ՌԴ դեսպան. ԼՂ հակամարտության կարգավորման հարցում ամերիկյան ու ռուսական կողմի դիրքորոշումները համընկնում են

Վաշինգտոնում ՌԴ դեսպան Անատոլի Անտոնովը հայտարարել է, որ ԼՂ հակամարտության կարգավորման վերաբերյալ սկզբունքային հարցերում ՌԴ և ԱՄՆ դիրքորոշումները համընկնում են։ Այս մասին գրում է «ՏԱՍՍ» գործակալությունը։

«Հաճելի անակնկալ էր, երբ հրապարակվեց ԵԱՀԿ Մինսկի խմբի համանախագահող երեք երկրների՝ Ռուսաստանի, ԱՄՆ-ի ու Ֆրանսիայի նախագահների համատեղ հայտարարությունը։ Այնքան քիչ են դեպքերը, իրադարձությունները, երբ ամերիկյան ու ռուսական դիրքորոշումները համընկնում են, մենք կողմերին զսպվածության, առաջին հերթին կրակի դադարեցման ու բանակցային գործընթաց սկսելու կոչ արեցինք»,- ասել է դեսպանը։

Նա նշել է, որ նյուանսներ կան, իսկ սկզբունքորեն կողմերը սատարում են այն գործընթացը, որը կողմերին կդնի խաղաղության ռելսերի վրա։