողովուրդը»։

Նշենք, որ հայերն ընդդեմ ադրբեջանական ագրեսիայի ակցիաներ են անցկացվել աշխարհի տարբեր քաղաքներում։

Հիշեցնենք՝ սեպտեմբերի 27-ին ժամը 07:15-ի սահմաններում, Ադրբեջանը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական ողջ շփման գծով։ Հրետակոծվել են նաև խաղաղ բնակավայրերը, այդ թվում մայրաքաղաք Ստեփանակերտը, Մարտունին, Մարտակերտը, Հադրութը: Բնակչությանը կոչ է արվել պատսպարվել։ Կան տասնյակից ավելի զոհեր քաղաքացիների և հարյուրավոր զոհեր զինծառայողների շրջանում:

Թե Հայաստանում, թե Արցախում հայտարարված է ռազմական դրություն և ընդհանուր զորահավաք։